भारताच्या वैशाली रमेशबाबू हिने २०२६ ची FIDE कँडिडेट्स चेस टूर्नामेंट जिंकून इतिहास रचला आहे. तिच्या कारकिर्दीतील हा आतापर्यंतचा सर्वात मोठा विजय मानला जात आहे. ही स्पर्धा जिंकणारी ती पहिली भारतीय महिला ठरली आहे. या विजयासोबतच वैशालीने या वर्षाच्या शेवटी होणाऱ्या 'वर्ल्ड चॅम्पियनशिप'मधील आपलं स्थान पक्के केलं आहे. तिथे तिचा सामना पाच वेळा वर्ल्ड चॅम्पियन असलेल्या जू वेनजुन हिच्याशी होईल.
वैशालीने अटीतटीच्या लढतीत बिबिसारा अस्सौबायेवा हिचा अर्ध्या गुणाच्या फरकाने पराभव करून हे जेतेपद पटकावलं. तिने एकूण ८.५ गुण मिळवले. वैशालीच्या या ऐतिहासिक यशाबद्दल 'फिडे'ने (FIDE) तिचं अभिनंदन केलं आहेच, पण त्यासोबतच भारताच्या प्रत्येक ग्रँडमास्टरचे आदर्श मानले जाणारे माजी वर्ल्ड चँपियन विश्वनाथन आनंद यांनीही तिचं तोंडभरून कौतुक केलं आहे.
विश्वनाथन आनंद यांनी वैशालीच्या यशाला सलाम केला आणि म्हटलं की, "मला तिचा अभिमान आहे. तिच्या या यशस्वी प्रवासाचा भाग होता आलं आणि तिला पाठबळ देण्याची संधी मिळाली, याचा मला आनंद आहे."
Family support behind 🇮🇳 Vaishali Rameshbabu every step of the way ❤️♟️#FIDECandidates#FIDEWomensCandidates#FIDE#Chess#Cypruspic.twitter.com/8JHtOrpie1
— International Chess Federation (@FIDE_chess) April 15, 2026
सहाव्या वर्षापासून बुद्धिबळ खेळायला सुरुवात
वैशाली रमेशबाबूचा जन्म २१ जून २००१ रोजी चेन्नई येथे झाला. वयाच्या सहाव्या वर्षापासूनच तिने बुद्धिबळ खेळायला सुरुवात केली होती. अल्पावधीतच तिने अंडर-१२ आणि अंडर-१४ गटात आपलं वर्चस्व निर्माण केलं. तिने या दोन्ही गटांत 'युथ चेस चॅम्पियनशिप' जिंकली. २०२१ मध्ये ती 'इंटरनॅशनल मास्टर' बनली. २०२३ मध्ये कतार मास्टर्स आणि लोब्रेगाट ओपनमधील दमदार कामगिरीनंतर तिने ग्रँडमास्टर होण्यासाठीच्या सर्व अटी पूर्ण केल्या.
इतिहासातील पहिली बहीण-भावाची जोडी
बुद्धिबळाच्या पटावर वैशालीची ओळख ग्रँडमास्टर प्रज्ञानानंदची मोठी बहीण म्हणूनही आहे. २०२४ मध्ये या बहीण-भावाच्या जोडीकडे एकाच वेळी 'ग्रँडमास्टर' ही पदवी होती. इतिहासात अशी कामगिरी करणारी ही जगातील पहिलीच बहीण-भावाची जोडी ठरली आहे.
Standings | After Round 14 | FIDE Women's Candidates 2026
— International Chess Federation (@FIDE_chess) April 15, 2026
🇮🇳 Vaishali Rameshbabu wins the FIDE Women's Candidates with a score of 8.5/14! 🔥#FIDECandidates#FIDEWomensCandidates#Chess#FIDEpic.twitter.com/LLPPEzGPg0