PMC Election 2026 : ऐन निवडणुकीत येवलेवाडीत सापडली एक लाखाची रोकड 

पुणे महापालिका सार्वत्रिक निवडणुकीच्या अनुषंगाने पेट्रोलिंग करून आचारसंहितेचा भंग होत असल्यास कारवाई करण्याचे आदेश दिले होते.

पुणे : खडीमशिन चौकात दोन चारचाकी वाहनांमध्ये भरारी पथकाला एक लाखाची रोकड (पाचशे रुपयांचे दोन बंडल), लिफाफे आणि वह्या असा मुद्देमाल मंगळवारी (दि.१३) तपासणीच्या दरम्यान सापडला. पुणे महापालिका सार्वत्रिक निवडणुकीच्या अनुषंगाने पेट्रोलिंग करून आचारसंहितेचा भंग होत असल्यास कारवाई करण्याचे आदेश दिले होते.

त्या अनुषंगाने मंगळवारी रात्री येवलेवाडी परिसरात वेगवेगळी पथके तयार करून शोध घेत असताना पोलिसांना माहिती मिळाली होती. त्यानुसार, ही कारवाई करण्यात आली.

अपर पोलिस आयुक्त मनोज पाटील, उपायुक्त राजलक्ष्मी शिवणकर, साहाय्यक पोलिस आयुक्त नम्रता देसाई, साहाय्यक पोलिस आयुक्त अनुराधा उदमले, वरिष्ठ पोलिस निरीक्षक अमर काळंगे यांच्या मार्गदर्शनाखाली भरारी पथकाने ही कारवाई केली.