काही सेकंदाच्या या जाहिरातीसाठी शिल्पा शेट्टीला मिळणार होते 10 कोटी, पण...!

शिल्पा शेट्टी फिटनेसची किती काळजी घेते, हे नव्यानं सांगण्याची गरज नाही. पण यासाठी कुठलाही शॉर्ट कट शिल्पाला मान्य नाही. स्लिमिंग पिल्सवर तिचा अजिबात विश्वास नाही.

पौष्टिक आहार आणि योगा यावर ती विश्वास ठेवते. याच विश्वासापोटी शिल्पाने एक 10 कोटींची जाहिरात नाकारली होती.

होय, शिल्पाला एका स्लिमिंग पिल्सच्या जाहिरातीसाठी विचारणा झाली होती. यासाठी तिला 10 कोटी रूपये देण्यास मेकर्स तयार होते.

पण शिल्पाने ही जाहिरात धुडकावून लावली होती. याचे कारण एकच होते, फिटनेसच्या या पद्धतीवर तिचा अजिबात विश्वास नव्हता.

स्लिमिंग पिल्सचा परिणाम लगेच दिसतो म्हणून लोक याकडे आकर्षित होत असतीलही पण नियमित वर्कआऊट व पौष्टिक आहार यापेक्षा उत्तम काहीही नाही, असे शिल्पाचे ठाम मत आहे.

ज्यावर माझा स्वत:चा विश्वास नाही, त्या गोष्टी मी करणार नाही, असे शिल्पा एका मुलाखतीत म्हणाली होती.

शिल्पाच्या फिटनेसचे अनेक चाहते आहेत. बॉलिवूडमधील फिट अभिनेत्रींमध्ये शिल्पाची गणना केली जाते.

शिल्पा नित्यनेमाने योगा करते. तसेच तिच्या डाएटकडे विशेष लक्ष देते. त्यामुळे शिल्पा शेट्टी आजही तितकीच सुंदर दिसते.

शिल्पा सोशल मीडियावर सक्रिय असून ती तिचे फोटो, व्हिडिओ सोशल मीडियावर पोस्ट करत असते.