बॅक टू बॅक या सिनेमांमध्ये बिझी आहेत अमिताभ बच्चन, दोन सिनेमांना तर कधीपासून आहे मुहूर्ताची प्रतीक्षा

बॉलिवूडचे महानायक अमिताभ बच्चन यांना कोरोनाची लागण झाली आहे. संपूर्ण देश त्यांच्यासाठी सध्या प्रार्थना करतोय. येत्या काळात त्यांचे एक दोन नव्हे तर 9 सिनेमे प्रदर्शित होत आहेत.

झुंड - ‘सैराट’ फेम नागराज मंजुळे दिग्दर्शित ‘झुंड’ या सिनेमात अमिताभ बच्चन लीड रोलमध्ये आहेत. हा सिनेमा रिलीजसाठी तयार आहे. मात्र कोरोनामुळे चित्रपटगृहे बंद असल्याने या चित्रपटाचे प्रदर्शन रखडले आहे.

चेहरे - इमरान हाश्मीसोबत अमिताभ ‘चेहरे’ या सस्पेन्स थ्रीलर सिनेमात दिसणार आहे. या चित्रपटातील अमिताभ यांचे नवे लूक पाहून चाहते आतुरतेने या सिनेमाची प्रतीक्षा करत आहेत.

ब्रह्मास्त्र - आलिया भट व रणबीर कपूर या जोडीच्या या सिनेमाकडे प्रेक्षक नजरा लावून बसले आहेत. यात अमिताभ एका महत्त्वपूर्ण भूमिकेत आहेत. येत्या डिसेंबरमध्ये हा सिनेमा रिलीज होईल अशी शक्यता आहे.

आंखे 2 - अमिताभ बच्चन यांच्याच ‘आंखे’ या सुपरहिट सिनेमाचा सीक्वलही आपल्याला पाहायला मिळणार आहे. सध्या हा सिनेमा प्री-प्रॉडक्शन टप्प्यात आहे.

तेरा यार हूं मैं - अमिताभ यांचा एक तामिळ सिनेमाही लवकरच प्रेक्षकांच्या भेटीस येणार आहे. या चित्रपटाचे तामिळ नाव ‘उरिंधा मनिथन’ आहे. याचेच हिंदी व्हर्जन ‘तेरा यार हंू मैं’ नावाने रिलीज होणार आहे.

पोन्नियन सेल्वम - मणिरत्नम यांच्या या सिनेमात अमिताभ यांची एन्ट्री होऊ शकते. अद्याप या सिनेमाची अधिकृत घोषणा झालेली नाही. पण अमिताभ यांची एन्ट्री पक्की मानली जात आहे.

शूबाईट - शूजित सरकार यांनी दिग्दर्शित केलेला हा सिनेमा रिलीजसाठी तयार आहे. लवकरच तो रिलीज होईल, अशी अपेक्षा आहे.

आर बल्की यांचा सिनेमा - आर बल्की यांच्या आगामी सिनेमातही अमिताभ यांची वर्णी लागल्याची खबर आहे. अद्याप या सिनेमाची अधिकृत घोषणा झालेली नाही.

टाईम मशीन - बिग बी यांचा हा सिनेमा अनेक वर्षांपासून रिलीजसाठी तयार आहे. मात्र अद्याप या सिनेमाला मुहूर्त सापडलेले नाही