Video: लायब्ररीतून परतणाऱ्या अल्पवयीन मुलीवर झाडल्या गोळ्या, थरारक घटना सीसीटीव्हीमध्ये कैद

Faridabad Minor Girl Shooting Video: फरीदाबादमध्ये लायब्ररीतून परतणाऱ्या अल्पवयीन मुलीवर घराजवळ गोळीबार करण्यात आला.

हरियाणातील फरीदाबाद येथे सोमवारी संध्याकाळी एक धक्कादायक घटना घडली. बल्लभगड शहर पोलिस स्टेशन हद्दीतील श्याम कॉलनी परिसरात एका १७ वर्षीय अल्पवयीन मुलीवर एका अज्ञात व्यक्तीने गोळीबार केला. या हल्ल्यात मुलगी गंभीर जखमी झाली असून तिच्यावर रुग्णालयात उपचार सुरू आहेत. 

मिळालेल्या माहितीनुसार, एक अल्पवयीन मुलगी इतर मुलींसोबत घरी जात असताना तिच्यावर गोळीबार करण्यात आला. आरोपीने केलेल्या गोळीबारात मुलीच्या खांद्याला आणि पोटाला गोळी लागली. या घटनेत ती गंभीर जखमी झाली असून तिला तातडीने उपचारासाठी जवळच्या रुग्णालयात दाखल करण्यात आले आहे. 

संपूर्ण घटना सीसीटीव्ही कॅमेऱ्यात कैद झाली असून या व्हिडिओमध्ये आरोपी हातात पिस्तूल घेऊन अल्पवयीन मुलीकडे धावत येत असल्याचे आणि त्यानंतर तिच्यावर गोळीबार करताना दिसत आहे. गोळीबार केल्यानंतर आरोपी घटनास्थळावरून तत्काळ पळून गेला.पोलिसांनी या प्रकरणाची नोंद घेतली असून आरोपीचा शोध घेण्यासाठी तपास सुरू केला आहे. या गोळीबारामागील नेमके कारण अद्याप स्पष्ट झालेले नाही.

VIDEO | A girl shot at near her home while returning from library in Faridabad. The incident was captured on CCTV.

A police official says, "We received information about the incident around 5.30 pm yesterday. We reached the spot and took the girl to the hospital. She is now… pic.twitter.com/CgFIkun30W

— Press Trust of India (@PTI_News) November 4, 2025

एका पोलिस अधिकाऱ्याने सांगितले की, "सोमवारी संध्याकाळी ५.३० वाजताच्या सुमारास आम्हाल या घटनेची माहिती मिळाली. आम्ही घटनास्थळी पोहोचलो आणि मुलीला रुग्णालयात दाखल केले. तिची प्रकृती आता स्थिर आहे. तिचा जबाब नोंदवण्यात आला असून आरोपीविरोधात गुन्हा दाखल करण्यात आला आहे. पीडित मुलगी लायब्ररीतून घरी परतत असताना तिच्यावर गोळीबार करण्यात आला, अशी प्राथमिक माहिती आहे."