नागपूर महानगरपालिकेवर भाजपाची सत्ता कायम; महापौरपदी नीता ठाकरे, उपमहापौरपदी लीला हाथीबेड

Nagpur : नागपूर महानगरपालिकेच्या महापौर व उपमहापौर पदासाठी शुक्रवारी पार पडलेल्या निवडणुकीत भारतीय जनता पक्षाला यश मिळाले आहे.

नागपूर :नागपूर महानगरपालिकेच्या महापौर व उपमहापौर पदासाठी शुक्रवारी पार पडलेल्या निवडणुकीत भारतीय जनता पक्षाला यश मिळाले आहे. भाजपाच्या नीता ठाकरे यांची महापौरपदी, तर लीला हाथीबेड यांची उपमहापौरपदी निवड करण्यात आली.

महापौर व उपमहापौर पदासाठी झालेल्या मतदानात नीता ठाकरे व लीला हाथीबेड यांना प्रत्येकी १०४ मते मिळाली. काँग्रेसकडून महापौरपदासाठी स्नेहल ठाकरे, तर उपमहापौर पदासाठी विवेक निकोसे हे उमेदवार रिंगणात होते. मात्र त्यांना प्रत्येकी ३६ मतांवर समाधान मानावे लागले.

या निवडणुकीत एमआयएमचे ६, मुस्लिम लीगचे ४ तसेच बसपाच्या एका सदस्याने तटस्थ राहण्याची भूमिका घेतली. त्यामुळे भाजपाच्या उमेदवारांचा विजय सुकर झाला. निवडीनंतर भाजपाच्या कार्यकर्त्यांनी महापौर व उपमहापौरांचा सत्कार करत जल्लोष साजरा केला.