मुली कॅफेत बसून सिगारेट ओढायच्या; नाराज वृद्धाने कॅफेलाच लावली आग

मध्य प्रदेशच्या इंदूर शहरात घडला धक्कादायक प्रकार.

इंदूर- मध्य प्रदेशची राजधानी इंदूरमधून एक विचित्र प्रकरण समोर आले आहे. शहरातील तरुण मुलं-मुली सिगारेट ओढतात म्हणून एका वृद्धाने चक्क कॅफेला आग लावली. आगीत कॅफे जळून खाक झाला, वृद्धालाही पोलिसांनी ताब्यात घेतले.

मिळालेल्या माहितीनुसार, लासुडीया भागात राहणाऱ्या निवृत्त अधिकारी  विजय माथे यांच्या घराजवळ कॅफे होता. या कॅफेत मुल-मुली रात्रंदिवस सिगारेट ओढायचे आणि मस्ती करायचे. याचाच विजय माथे यांना खूप राग यायचा. रागाच्या भरात त्याने कॅफेला आग लावली. याप्रकरणी पोलिसांनी गुन्हा दाखल करून 70 वर्षीय आरोपीला अटक केली आहे. 

चौकशीत विजय माथे याने सांगितले की, मुली रोज सिगारेट ओढतात, यामुळे परिसरात राहणाऱ्या मुलांवरही परिणाम होत आहे. या घटनेनंतर कॅफे चालकाच्या तक्रारीवरुन विजय माथे यांच्याविरोधात गुन्हा दाखल करण्यात आला.