बॉक्स आॅफिसवर २०१७ मध्ये होणार या अभिनेत्यांची धमाकेदार एंट्री

प्रियांका लोंढे नवीन वर्ष सुरू झाले की प्रत्येकजण संकल्प करण्यात व्यस्त असतो. परंतु आपल्या मराठी चित्रपटसृष्टीतील सितारे नवीन वर्षांमध्ये प्रेक्षकांना धमाकेदार सरप्राईज द्यायला तयार झाले आहेत. या वर्षामध्ये अनेक दमदार मराठी चित्रपट प्रेक्षकांच्या भेटीला येणार आहेत. २०१६ मध्ये ज्या चित्रपटांची बरीच चर्चा झाली ते चित्रपट आता या वर्षी प्रदर्शित होण्याच्या मार्गावर आहेत. मराठी इंडस्ट्रीतील बडे कलाकार या वर्षी नव्या चित्रपटांतून अलग अंदाजात प्रेक्षकांसमोर यायला सज्ज झाले आहेत. अशाच काही कलाकारांच्या बहुचर्चित चित्रपटांवर एक नजर टाकुयात...अंकुश चौधरी : अंकुश चौधरीचा मागील वर्षी गुरू हा एकच चित्रपट आला. या चित्रपटातील अंकुशच्या अभिनयाची सर्वांनीच प्रशंसा केली. या वर्षी अंकुशचे दोन चित्रपट प्रदर्शनाच्या मार्गावर आहेत. वर्षाच्या सुरूवातीलाच 'ती सध्या काय करतेय' या चित्रपटातून तो मोठ्या पडदयावर धुमाकुळ घालायला सज्ज झाला आहे. देवा या चित्रपटाची देखील सिनेवर्तुळात जोरदार चर्चा आहे. देवा मध्ये अंकुश सोबत अभिनेत्री तेजस्विनी पंडित आणि स्पृहा जोशी असणार आहेत. या चित्रपटामध्ये अंकुशचा वेगळा लूक प्रेक्षकांना बघता येणार आहे. या वर्षी हा चित्रपट प्रदर्शित होणार असल्याचे कळतेय.स्वप्नील जोशी : स्वप्नील जोशीच्या चित्रपटांची त्याचे चाहते नक्कीच अतुरतेने वाट पाहत असतात. तो त्याच्या प्रत्येक चित्रपटातून प्रेक्षकांसाठी नवीन काहीतरी घेऊन येत असतो. आता तो या वर्षा आपल्याला दोन धमाकेदार चित्रपटामध्ये दिसणार आहे. फुगे आणि भिकारी हे स्वप्नीलचे दोन्ही चित्रपट या वर्षी प्रदर्शित होणार आहेत. फुगे हा चित्रपट मागील वर्षीच प्रदर्शित होणार होता. परंतु तो आता लवकरच नव्या वर्षात प्रेक्षकांना पाहता येणार आहे. भिकारी या चित्रपटाचे सध्या चित्रीकरण सुरू आहे. भिकारी हा गणेश आचार्य दिग्दर्शित पहिलाच मराठी चित्रपट असल्याने प्रेक्षकांच्या या चित्रपटाकडून उत्सुकता वाढल्या आहेत. रितेश देशमुख : मराठमोळा सुपरस्टार रितेश देशमुखने बॉलिवूडमध्ये तर आपले बस्तान चांगलेच बसविले आहे. लय भारी या चित्रपटातून मराठी इंडस्ट्रीत पदार्पण करणारा रितेश पुन्हा एकदा मराठी चित्रपट केव्हा करणार याकडे सगळ्यांचे लक्ष लागले होते. छत्रपती शिवाजी या मराठी चित्रपटातून यावर्षी रितेश पुन्हा एकदा तडफदार एंट्री करायला तयार झाला आहे. शिवाजी महाराजांची शौर्यगाथा उलगडणाºया या चित्रपटामध्ये रितेशचा लूक देखील जबरदस्त आहे. या चित्रपटाची प्रदर्शनापूर्वीच जोरदार चर्चा आहे. या वर्षी महाराजांच्या वेषातील रितेशचा अंदाज पाहायला त्याचे मराठमोळे चाहते तयार झाले आहेत. आकाश ठोसर : सैराट या चित्रपटातून प्रेक्षकांना वेड लावलेला आणि रातोरात सुपरस्टार झालेला सर्वांचा लाडका परशा म्हणजेच आकाश ठोसर देखील या वर्षी नव्या दमाच्या भूमिकेत प्रेक्षकांना दिसणार आहे. महेश मांजरेकर दिग्दर्शित 'एफयू' या चित्रपटात आकाश अभिनेत्री संस्कृती बालगुडेसोबत रोमान्स करताना दिसणार आहे. या चित्रपटात सत्या मांजरेकर, माधुरी देसाई हे कलाकार देखील असणार आहेत. आता सैराटनंतर या चित्रपटामधील आकाशची भूमिका रसिकांच्या पसंतीस उतरते का हे तर आपल्याला यावर्षीच समजेल. जितेंद्र जोशी : बघतोस काय मुजरा कर या चित्रपटातील जितेंद्र जोशीचा अफलातून लूक पाहताक्षणी भुरळ पाडतो. शिवाजी महाराजांना या चित्रपटातून मानवंदना देण्याचा प्रयत्न करण्यात आलेला आहे. अनिकेत विश्वासराव, अक्षय टांकसाळे, हेमंत ढोमे यांच्या देखील या चित्रपटात भूमिका आहेत. या चित्रपटामधील जितेंद्रचे संवाद त्याचा अभिनय नक्कीच वाखाणण्याजोगा असल्याचे बोलले जातेय. ३ फेब्रुवारीला जितेंद्रचा या वषार्तील हा पहिलाच चित्रपट प्रदर्शित होणार आहे.सिद्धार्थ चांदेकर : २०१६ मध्ये सिद्धार्थने पिंडदान, लॉस्ट अॅन्ड फाऊंड आणि वजनदार सारखे चित्रपट केले. त्यातील वजनदार या चित्रपटाला बॉक्स आॅफिसवर चांगला प्रतिसाद मिळाला. मागील वर्ष तर सिद्धार्थ संमिश्र गेले. परंतु या वर्षामध्ये देखील त्याचे काही चित्रपट प्रदर्शनाच्या मार्गावर आहेत. त्यातील बसस्टॉप या चित्रपटाची मागील वर्षी बरीच चर्चा झाली. कलाकारांची तगडी फौज असलेला सिदधार्थचा बसस्टॉप हा चित्रपट या वर्षी प्रदर्शित होणार असल्याचे कळतेय. नाना पाटेकर : नाना पाटेकर यांनी मागील वर्षाच्या सुरूवातीलाच नटसम्राट सारखा दर्जेदार चित्रपट प्रेक्षकांना बहाल केला होता. नाना पाटेकर आणि महेश मांजरेकर या जोडीने नटसम्राटसाठी कमाल केली होती. या पुन्हा एकदा ही जोडी रुपेरी पडदा गाजविण्यास तयार झाली आहे. नेशन फर्स्ट या चित्रपटातून आपल्याला नाना भारदस्त भूमिकेत पाहायला मिळणार आहेत. हा चित्रपट यावर्षाच्या अखेरपर्यंत प्रदर्शित होऊ शकतो.सुबोध भावे : सुबोध भावेचा फुगे आणि करार हे दोन्ही चित्रपट या वर्षी प्रदर्शनासाठी तयार आहेत. फुगे या चित्रपटामध्ये आपल्याला पहिल्यांदाच खट्याळ सुबोध पाहायला मिळणार आहे. करार या चित्रपटामध्ये देखील सुबोध महत्वपूर्ण भूमिकेत दिसणार आहे. एवढेच नाही तर विक्रम फडणीस दिग्दर्शित हृदयांतर या चित्रपटाचे देखील सध्या चित्रीकरण सुरू आहे. कदाचित या वर्षी हा चित्रपट प्रदर्शित देखील होऊ शकतो. त्यामुळे २०१७ या वर्षात सुबोधचा ट्रीपल धमाका लागणार आहे. cnxoldfiles/em> मिस्टर अॅन्ड मिसेस सदाचारी, चीटर, कान्हा यासारखे चित्रपट वैभवने २०१६ मध्ये प्रेक्षकांच्या भटीस आणले होते. आता २०१७ मध्ये तो एका हिंदी चित्रपटातून प्रेक्षकांना दिसणार आहे. संजय जाधव दिग्दर्शित एका आगामी मराठी चित्रपटात देखील वैभवचे जलवे त्याच्या चाहत्यांना अनुभवता येणार आहेत. लिपस्टीक अंडर माय बुरखा या प्रकाश झांच्या चित्रपटात तो यावर्षी दिसणार आहे. तर संजय जाधव दिग्दर्शित आगामी चित्रपटाचे नाव अजून तरी समजलेले नाही.

सिनेमा पाहून 'या' प्रसिद्ध अभिनेत्रीसाठी चाहत्याने रक्ताने लिहिलेलं पत्र, स्वत:च सांगितला 'तो' भीतीदायक अनुभव ...

अभिनेत्याने हिंदीतही केलंय काम, बायको आणि मुलीसोबतचे गोड फोटो ...

पडद्यावर साकारली खाष्ट सासू! सिनेसृष्टीतील गुणी अभिनेत्रीचा चटका लावणारा अंत, तीन दिवस घरातच पडून होता मृतदेह ...

इथं सचिन अन् अर्जुन या बापलेकांमधील खास बॉन्डिंग दाखवणारे खास फोटो ...

सलग तीन वेळा हा पुरस्कार जिंकणारी ठरली पहिली महिला खेळाडू ...

Haris Rauf Wife Post IND vs PAK Asia Cup 2025: सामन्यात हॅरिस रौफ अभिषेक शर्मा-शुबमन गिल जोडीशी भिडला होता, त्यानंतर आता... ...

IND vs PAK यांच्यातील लढतीआधी तिची खास पोस्ट चर्चेत ...

...

See the spicy chutneys from Indian states, spicy and tasty chutney recipes : भारतातील विविध राज्यात करतात या प्रकारच्या चटणी. ...

Wear 7 dresses during Navratri, play Garba- dance without any hesitation, you will feel comfortable : नवरात्रीच्या दिवसांसाठी खास ड्रेस. पाहा काय वापरणे ठरेल आरामदायी. ...

...

बॉक्स आॅफिसवर ​२०१७ मध्ये होणार या अभिनेत्यांची धमाकेदार एंट्री

बॉक्स आॅफिसवर २०१७ मध्ये होणार या अभिनेत्यांची धमाकेदार एंट्री