65th National Film Awards 2018 : बोनी कपूर, जान्हवी कपूर, अक्षय खन्ना यांनी स्वीकारले पुरस्कार, पाहा फोटो!

६५वा राष्ट्रीय चित्रपट पुरस्कार सोहळा दिल्लीतील विज्ञान भवन येथे अतिशय दिमाखदारपणे पार पडत आहे. आज सकाळपासून या सोहळ्याला काहीसे वादाचे ग्रहण लागले होते. ज्यामुळे एक समूहाकडून त्यास तीव्र विरोध करण्यात आला होता. सुरुवातीला असे म्हटले जात होते की, केवळ ११ पुरस्कार प्राप्त लोकांनाच राष्ट्रपती रामनाथ कोविंद यांच्या हस्ते पुरस्कार प्रदान केला जाणार आहे. तर उर्वरित पुरस्कार प्राप्त लोकांना सूचना तथा प्रसारण मंत्री स्मृती ईरानी यांच्या हस्ते पुरस्कार दिला जाणार आहे. मात्र या निर्णयावर काही पुरस्कार प्राप्त लोकांनी तीव्र आक्षेप घेत नाराजी व्यक्त केली. काहींनी तर यावर बहिष्कार टाकण्यावरही वक्तव्य केले. दरम्यान, या सर्व वादानंतरही पुरस्कार सोहळ्यास प्रारंभ झाला असून, स्मृती ईरानी यांच्या हस्ते विजेत्यांना पुरस्कार दिले जात आहेत. दरम्यान, ६ वाजून १५ मिनिटांच्या आसपास राष्टÑपती रामनाथ कोविंद यांनी दिवंगत अभिनेत्री श्रीदेवी आणि विनोद खन्ना यांच्याविषयी बोलताना म्हटले की, 'आम्ही दोन्ही कलाकारांचे स्मरण करीत असून, कायम ते आमच्या स्मरणात असतील. 'लम्हे' आणि 'मेरे अपने' यांसारख्या चित्रपटांनी केवळ बॉक्स आॅफिसवरच चांगला व्यवसाय केला नाही तर, प्रेक्षकांची मनेही जिंकली. जेव्हा विनोद खन्ना आणि श्रीदेवी यांचे निधन झाले तेव्हा कोट्यवधी सिनेप्रेमींना वाटले की, आपल्या जवळच्या व्यक्तीचेच निधन झाले. या दोन्ही कलाकारांची लोकप्रियता एका क्षेत्रापुरती मर्यादित नव्हती तर देशातील प्रत्येक कोपºयात त्यांचे चाहते आहेत. हेच आपल्या चित्रपटाचे वैशिष्ट्य म्हणता येईल. आपली फिल्म इंडस्ट्री आपल्याला एक सूत्रात बांधण्यास मदत करते. यावेळी राष्ट्रपती रामनाथ कोविंद यांनी श्रीदेवी यांचा सर्वश्रेष्ठ अभिनेत्रीचा पुरस्कार बोनी कपूर, जान्हवी कपूर आणि खुशी कपूरला प्रदान केला. तर विनोद खन्ना यांचा दादासाहेब फाळके पुरस्कार त्यांचा मुलगा अक्षय खन्ना याने स्वीकारला. फहद फासिल यांनी पुरस्कार सोहळ्यात हजेरी न लावताच कोची गाठले. राष्ट्रपती रामनाथ कोविंद पत्नी सविता कोविंदसोबत विज्ञान भवन येथे उपस्थित होते. या सोहळ्यात 'बाहुबली-२'ला सर्वाधिक लोकप्रिय चित्रपटाचा पुरस्कार प्रदान करण्यात आला. भनीता दासला विलेज रॉकस्टारसाठी सर्वश्रेष्ठ बालकलाकारांच्या पुरस्काराने सन्मानित करण्यात आले. त्याचबरोबर शाशा तिरुपतीला बेस्ट फिमेल प्लेबॅक सिंगर या पुरस्काराने गौरविण्यात आले. तर अभिनेत्री दिव्या दत्ताने 'इरादा' या चित्रपटासाठी सर्वश्रेष्ठ सहायक अभिनेत्रीचा पुरस्कार ग्रहण केला. अॅक्शन दिग्दर्शक किंग सोलोमोल यांना 'बाहुबली-२'साठी रजत कमळ मिळाले. कोरिओग्राफर गणेश आचार्यला 'गोरी तू गट्ठ मार'साठी दुसरे रजत कमळ मिळाले. निर्देशक अमित वी. मसूरकर यांना 'न्यूटन'साठी सर्वश्रेष्ठ हिंदी चित्रपटाचा पुरस्कार मिळाला. 'गाजी' या चित्रपटाचे निर्माता प्रसाद वी यांना सर्वश्रेष्ठ तेलगू चित्रपटाच्या पुरस्काराने सन्मानित करण्यात आले. पंकज त्रिपाठीला 'न्यूटन' या चित्रपटासाठी स्पेशल मेन्शन अवॉर्ड देण्यात आला. #PresidentKovind confers the Best Actress Award to Late Smt. Sridevi for the haunting portrayal of a mother whose daughter is gang raped in the movie Mom #NationalFilmAwards pic.twitter.com/IfP3iamyWi — PIB India (@PIB_India) May 3, 2018

सारिका खासनिस असं तिचं नाव आहे. सारिका नक्की काय करते जाणून घ्या ...

Tejasswi Prakash And Karan Kundrra : अभिनेत्रीने ब्रेकअपवर प्रतिक्रिया दिली आहे. ...

सलग १६ चित्रपट फ्लॉप, मिस इंडिया असलेली 'ही' मराठमोळी नायिका सुपरस्टारशी लग्न करुन इंडस्ट्रीतून झाली गायब ...

जर, थिएटरपेक्षा कमी पैशात घरबसल्या मनोरंजन हवं असेल तर पाहा ही सीरिज ...

ज्या मैदानातून कसोटीत पदार्पण केलं त्या मैदानात रिषभ पंत खास छाप सोडत नवा वर्ल्ड रेकॉर्ड सेट करणार का? ...

Ravi Shastri advice Captain Shubman Gill, IND vs ENG 1st Test: उद्यापासून भारत-इंग्लंड यांच्यातील पाच सामन्यांच्या कसोटी मालिकेला होणार सुरुवात ...

3 Players to miss out Team India Playing XI, IND vs ENG: २० तारखेपासून सुरु होणार पहिली कसोटी ...

...

...

...

...

65th National Film Awards 2018 : बोनी कपूर, जान्हवी कपूर, अक्षय खन्ना यांनी स्वीकारले पुरस्कार, पाहा फोटो!