Latest Entertainment News | Bollywood and Hollywood News in Marathi | Marathi Movies and Celebrities | बॉलीवुड & मराठी चित्रपट

अभिनेता अमेय वाघ (Amey Wagh) याची वेगळी ओळख करून देण्याची गरज नाही. ‘दिल दोस्ती दुनियादारी’ या मालिकेतून घराघरातल्या तरूणाईला अमेय वाघची ओळख झाली. पुढे फास्टर फेणे, मुरांबा यासारख्या त्याच्या मराठी सिनेमांनी प्रेक्षकांना वेड लावलं आणि नंतर वेबसीरिजमधून त्याने हिंदी मनोरंजन क्षेत्रातही पदार्पण केलं. अमेय जितका उत्तम अभिनेता आहे, तितका उत्तम विनोदबुद्धी असलेला माणूस आहे. त्याच्या विनोदबुद्धीची साक्ष देणाऱ्या एक ना अनेक पोस्ट सोशल मीडियावर व्हायरल होत असतात. पण सध्या मात्र सोशल मीडियावर वेगळाच ‘राडा’ पाहायला मिळतोय. होय, अमेय वाघ आणि सुमित राघवन (Sumeet Raghvan) या दोन अभिनेत्यांमध्ये सोश्ल मीडियावर चांगलीच जुंपली आहे. दोघांत कशावरून बिनसलं? काय झालं? हे कळायला मार्ग नाही. पण सध्या दोन्ही अभिनेत्यांच्या पोस्टची जोरदार चर्चा रंगलीये.काही तासांपूर्वी अमेय वाघने सुमित राघवनच्या नावाचा उल्लेख करत फेसबुकवर एक पोस्ट टाकली आणि सगळ्यांच्याच भुवया उंचावल्या. ‘जंगलात राघू (सुमित राघवन) खूप असतात, पण वाघ मात्र एकच असतो, कृपया नोंद घ्यावी,’ अशी पोस्ट अमेयने शेअर केली. या पोस्टमध्ये त्याने सुमित राघवनला टॅगही केलं.अमेयच्या या पोस्टवर सुमीत राघवनने लगेच रिअॅक्ट केलं. ‘सर्कशीतल्या वाघाचा फार त्रागा होतोय असं वाटतंय.... कसं ना फक्त आडनाव वाघ असल्याने कोणी वाघ होत नाही, याचीही कृपया नोंद घ्यावी,’असं उत्तर सुमीत राघवनने अमेयला दिलं. त्यानेही अमेयला टॅग केलं.यावर पुन्हा अमेय वाघ चिडला. त्याने आणखी एक डिवचणारी पोस्ट शेअर केली. ‘वाघ कुठलाही का असेना, शेवटी त्याच्या डरकाळीची दखल घेतलेली दिसतेय,’असं त्याने लिहिलं. यावर सुमीत राघवन गप्प थोडीच बसणार? त्यानेही जशास तसे उत्तर दिलं.‘अमेय वाघ घाबरून ठोकलेली ही आरोळी असते, डरकाळी नव्हे... आणि जर एखाद्याच्या विव्हळण्याला आपण डरकाळी म्हणत असू तर प्रकरण गंभीर आहे,’ असं उत्तर त्याने दिलं.काय आहे प्रकरण, चाहतेही कन्फ्युज!अमेय वाघ व सुमीत राघवन यांच्यात नेमकं बिनसलं तरी काय? हे कळायला मार्ग नाहीच. पण दोघांच्या पोस्टने चाहते चांगलेच कन्फ्युज झाले आहेत. हे भांडण ‘रिअल’ आहे की ‘प्रमोशन’ यावरून नेटिजन्समध्ये चर्चा रंगली आहे. काही चाहत्यांच्या मते, हे नव्या सिनेमाचं प्रमोशन आहे. काहींनी मात्र यावरून दोन्ही कलाकारांना फटकारलं आहे. आपली धुणी आपपल्या घरात किंवा एकत्र धुवा रे. इथं तमाशे करून कलाकार म्हणून मिळणारा आदर गमावू नका, अशी कमेंट एका युजरने केली आहे. अम्या आणि सुम्या घरातल्या घरात भांडा, अशी मजेशीर कमेंट एका चाहत्याने केली आहे.

कांतारा चाप्टर १

बिग बॉस १९

दिलीप प्रभावळकरांचा 'दशावतार'

'बॅड्स ऑफ बॉलिवूड' वेबसीरिज

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

बॉलीवुड :दिग्दर्शक अली अब्बास जफर बनला बाबा, ‘It's A Girl’ म्हणत सांगितलं चिमुकलीचं नाव

टेलीविजन :"ऑफिशियली निरोप......", मुलगी झाली हो मालिकेतील प्रसिद्ध अभिनेत्याची पोस्ट चर्चेत

फिल्मी :उत्कर्ष वानखेडे ठरला 'राजगायक', सोन्याच्या कट्यारसह बक्षिसांचा वर्षाव

बॉलीवुड :कोण म्हणेल ‘पठान’ 56 वर्षांचा आहे! शाहरूखचा शर्टलेस फोटो पाहून क्रेझी झालेत फॅन्स

बॉलीवुड :अबब! किंग खानची जबरदस्त क्रेझ; रिलीजपूर्वीच 'जवान'ने केली 250 कोटींची कमाई

गेल्या काही वर्षांपासून फ्लॉप चित्रपट देणारा अभिनेता शाहरुख खान एका जबरदस्त कमबॅकसाठी सज्ज झाला आहे. ...

बॉलीवुड :खुल्लमखुल्ला प्रेम करण्यात पटाईत आहे हे स्टारकीड्स, या अभिनेत्याची लेक अव्वलस्थानी

बॉलीवुड :IN PICS : ‘श्रीवल्ली’चा हटके टॅटू, रश्मिका मंदानाच्या हातावरच्या टॅटूचा अर्थ माहितीये का?

टेलीविजन :“और भी ग़म है ज़माने में ‘सास बहू’ के सिवाय ...”, मुकेश खन्नांनी एकता कपूरवर काढली भडास

Mukesh Khanna : सासू-सुनांच्या मालिकांनी टीव्हीचा सत्यानाश...'; एकता कपूरवर भडकले मुकेश खन्ना ...

बॉलीवुड :सिनेप्रेमींसाठी बिग ऑफर! केवळ इतक्या रूपयांत बघता येणार ‘ब्रह्मास्त्र’

मराठी सिनेमा :“जंगलात राघू खूप असतात पण....”, अमेय वाघने सुमीत राघवनला सुनावलं, नेमकं काय बिनसलं?