Bollywood News & Gossip in Marathi | Latest Entertainment News | हिंदी फिल्म | Bollywood Actress, Actors, Parties & Events | Hindi Movie Reviews

दिया मिर्जाने नुकतीच घोषणा केली की, ती लवकरच दिग्दर्शनाच्या मैदानात पाय ठेवणार आहे. पुढील वर्षी म्हणजे २0१६च्या मध्यापर्यंत तिच्या दिग्दर्शनात तयार होणार्या चित्रपटाची सुरुवात होईल. तिचे म्हणणे आहे की, सध्या चित्रपटाच्या कथेचे काम वेगाने सुरू आहे. चित्रपटाची कास्ट आणि कथेबाबत दिया सध्या गप्प आहे. ती स्वत: आपल्या चित्रपटात काम करणार की नाही, हेही अजून स्पष्ट झालेले नाही. अभिनयात करिअर डोलू लागताच दियाने आपले प्रॉडक्शन हाऊस सुरू केले आणि प्रोडयूसर म्हणून लव ब्रेकअप्स जिंदगी आणि नंतर विद्या बालनला घेऊन बॉबी जासूस चित्रपट केले. परंतु बॉक्स ऑफिसवर दोन्ही चित्रपट अपयशी ठरले.बॉलिवूडचा इतिहास राहिला आहे की, दिग्दर्शनात खूप जास्त अभिनेत्रींनी नशीब आजमावलेले नाही आणि ज्यांनी हिम्मत दाखविली आहे, त्यांनाही जास्त चांगले परिणाम मिळालेले नाही. जुन्या काळात अशा काही अभिनेत्री होत्या, ज्यांनी ही हिम्मत केली होती. नरगिस दत्तची आई जद्दनबाई स्वत: दिग्दर्शक होत्या. दिग्दर्शक म्हणून त्यांनी पाच चित्रपटांचे दिग्दर्शन केले होते, ज्यामध्ये पहिला चित्रपट तलाशे-हक होता, ज्यात त्यांनी बाल कलाकार म्हणून नरगिसला पडद्यावर आणले होते. या चित्रपटाव्यतिरिक्त त्यांनी मॅडम फॅशन, हृदय मंथन, मोती का हार आणि जीवन सपना चित्रपटाचे दिग्दर्शन केले होते. नूतन आणि तनूजा यांची आई शोभना सर्मथ यांनीदेखील दिग्दर्शनाच्या मैदानात पाय ठेवला. १९५0मध्ये तयार झालेल्या हमारी बेटीचे दिग्दर्शन त्यांनी केले आणि यामध्ये नूतनला अभिनेत्री म्हणून सादर केले होते.चित्रपटांच्या सुरुवातीच्या काळातील या धुरंधर अभिनेत्रींनंतर जवळजवळ चार दशकांपर्यंत कोणत्याही मोठय़ा अभिनेत्रीने दिग्दर्शनाच्या मैदानात येण्याची हिंमत केली नाही. ९0मध्ये हेमा मालिनीने दिल आशना है चित्रपटापासून दिग्दर्शनाची जबाबदारी संभाळली, मात्र यात यश मिळाले नाही.आपली मुलगी ईशा देओलसाठी हेमा मालिनीने टेल मी ओ खुदाचे दिग्दर्शन केले, मात्र येथेही मामला गडबडला. ऑफ बीट चित्रपटांची अभिनेत्री म्हणून ओळखल्या जाणार्या नंदिता दासनेदेखील दिग्दर्शनात पाय ठेवला आणि २00८मध्ये गुजरात दंगलीवर आधारीत फिराकचे दिग्दर्शन केले, मात्र याला बॉक्स ऑफिसवर मोठे यश मिळाले नाही. महेश भट्ट यांची मुलगी पूजाने अभिनयातील नवृत्तीनंतर जिस्म २ पासून दिग्दर्शनाच्या क्षेत्रात पाय ठेवला. दिग्दर्शक म्हणून पूजाला अजूनही पहिल्या हिट चित्रपटाची प्रतीक्षा आहे. बॉलिवूडच्या बाहेर जाऊन पाहिले तर अभिनयातून दिग्दर्शनात आलेल्या अभिनेत्रींमध्ये अपर्णा सेन (कोंकणा सेन-शर्माची आई ) आणि दाक्षिणात्य अभिनेत्री रेवतीचे नाव पुढे येते. अपर्णा सेन यांनी कोंकणासोबत मि. अँण्ड मिसेज अय्यैर आणि रेवतीने सलमान खान, अभिषेक बच्चन आणि शिल्पा शेट्टीसोबत फिर मिलेंगेचे दिग्दर्शन केले होते. आता सुष्मिता सेन आणि लारा दत्ता व्यतिरिक्त मनीषा कोईरालादेखील दिग्दर्शनाच्या मैदानात पाय ठेवण्याचा विचार करीत असल्याची चर्चा आहे.

प्रिया-उमेशच्या 'बिन लग्नाची गोष्ट'

बिग बॉस १९

दिलीप प्रभावळकरांचा 'दशावतार'

'बॅड्स ऑफ बॉलिवूड' वेबसीरिज

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

बॉलीवुड :दिलवाला शाहरू ख 'चिपकू' - बोमन

बॉलीवुड :बिप्सच्या चेहर्‍यावर दाग-धब्बे !

बॉलीवुड :'दिलवाले'ची 'कूल अँण्ड हॉट' जोडी

बॉलीवुड :विद्यासोबत कामाचे प्लॅन्स नाही -सिद्धार्थ

तुम्हाला जर लव्हबर्ड सिद्धार्थ रॉय कपूर आणि विद्या बालन यांना सोबत काम करतांना पाहायचे असेल तर सध्या तरी ते ... ...

बॉलीवुड :बिग बी चे १८ मिलियन फॉलोअर्स

बॉलीवुड :इन्स्टाग्राम आणि फेसबुकची कृपा

बॉलीवुड :नायकांनीही गमावले अनेक हिट चित्रपट

कुठल्या नायिकांनी चित्रपटाला नकार दिला आणि पुढे तोच चित्रपट कसा सुपर हिट झाला यांची रंजक कथा काल आपण वाचली. ... ...

बॉलीवुड :कॉमेडी चित्रपट करायचाय -शिल्पा

बॉलीवुड :यामीला स्पेशल बर्थडे विशेस

पुलकित सम्राट आणि त्याची पत्नी यांच्यात काही दिवसांपासून थोडा तणाव आहे. ते सध्या वेगवेगळे राहत आहेत. 'सनम रे ' ... ...

बॉलीवुड :नायिकांनाही दिग्दर्शनाचे वेध