Latur Lok Sabha Election Results 2024 | Lok Sabha Election Result 2024 | Latur Live Results & Winner | लातूर लोकसभा निवडणूक २०२४ |Lokmat.com

हणमंत गायकवाडलातूर : एकेकाळी काँग्रेसचा बालेकिल्ला असलेल्या लातूर लोकसभा मतदारसंघात २०२४ च्या निवडणुकीत काँग्रेसचा बुरुज उभारणार की पुन्हा एकदा कमळ फुलणार, यासाठी चुरशीची लढत आहे. भाजपचे सुधाकर श्रृंगारे आणि काँग्रेसचे डॉ. शिवाजी काळगे यांच्यात हा सामना रंगत आहे.लातूर मतदारसंघाच्या पुनर्रचनेनंतर पहिली सार्वत्रिक निवडणूक २००९ मध्ये झाली. ७ हजार ९७५ मताधिक्याने काँग्रेसने ही निवडणूक जिंकली होती. मात्र, त्यानंतर झालेल्या दोन निवडणुकांमध्ये मोदी लाटेत भाजपने या मतदारसंघावर वर्चस्व प्रस्थापित केले. २०१४ आणि २०१९ या दोन्ही निवडणुका एकतर्फी जिंकल्या. पण सध्याची निवडणूक भाजपला सोपी नाही. डॉ. शिवाजी काळगे यांच्या रूपाने काँग्रेसने कडवे आव्हान उभे केले आहे. तर भाजप वर्चस्व कायम ठेवण्यासाठी मोदी गॅरंटीचा नारा देत आहे. गेल्या दहा वर्षातील विकासकामांचा पाढा वाचला जात आहे. भाजपकडून ही निवडणूक मोदी गॅरंटीवर तर काँग्रेसकडून सुसंस्कृत नेतृत्वाच्या नावावर लढविली जात आहे. आमदारांमध्ये स्पर्धामहाविकास आघाडीकडे लातूर लोकसभा मतदारसंघात तीन आमदार आहेत. मदतीला अनुभवी नेतृत्व आहे. डॉ. शिवाजी काळगे यांची भिस्त माजी मंत्री आ. अमित देशमुख, आ. धीरज देशमुख यांच्यावर आहे. लोहा-कंधारचे आ. श्यामसुंदर शिंदे यांचेही पाठबळ आहे. काँग्रेस, उद्धवसेना आणि शरद पवार गटाचे कार्यकर्तेही सोबत आहेत. महायुतीकडून खासदार सुधाकर शृंगारे यांच्या प्रचारासाठी माजी मंत्री आ. संभाजी पाटील निलंगेकर, क्रीडामंत्री संजय बनसोडे, आ. रमेश कराड, आ. अभिमन्यू पवार, आ. बाबासाहेब पाटील आदी अनुभवी नेते खिंड लढवत आहेत. मतदारसंघात भाजपची बुथ यंत्रणा मजबूत आहे. एकंदर, आमदारांमध्ये मताधिक्यासाठी रस्सीखेच आहे. तसेच वंचित फॅक्टर मागच्या वेळी जोरदार होता. निवडणुकीतील कळीचे मुद्देरेल्वे कोच कारखाना, पीटलाईन, रस्ते आदी कामांचा दावा खा. शृंगारे करतात. तर विरोधक संसदेत कधी तोंड उघडले का, असा आरोप करतात. लातूरच्या पाण्याचा प्रश्न, रुग्णालयासाठी जागा, उद्योग, बेरोजगारी, शेतमालाला भाव, रस्त्याची दुरवस्था, कृषी, सिंचन, सौरउर्जा हे प्रश्न चर्चेत. काँग्रेसकडून भाजपा व काँग्रेस दोन्ही पक्षांच्या उमेदवारांची तुलना केली जात आहे. कोणता उमेदवार सभागृहात आपली भूमिका मांडू शकतो, हे लातूरकरांनी ठरवावे, असे आवाहन केले जाते. गटातटाचा परिणाम नाही; मात्र थेट लढत भाजपमध्ये उघड गटबाजी नाही. परंतु, अंतर्गत हेवेदावे काहीवेळा कानावर येतात. मात्र लोकसभेच्या तयारीत सर्वांनाच एकत्र आणणारी यंत्रणा भाजपने राबविली आहे. काँग्रेसमध्ये नेतृत्व एकहाती आहे. जिल्ह्याचे काँग्रेसमधील राजकारण त्यांच्या भोवती फिरत राहते. त्यामुळे लढत थेट होणार आहे.

News Latur

लातुर :पुन्हा भाजपा सरकार आल्यास गल्ली-गल्लीत गोध्रा, मणीपूर घडण्याची भीती: प्रकाश आंबेडकर

महाराष्ट्र :“लोकशाही, संविधान वाचवण्यासाठी केंद्रात इंडिया आघाडीची सत्ता आणा”; नाना पटोलेंचे आवाहन

Congress Nana Patole News: लोकसभेची ही निवडणुक देशाच्या स्वातंत्र्याची दुसरी लढाई आहे, असे नाना पटोले यांनी म्हटले आहे. ...

लातुर :देशात फक्त मोदी पॅटर्न चालतो, बाकी सगळे भंगारात; एकनाथ शिंदेंचा विरोधकांवर प्रहार

स्थिर सरकार देण्याची ताकद फक्त पंतप्रधान नरेंद्र मोदी यांच्या मनगटात - एकनाथ शिंदे ...

महाराष्ट्र :७० वर्षांत काहीच झाले नाही, मग १० वर्षे तुम्ही काय केले; प्रियंका गांधींचा PM मोदींना सवाल

लातुर :शिरोळ-जानापूर चेकपोस्टवर सात लाखांची रोकड पकडली

बॅगमधून नाेटांची केली जात हाेती वाहतूक. ...

लातुर :नोटिस दिली तरीही बीएलओला निवडणूक कामांसाठी अनुपस्थित; अखेर पोलिसांनी केले हजर

वरिष्ठांच्या आदेशाला न जुमानणाऱ्या बीएलओला पोलिसांनी केले हजर ...

लातुर :लातूरात अभिनव मतदान केंद्र उभारणार; मतदारांना संजीवनी बेट, किल्ल्याची माहिती देणार

जिल्हाधिकारी वर्षा ठाकूर यांची संकल्पना ...

महाराष्ट्र :काँग्रेसचा बुरूज उभारणार, की पुन्हा एकदा कमळच फुलणार?; लातूरात चुरशीची लढत

काँग्रेसचे स्थानिक मुद्दे, तर भाजप मोदी गॅरंटीवर ...