पीसीबीचा सावळागोंधळ; आधी पॉझिटिव्ह असलेल्या 10 पैकी 6 खेळाडूंचा कोरोना अहवाल निगेटिव्ह!

मोहम्मद हाफिजचा अहवाल निगेटिव्ह, पण इंग्लंड दौरा अजूनही दूर

By ऑनलाइन लोकमत | Published: June 27, 2020 05:18 PM2020-06-27T17:18:11+5:302020-06-27T17:23:17+5:30

Join us

पीसीबीचा सावळागोंधळ; आधी पॉझिटिव्ह असलेल्या 10 पैकी 6 खेळाडूंचा कोरोना अहवाल निगेटिव्ह!

Join us

ठळक मुद्दे72 तासांत सहा जण झाली निगेटिव्ह, चौकांचे अहवाल पॉझिटिव्हचपाकिस्तान क्रिकेट मंडळाचा सावळागोंधळ सुरूच

पाकिस्तान क्रिकेट मंडळ ( पीसीबी) सध्या त्यांच्याकडून झालेल्या कोरोना चाचणीवरून चर्चेत आहे. इंग्लंड दौऱ्याला रवाना होण्यापूर्वी पीसीबीनं खेळाडूंची कोरोना चाचणी केली. त्यात 29 पैकी 10 खेळाडू कोरोना पॉझिटिव्ह असल्याचे पीसीबीनं जाहीर केलं. पण, आता शनिवारी पुन्हा एकदा अंतिम अहवाल जाहीर करताना पीसीबीचा सावळागोंधळ दिसून आला. आधी जाहीर केलेल्या 10 खेळाडूंपैकी सहा जणांचा कोरोना अहवाल निगेटिव्ह आल्याचे समोर आले आहे. विशेष म्हणजे ज्यानं या वादाला तोंड फोडले, तो मोहम्मद हाफिजलाही कोरोना झाला नसल्याचे स्पष्ट झाले.

भारतीय क्रिकेटमध्ये नेपोटिझम?; अर्जुन तेंडुलकरला टीम इंडियात मिळेल का सहज संधी?, आकाश चोप्रा म्हणतो...

पीसीबीनं कोरोना पॉझिटिव्ह खेळाडूंची नावं मंगळवारी जाहीर केली होती. त्यानंतर मोहम्मद हाफिजनं खासगी केंद्रात पुन्हा चाचणी केली आणि तेथे त्याचा कोरोना रिपोर्ट निगेटिव्ह आला. त्यामुळे पीसीबी तोंडावर आपटले. हाफिजच्या बंडानंतर पीसीबीनं पुन्हा खेळाडूंची कोरोना चाचणी करण्याचा निर्णय घेतला. त्यात हाफिजसह सहा खेळाडूंचा कोरोना अहवाल निगेटिव्ह आल्याचे समोर आले आहे. पण, खेळाडूंचे दोन्ही अहवाल निगेटिव्ह येणं गरजेचं आहे आणि तोपर्यंत या सहा खेळाडूंना इंग्लंड दौऱ्यावर जाता येणार नाही. त्यांची पुन्हा एकदा चाचणी होईल.

Corona Tests of Hafeez, Wahab, Hasnain, Rizwan, Shadab and Fakhar now appear negative but as per pur policy players should have 2 negative test (conduct by PCB) so these 6 players not going UK tomorrow. These player can join UK later once they clear 2nd test by PCB.
— Abdul Ghaffar (@GhaffarDawnNews) June 27, 2020

आधी पॉझिटिव्ह आणि आता निगेटिव्ह खेळाडू - मोहम्मद हस्नैन, शाबाद खान, फाखर झमान, मोहम्मद रिझवान, मोहम्मद हाफिज, वाहब रियाझ
पॉझिटिव्ह खेळाडू - काशीफ भट्टी, हॅरीस रौफ, हैदर अली आणि इम्रान खान