Team India, IND vs ENG: इंग्लंडविरूद्धच्या पहिल्या कसोटीत 'या' तिघांचा Playing XI मधून होणार पत्ता कट, कॅप्टन गिल मोठा निर्णय घेणार

3 Players to miss out Team India Playing XI, IND vs ENG: २० तारखेपासून सुरु होणार पहिली कसोटी

3 Players to miss out Team India Playing XI, IND vs ENG:

इंग्लंड दौऱ्यातील हेडिंग्ले येथे २० जूनपासून सुरू होणाऱ्या भारताच्या पाच सामन्यांच्या कसोटी मालिकेने भारतीय कसोटी क्रिकेटच्या एका नवीन युगाची सुरुवात होईल.

रोहित शर्मा, विराट कोहली आणि रविचंद्रन अश्विन यांसारख्या अनुभवी खेळाडूंनी कसोटीतून निवृत्ती घेतल्यानंतर, भारतीय संघ या पहिल्यांदाच इंग्लंड दौरा करतोय.

शुभमन गिलच्या या युवा संघात अनेक प्रतिभावान खेळाडूंचा समावेश आहे, परंतु टीम कॉम्बिनेशनचा विचार करता ३ खेळाडूंना प्लेइंग इलेव्हनमध्ये स्थान मिळणे कठीण आहे. जाणून घेऊया, कोण आहेत ते खेळाडू?

कुलदीप यादव-

चायनामन स्पिनर कुलदीप यादवने १३ कसोटी सामन्यात ५६ बळी घेतले आहेत, परंतु इंग्लंडच्या सीमिंग परिस्थितीत तो प्लेइंग इलेव्हनमधून बाहेर पडू शकतो. रवींद्र जडेजाचे संघात स्थान जवळजवळ निश्चित आहे. जर त्याला विश्रांती दिली गेली तर वॉशिंग्टन सुंदरचा समावेश होण्याची दाट शक्यता आहे.

अभिमन्यू ईश्वरन-

भारत अ संघासाठी सातत्याने चांगली कामगिरी करणाऱ्या अभिमन्यू ईश्वरनला वाट पहावी लागू शकते. त्याने इंग्लंड लायन्सविरुद्ध ८० धावांची खेळी केली. परंतु संघात यशस्वी जयस्वाल, केएल राहुल, करुण नायर आणि शुभमन गिल आहेत. या परिस्थितीत, ईश्वरनसाठी कोणताही स्थान उपलब्ध दिसत नाही.

ध्रुव जुरेल-

इंग्लंड लायन्सविरुद्ध शानदार कामगिरी करणारा (९४ आणि नाबाद ५३) युवा यष्टिरक्षक-फलंदाज ध्रुव जुरेलला या दौऱ्यात बॅकअप कीपर म्हणून समाविष्ट करण्यात आले आहे. ऋषभ पंत आणि केएल राहुल यांच्या उपस्थितीत प्लेइंग इलेव्हनमध्ये स्थान मिळवणे ध्रुव जुरेलसाठी खूप कठीण आहे.