सर्वोच्च धावसंख्येचा यशस्वी पाठलाग करताना सूर्या-इशान जोडीच ठरलीये सगळ्यात भारी, इथं पाहा रेकॉर्ड

इथं एक नजर टाकुयात भारतीय क्रिकेट संघाने टी-२० मध्ये धावांचा पाठलाग करत मिळवलेल्या मोठ्या विजयाच्या रेकॉर्डवर...

रायपूरच्या मैदानात रंगलेल्या न्यूझीलंडविरुद्धच्या दुसऱ्या टी-२० सामन्यात इशान किशन आणि सूर्यकुमार यादवच्या धमाकेदार खेळीसह शिवम दुबेनं दिलेल्या योगदानाच्या जोरावर टीम इंडियाने विक्रमी विजय नोंदवला.

न्यूझीलंडच्या संघाने दिलेल्या २०९ धावांचा पाठलाग करताना भारतीय संघाने २८ चेंडू शिल्लक असताना सामना खिशात घातला.

२०० पेक्षा अधिक धावांचा पाठलाग करताना सर्वात जलदगतीने धावांचा यशस्वी पाठलाग करताना पाकिस्तानचा वर्ल्ड रेकॉर्ड मोडला.

इथं एक नजर टाकुयात भारतीय क्रिकेट संघाने टी-२० मध्ये धावांचा पाठलाग करत मिळवलेल्या मोठ्या विजयाच्या रेकॉर्डवर...

२०२३ मध्ये भारतीय संघाने विशाखापट्टणमच्या मैदानात ऑस्ट्रेलियाविरुद्ध २०९ धावांचा यशस्वी पाठलाग केला होता.

कमालीचा योगायोग म्हणजे या सामन्यात सूर्यकुमार यादवनं ४२ चेंडूत ८० धावा तर इशान किशन याने ५८ धावांची खेळी केली होती.

२०१९ मध्ये भारतीय संघाने हैदराबादच्या मैदानात वेस्टइंडीजविरुद्ध २०८ धावांचा यशस्वी पाठलाग करुन दाखवला होता. या सामन्यात विराट कोहलीनं ५० चेंडूत ९४ धावांची जबरदस्त खेळी केली होती.

२००९ मध्ये श्रीलंकेच्या संघाने मोहालीच्या मैदानात भारतीय संघासमोर २०७ धावांचे टार्गेट सेट केले होते. या धावांचा पाठलाग करताना विरेंद्र सेहवागची ६४ धावांची स्फोटक खेळी पाहायला मिळाली होती.

युवराज सिंगने २५ चेंडूत ६० धावांच्या नाबाद खेळीसह मोहालीच्या मैदानातील टीम इंडियाचा विजयात मोलाचा वाटा उचलला होता.

२०२० मध्ये आकलंडच्या ईडन पार्कवर रंगलेल्या सामन्यात भारतीय संघाने ६ विकेट्स राखून २०४ धावांचा यशस्वी पाठलाग केल्याचा रेकॉर्ड आहे. या सामन्यात केएल राहुलनं २७ चेंडूत ५६ धावा तर श्रेयस अय्यरनं २९ चेंडूत नाबाद ५८ धावांची दमदार खेळी केली होती.