आशिया चषकात सर्वाधिक धावा करण्याचा विक्रम श्रीलंकेचा दिग्गज फलंदाज सनथ जयसूर्याच्या नावावर आहे. जयसूर्याने या स्पर्धेत २५ सामन्यांमध्ये १,२२० धावा करून ही किमया साधली आहे. यादरम्यान त्याची सरासरी ५३ हून अधिक राहिली आहे. तसेच या बहुचर्चित स्पर्धेत जयसूर्याच्या नावावर ६ शतके आणि ३ अर्धशतकांची नोंद आहे. विशेष म्हणजे जयसूर्या एकमेव असा खेळाडू आहे ज्याने जागतिक क्रिकेटमध्ये १०,००० हून अधिक धावा केल्या आहेत आणि एका क्रिकेट प्रकारात ३०० बळी पटकावले आहेत.
