सुपरफास्ट 'एक्सप्रेस'ना ब्रेक!! बुमराह ते कमिन्स... सहा वेगवान गोलंदाज चॅम्पियन्स ट्रॉफीतून बाहेर

Champions Trophy Ruled out Fast Bowlers List: भारत, ऑस्ट्रेलिया, दक्षिण आफ्रिकेसारख्या बड्या संघातील दिग्गज वेगवान गोलंदाजांनी चॅम्पियन्स ट्रॉफी २०२५ स्पर्धेतून घेतली माघार

Champions Trophy Ruled out Fast Bowlers List:

चॅम्पियन्स ट्रॉफी स्पर्धेला आता एक आठवड्यापेक्षाही कमी दिवस शिल्लक आहेत. या स्पर्धेपूर्वी काही महत्त्वाच्या वेगवान गोलंदाजांनी विविध कारणांनी माघार घेतली आहे. पाहूया त्यांची यादी.

जसप्रीत बुमराह ( Jasprit Bumrah ) :

भारताचा वेगवान गोलंदाज जसप्रीत बुमराह याला ऑस्ट्रेलिया विरूद्धच्या कसोटी मालिकेत दुखापत झाली होती. त्यातून तो अद्याप सावरला नसल्याने त्याला स्पर्धेतून बाहेर व्हावे लागले आहे.

पॅट कमिन्स ( Pat Cummins ) :

ऑस्ट्रेलियाचा वेगवान गोलंदाज पॅट कमिन्स यानेही स्पर्धेतून माघारी घेतली आहे. भारता विरूद्धच्या कसोटी मालिकेत झालेल्या दुखापतीमुळे त्याला हा निर्णय घ्यावा लागला.

एनरिक नॉर्खिया ( Anrich Nortje ) :

दक्षिण आफ्रिकेचा वेगवान गोलंदाज एनरिक नॉर्खिया यानेही स्पर्धेतून माघार घेतली आहे. सुरुवातीला तो संघाचा भाग होता, पण पाठीच्या दुखापतीतून पूर्णपणे न सावरल्याने त्याला स्पर्धेबाहेर व्हावे लागले.

जोश हेजलवूड (Josh Hazlewood ) :

ऑस्ट्रेलियाचा अनुभवी वेगवान गोलंदाज जोश हेजलवूड याने कमरेच्या दुखापतीमुळे चॅम्पियन्स ट्रॉफी खेळणार नसल्याचे स्पष्ट केले आहे. त्याला कसोटी मालिकेतच दुखापत झाली होती.

मिचेल स्टार्क ( Mitchell Starc ) :

मिचेल स्टार्कनेही स्पर्धेतून आपले नाव मागे घेतले आहे. गेल्या आठवड्यात श्रीलंकेविरुद्धच्या शेवटच्या कसोटीत स्टार्कने फक्त चार षटके टाकली. त्याच्या डाव्या घोट्याच्या दुखापतीमुळे त्याने माघार घेतली आहे.

गेराल्ड कोइत्झे ( Gerald Coetzee ) :

आफ्रिकन वेगवान गोलंदाज गेराल्ड कोइत्झे यानेही स्पर्धेतून आपले नाव मागे घेतले आहे. जानेवारी महिन्यात तो स्नायूंच्या दुखापीतने त्रस्त होता. त्यातून लगेच सावरू शकत नसल्याने त्याने स्पर्धेतून माघार घेतली.