Vaibhav Suryavanshi Century In Syed Mushtaq Ali Trophy 2025 : सय्यद मुश्ताक अली ट्रॉफी टी-२० स्पर्धेत १४ वर्षीय वैभव सूर्यवंशीची बॅट अखेर तळपली आहे. पहिल्या चार सामन्यातील फ्लॉप शोनंतर वैभव सूर्यवंशी याने महाराष्ट्र संघाविरुद्धच्या लढतीत आणखी एक विक्रमी शतक झळकावले आहे. सय्यद मुश्ताक अली ट्रॉफी स्पर्धेतील पहिले शतक झळकावत त्याने खास वर्ल्ड रेकॉर्डही सेट केला आहे. वयाच्या १४ व्या वर्षी १७ व्या टी-२० सामन्यात त्याच्या भात्यातून तिसरी सेंच्युरी आली आहे. असा पराक्रम करणारा क्रिकेट जगतातील पहिला अन् एकमेव युवा फलंदाज ठरला आहे.
'लोकमत'चं WhatsApp चॅनल फॉलो करा!
वैभवचा धमाका! १७७.०५ च्या स्ट्राइक रेटसह नाबाद १०८ धावांची खेळी
सय्यद मुश्ताक अली ट्रॉफी स्पर्धेतील एलिट ग्रुप बीमधील बिहार विरुद्ध महाराष्ट्र यांच्यातील सामना कोलकाताच्या ईडन गार्डन्सच्या मैदानात रंगल्याचे पहायला मिळाले. या सामन्यात महाराष्ट्र संघाचा कर्णधार पृथ्वी शॉनं नाणेफेक जिंकून पहिल्यांदा गोलंदाजीचा निर्णय घेतला. बिहारच्या डावाची सुरुवात करताना पहिल्या चार सामन्यात सपशेल अवयशी ठलेल्या वैभव सूर्यवंशीनं धमाकेदार फलंदाजी करत या स्पर्धेतील पहिले वहिले शतक झळकावले. बिहारच्या डावाची सुरुवात करताना त्याने ६१ चेंडूत ७ चौकार आणि ७ षटकारांच्या मदतीने १७७.०५ च्या स्ट्राइक रेटसह नाबाद १०८ धावांची खेळी साकारली. त्याच्या या खेळीच्या जोरावर बिहार संघाने निर्धारित २० षटकात ३ विकेट्सच्या मोबदल्यातत १७६ धावा केल्या.
SMAT 2025 : अर्जुन तेंडुलकरनं IPL इतिहासातील महागड्या गड्याला स्वस्तात तंबूत धाडलं; पण...
असा पराक्रम करणारा तो जगातील पहिला क्रिकेटर ठरला
वैभव सूर्यवंशी याने IPL२०२५ च्या पदार्पणाच्या हंगामात राजस्थान रॉयल्सकडून खेळताना गुजरात टायटन्सविरुद्धच्या सामन्यात वयाच्या १४ वर्षी शतकी खेळीसह जगाचं लक्षवेधून घेतलं होते. या सामन्यात त्याने ३८ चेंडूत १०१ धावा केल्या होत्या. आशिया कप रायझिंग स्टार्स २०२५ स्पर्धेत युएई विरुद्धच्या सामन्यात त्याने १४४ धावांची विश्वविक्रमी खेळी साकारली. आता सय्यद मुश्ताक अली ट्रॉफी या देशांतर्गत टी-२० स्पर्धेतील पहिले शतक झळकावत त्याने नवा इतिहास रचला आहे. वयाच्या १४ व्या वर्षी टी-२० क्रिकेटमध्ये ३ शतके झळकवणारा तो जगातील पहिला फलंदाज ठरला आहे.
Web Summary : Vaibhav Suryavanshi, 14, shines in Syed Mushtaq Ali Trophy 2025, scoring a record-breaking century against Maharashtra. This is his first century in the tournament and third in T20s, making him the youngest to achieve this feat.
Web Summary : सैयद मुश्ताक अली ट्रॉफी 2025 में 14 वर्षीय वैभव सूर्यवंशी ने महाराष्ट्र के खिलाफ रिकॉर्ड शतक बनाया। यह टूर्नामेंट में उनका पहला और टी20 में तीसरा शतक है, जिससे वे ऐसा करने वाले सबसे युवा खिलाड़ी बन गए हैं।