भारत-दक्षिण आफ्रिका यांच्यातील कसोटी सामन्यादरम्यान भारतीय संघाविषयी वादग्रस्त वक्तव्य करणारे प्रशिक्षक शुक्री कॉनराड यांना गावसकरांनी चांगलेच सुनावले आहे. गुवाहाटीच्या मैदानात रंगलेल्या दुसऱ्या कसोटी सामन्यात दक्षिण आफ्रिकेच्या संघाने मजबूत आघाडीत घेतल्यावरही भारतीय संघाला तंगवले होते. डाव घोषित करायला एवढा वेळ का घेतला? या प्रश्नावर दक्षिण आफ्रिकेच्या प्रशिक्षकाने भारतीय संघाला गुडघ्यावर रांगायला लावायचे होते, असे भाष्य केले होते. यावरून चांगलाच वाद निर्माण झाल्याचे पाहायला मिळाले.
'लोकमत'चं WhatsApp चॅनल फॉलो करा!
गावसकरांनी उपकाराची आठवण करून देत टोचले दक्षिण आफ्रिकेच्या कोचचे कान
दक्षिण आफ्रिकेच्या प्रशिक्षकाने केलेल्या वक्तव्यावर नाराजी व्यक्त करताना गावसकरांनी उपकाराची जाण ठेवा, माफी मागायचं राहू दे, पण पुढच्या वेळी बोलताना भान राहू दे, अशा आशयाच्या शब्दांत दक्षिण आफ्रिकेच्या कोचचे कान टोचले आहेत. स्टार स्पोर्ट्सच्या शोमध्ये गावसकरांनी दक्षिण आफ्रिकेला आंतरराष्ट्रीय क्रिकेटमध्ये आणण्यासाठी भारताने पुढाकार घेतला होता, ही गोष्ट सांगत त्यांनी भारतीय क्रिकेटबद्दल कृतज्ञता जपली पाहिजे, असे म्हटले आहे.
IND vs SA: "भारतानं अक्षरशः आमच्यासमोर लोटांगण..." द. आफ्रिकेच्या प्रशिक्षकाची जीभ घसरली!
नेमकं काय म्हणाले गावसकर?
दक्षिण आफ्रिकेच्या आंतरारष्ट्रीय क्रिकेटमधील पुनरागमनामध्ये भारतीय क्रिकेट नियमाक मंडळाचा मोठा हात होता. त्यांना आंतरराष्ट्रीय क्रिकेटमध्ये पुन्हा सक्रीय करण्यासाठी बीसीसीआयने आयसीसीकडे प्रस्ताव मांडला होता. भारतीय क्रिकेटमुळेच ते आज आंतराष्ट्रीय क्रिकेटमध्ये आहेत. कोलकाताच्या मैदानातून त्यांनी पुन्हा एकदा आंतरारष्ट्रीय क्रिकेटची सुरुवात केली. या सगळ्याचा विचार करता दक्षिण आफ्रिकेच्या कोचनं ते शब्द वापरायला नको होते. एवढेच नाहीत तर दक्षिण आफ्रिकेतील टी-२० लीगमध्ये बहुतांश फ्रँचायझी संघाची मालकी ही भारतीयांकडे आहे. दक्षिण आफ्रिकेच्या क्रिकेटर्स भारतीय क्रिकेटमुळे कमाई करतो. त्यांनी जे वक्तव्य केले ते चुकीचं होते. त्याबद्दल त्यांनी माफी मागावी, असे मी म्हणणार नाही. पण पुढच्या वेळी ते असे वक्तव्य करण्यापूर्वी विचार नक्की करतील. असे गावसकरांनी म्हटले आहे. भारतीय क्रिकेटमुळेच दक्षिण आफ्रिका आज चांगले दिवस पाहतोय, अशा आशयाच्या शब्दांत जर पुन्हा अशा प्रकारचे वक्तव्य केले तर त्याची किंमत दक्षिण आफ्रिकेला मोजावी लागेल, अशी अप्रत्यक्ष टिपण्णी करत गावसकरांनी कोचला ताकीद वजा इशाराच दिला आहे.
Web Summary : Gavaskar criticized South Africa's coach for his remarks about India during a test match. He reminded him of India's role in South Africa's re-entry into international cricket and warned against future disrespectful statements, emphasizing gratitude and mindful speech.
Web Summary : गावस्कर ने दक्षिण अफ्रीका के कोच को भारत के बारे में उनकी टिप्पणी के लिए फटकार लगाई। उन्होंने उन्हें अंतरराष्ट्रीय क्रिकेट में दक्षिण अफ्रीका की वापसी में भारत की भूमिका की याद दिलाई और भविष्य में अपमानजनक बयानों के खिलाफ चेतावनी दी, कृतज्ञता और विचारशील भाषण पर जोर दिया।