केकेआरच्या चाहत्यांना धक्का, आंद्रे रसेलने केली आयपीएलमधून निवृत्तीची घोषणा, आता दिसणार या भूमिकेत  

Andre Russell Announces Retirement : वेस्ट इंडिजचा अष्टपैलू क्रिकेटपटू आंद्रे रसेल याने इंडियन प्रीमियर लीग अर्थात आयपीएलमधून निवृत्ती स्वीकारण्याची घोषणा केली आहे. आयपीएल २०२६ साली होणाऱ्या लिलावापूर्वी आंद्रे रसेल याला कोलकाता नाईटरायडर्सने हल्लीच संघातून मुक्त केले होते.

By ऑनलाइन लोकमत | Updated: November 30, 2025 14:27 IST2025-11-30T14:19:58+5:302025-11-30T14:27:10+5:30

whatsapp join usJoin us+ Follow on Google
Shock to KKR, Andre Russell announces retirement from IPL, will be seen in this role | केकेआरच्या चाहत्यांना धक्का, आंद्रे रसेलने केली आयपीएलमधून निवृत्तीची घोषणा, आता दिसणार या भूमिकेत  

केकेआरच्या चाहत्यांना धक्का, आंद्रे रसेलने केली आयपीएलमधून निवृत्तीची घोषणा, आता दिसणार या भूमिकेत  

वेस्ट इंडिजचा अष्टपैलू क्रिकेटपटू आंद्रे रसेल याने इंडियन प्रीमियर लीग अर्थात आयपीएलमधून निवृत्ती स्वीकारण्याची घोषणा केली आहे. आयपीएल २०२६ साली होणाऱ्या लिलावापूर्वी आंद्रे रसेल याला कोलकाता नाईटरायडर्सने हल्लीच संघातून मुक्त केले होते. त्यानंतर रसेलने आयपीएलमधून निवृत्तीची घोषणा केली आहे. मात्र आयपीएलमधून निवृत्तीची घोषणा केली असली तरी आपली क्रिकेट कारकीर्द इथेच समाप्त झालेली नाही, तर आपण जगभरातील टी-२० लीग आणि केकेआर फ्राँचायझीसाठी खेळत राहीन असेही रसेल याने स्पष्ट केले आहे.

कोलकाता नाईटरायडर्सच्या चाहत्यांना उद्देशून दिलेल्या संदेशामध्ये आंद्रे रसेल म्हणाला की, केकेआरच्या चाहत्यांनो मी आज तुम्हाला हे सांगायला आलो आहे की, मी आयपीएलमधून निवृत्त होण्याचा निर्णय घेतला आहे. मी इथे चांगला वेळ घालवला. षटकार, चौकार मारले. सामने जिंकवले, पुरस्कार मिळवले. हे सारं काही आठवणीत राहणारं आहे. मला चुकीच्या वेळी नाही तर योग्य वेळी निवृत्ती स्वीकारायची होती.

रसेल पुढे म्हणाला की, जेव्हा मी हा निर्णय घेतला, तेव्हा मला वाटलं की, यावेळी हा चांगला निर्णय आहे. मी संपू इच्छित नव्हतो, तर मी माझ्या मागे एक चांगला वारसा सोडू इच्छित होतो. कुणी तू आधीच निवृत्तीचा निर्णय घ्यायला हवा होता, असं म्हणण्यापेक्षा तुझ्यात अजून क्रिकेट शिल्लक आहे. तू अजून क्रिकेट खेळू शकतो, असं चाहते विचारत असतानाच निवृत्ती स्वीकारणं कधीही चांगलं असतं, असेही रसेल याने यावेळी सांगितले.

दरम्यान, पुढच्या आयपीएलमध्ये मी कोलकाता नाईटरायडर्सच्या सपोर्ट स्टाफमध्ये सहभागी होणार असून, तिथे माझी भूमिका, पॉवर कोचची असणार आहे, असेही आंद्रे रसेल याने सांगितले.     

Web Title: Shock to KKR, Andre Russell announces retirement from IPL, will be seen in this role

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.