PAK vs SL Live Streaming Where To Watch Todays Asia Cup 2025 Super Four 15th Match : आशिया चषक स्पर्धेतील सुपर फोरमधील तिसरी लढत पाकिस्तान विरुद्ध श्रीलंका यांच्यात खेळवण्यात येणार आहे. मंगळवारी २३ सप्टेंबरला अबू धाबीच्या शेख झायेद स्टेडियमवर रंगणारा हा सामना दोन्ही संघांसाठी 'करो वा मरो'ची लढत असेल. दोन्ही संघ सुपर फोरमधील आपला दुसरा सामना खेळायला मैदानात उतरतील. हा सामना जिंकून फायनलच्या शर्यतीत टिकून राहण्याचे आव्हान त्यांच्यासमोर आहे.
'लोकमत'चं WhatsApp चॅनल फॉलो करा!
दोन्ही संघांची यंदाच्या हंगामातील कामगिरी
पाकिस्तानचा संघाने 'अ' गटातून ओमान आणि UAE वर मिळवलेल्या विजयाच्या जोरावर सुपर फोरमध्ये प्रवेश केला. साखळी फेरीतील टीम इंडियाने त्यांना एकहाती नमवले. सुपर फोरमध्येही भारताविरुद्ध खेळताना त्यांची डाळ काही शिजली नाही. दुसरीकडे श्रीलंकेच्या संघाने 'ब' गटातून सर्वच्या सर्व सामने जिंकल्यावर सुपर फोरमध्ये त्यांना बांगलादेशच्या संघाने दणका दिला.
IND vs PAK : भारताला हरवायचंय? मग सेना प्रमुखांसोबत ओपनिंग करा! इम्रान खानचा PCB अध्यक्षाला यॉर्कर
पाक-श्रीलंका यांच्यातील T20I मधील हेड टू हेड रेकॉर्ड (PAK vs SL T20I Head To Head Record)
आंतरराष्ट्रीय टी-२० क्रिकेटमध्ये आतापर्यंत हे दोन्ही संघ २३ वेळा समोरा समोर आले आहेत. यात पाकिस्तानच्या संघाने १३ वेळा तर श्रीलंकेच्या संघाने १० वेळा विजय मिळवला आहे. हेड टू हेड रेकॉर्डच्या बाबतीत पाकिस्तानचे वर्चस्व दिसत असले तरी मागील पाच सामन्यात श्रीलंकेचा दबदबा दिसून आलाय. ही गोष्ट श्रीलंकेसाठी जमेची बाजू असून पाकला धास्ती निर्माण करणारी आहे.
पाकिस्तानचा संघ
सलमान अली आगा (कर्णधार), अब्रार अहमद, फहीम अशरफ, फखर झमान, हारिस राउफ, हसन अली, हसन नवाझ, हुसेन तलत, खुशदिल शाह, मोहम्मद हरीस (विकेटकीपर), मोहम्मद नवाज, साहिबजादा फरहान, सईमअयूब, सलमान मिर्झा, शाहीन आफ्रिदी, सुफियान मुकीम, आणि मोहम्मद वसीम जूनियर.
श्रीलंकेचा संघ
चारित असलंका (कर्णधार), पथुम निसंका, कुशल मेंडिस, कुशल पेरेरा, नुवानिदु फर्नांडो, कमिंदु मेंडिस, कमिल मिशारा, दासुन शनाका, वानिंदु हसरंगा, दुनिथ वेल्लालागे, चमिका करुनारत्ने, महीश तीक्षणा, दुश्मंता चमीरा, बिनुरा फर्नांडो, नुवान थुषारा, माथीशा पथिराना, आणि जानिथ लियानगे.
भारतामध्ये कुठं अन् कसा पाहता येईल PAK vs AFG यांच्यातील सामना? (Pakistan vs Sri Lanka Live Streaming And Telecast In India)
- लाईव्ह स्ट्रीमिंग : SonyLIV अ‍ॅप आणि वेबसाइट
- टेलिव्हिजन:
- सोनी स्पोर्ट्स (Sony Sports 1) आणि सोनी स्पोर्ट्स ५ (Sony Sports 5) (इंग्रजी समालोचन)
- सोनी स्पोर्ट्स ३ (Sony Sports 3) (हिंदी समालोचन)
- सोनी स्पोर्ट्स ४ (Sony Sports 4) (तमिळ अन् तेलगू समालोचन)