भारत आणि श्रीलंका यांच्या यजमानपदाखाली होणाऱ्या टी-२० वर्ल्ड कप स्पर्धेआधी आंतरराष्ट्रीय क्रिकेट परिषदेनं टी-२० क्रमवारी जाहीर केली आहे. गत टी-२० वर्ल्ड कप विजेता भारतीय संघाने आपला दबदबा कायम ठेवला असून पाकिस्तान क्रमवारीत टीम इंडियाच्या जवळपासही दिसत नाही. इथं एक नजर टाकुयात नव्या ICC टी-२० क्रमवारीत कोण कितव्या स्थानावर आहे त्यासंदर्भातील सविस्तर माहिती
'लोकमत'चं WhatsApp चॅनल फॉलो करा!
इंग्लंड–श्रीलंका मालिकेचा क्रमवारीवर परिणाम नाही
टी २० वर्ल्ड कप स्पर्धेपूर्वी इंग्लंड आणि श्रीलंका यांच्यात अखेरची आंतरारष्ट्रीय टी २० मालिका खेळवण्यात आली. या मालिकेत इंग्लंडने यजमान श्रीलंकेचा ३-० असा धुव्वा उडवला. मात्र, या मोठ्या मालिका विजयानंतरही क्रमवारीत बदल झाल्याचे दिसत नाही. इंग्लंडचा संघ या कामगिरीनंतरही तिसऱ्या क्रमांकावर असून श्रीलंकेचा संघ आठव्या स्थानावर कायम आहे.
IND vs PAK : हायहोल्टेज सामन्याआधी ड्रामा! अश्विन म्हणतो; पाकिस्तान लवकरच यू टर्न घेईल अन्...
पाकिस्तान झेप घेतली, पण...
ऑस्ट्रेलियाविरुद्धच्या घरच्या मैदानातील टी-२० मालिकेत पाकिस्तानच्या संघाने ३-० असा विजय नोंदवला. या कामगिरीसह पाकिस्तानच्या संघाने दोन वेळचा वर्ल्ड चॅम्पियन वेस्ट इंडिजला मागे टाकत सहाव्या स्थानावर झेप घेतली आहे. पण टॉप ५ मध्ये त्यांना एन्ट्री मारता आलेली नाही.
ICC रँकिंगमध्ये आघाडीच्या पाचमध्ये कोण?
ICC च्या टी-२० क्रमवारीत भारतीय संघ २७३ रेटिंग पॉइंट्स मिळवत अव्वलस्थानावर आहे. त्यापाठोपाठ ऑस्ट्रेलियाचा नंबर लागतो. त्यांच्या खात्यात २६१ रेटिंग पॉइंट्स आहेत. इंग्लंड, न्यूझीलंड आणि दक्षिण आफ्रिकेच्या संघाने अनुक्रमे, २५९ (रेटिंग), २५१ (रेटिंग) आणि (२४१) रेटिंगसह अव्वल पाचमध्ये स्थान टिकवून ठेवले आहे.
| क्रमांक | संघ | रेटिंग पॉइंट्स | २०२६ T20 वर्ल्ड कप खेळणार की नाही? |
|---|
| १ | भारत | २७३ | होय |
| २ | ऑस्ट्रेलिया | २६१ | होय |
| ३ | इंग्लंड | २५९ | होय |
| ४ | न्यूझीलंड | २५१ | होय |
| ५ | दक्षिण आफ्रिका | २४१ | होय |
| ६ | पाकिस्तान | २३८ | होय |
| ७ | वेस्ट इंडिज | २३४ | होय |
| ८ | श्रीलंका | २२७ | होय |
| ९ | बांगलादेश | २२३ | नाही |
| १० | अफगाणिस्तान | २२२ | होय |
| ११ | आयर्लंड | २०१ | होय |
| १२ | झिम्बाब्वे | २०० | होय |
| १३ | नेदरलँड्स | १८२ | होय |
| १४ | स्कॉटलंड | १८२ | होय |
| १५ | नामिबिया | १८१ | होय |
| १६ | नेपाळ | १७६ | होय |
| १७ | यूएई | १७६ | होय |
| १८ | यूएसए | १७५ | होय |
| १९ | कॅनडा | १५४ | होय |
| २० | ओमान | १५२ | होय |
| २१ | युगांडा | १४२ | नाही |
| २२ | पापुआ न्यू गिनी | १३६ | नाही |
| २३ | कुवेत | १३० | नाही |
| २४ | हाँगकाँग | १२७ | नाही |
| २५ | मलेशिया | १२५ | नाही |
| २६ | बहारीन | ११९ | नाही |
| २७ | इटली | ११९ | होय |
| २८ | जर्सी | ११७ | नाही |
| २९ | कतार | ११४ | नाही |
| ३० | स्पेन | ११३ | नाही |
