Join us
Daily Top 2Weekly Top 5

IND vs SA: रोहितसोबत ओपनर कोण? किपिंग कोण करणार? कर्णधार केएल राहुलने सगळ्यांची उत्तरं दिली

KL Rahul Press Conference Ind vs SA 1st ODI: राहुलने प्लेइंग ११ बद्दल तीन महत्त्वाचे अपडेट्स दिले

By ऑनलाइन लोकमत | Updated: November 29, 2025 16:13 IST

Open in App

KL Rahul Press Conference Ind vs SA 1st ODI: कसोटी मालिका संपल्यानंतर, आता भारत-दक्षिण आफ्रिका एकदिवसीय मालिकेची सुरुवात होणार आहे. फॉरमॅट बदलला असल्याने संघातील काही खेळाडूंमध्येही बदल झाला आहे. भारतीय संघाचे दोन सर्वात लाडके आणि स्टार खेळाडू विराट कोहली आणि रोहित शर्मा संघात पुन्हा एकदा खेळताना दिसणार आहेत. काही इतर खेळाडू देखील संघात सामील झाले आहेत. महत्त्वाची बाब म्हणजे शुबमन गिल दुखापतग्रस्त असल्याने कर्णधारपदात एक महत्त्वाचा बदल झाला आहे. शुभमनच्या जागी केएल राहुल संघाचे नेतृत्व करणार आहे. त्यामुळे संघात सलामीवीर कोण असणार आणि यष्टीरक्षण कोण करणार, असे सवाल क्रिकेटचाहत्यांना पडले आहेत. या सर्व प्रश्नांची उत्तरे केएल राहुलने आजच्या पत्रकार परिषदेत दिली.

रोहितसोबत ओपनिंग करणार का?

रविवारी, ३० नोव्हेंबरला रांची येथे एकदिवसीय मालिका सुरू होत आहे. सामन्याच्या एक दिवस आधी शनिवारी, २९ नोव्हेंबरला राहुलने कर्णधार म्हणून पहिल्यांदाच माध्यमांसमोर हजेरी लावली आणि काही विशिष्ट प्रश्नांची उत्तरे दिली. या दरम्यान, राहुलने प्लेइंग इलेव्हनमधील त्याच्या फलंदाजीच्या क्रमांकाबाबतही स्पष्ट सांगून टाकले. भारतीय कर्णधाराने स्पष्ट केले की तो संपूर्ण मालिकेत मधल्या फळीत फलंदाजी करेल. "मी सहाव्या क्रमांकावर फलंदाजी करेन," असे तो म्हणाला. त्यामुळे रोहित शर्मासोबत वेगळा सलामीवीर दिसणार हे निश्चित झाले.

ऋषभ पंतला संधी मिळेल?

प्लेईंग इलेव्हनमध्ये ऋषभ पंत आणि ऋतुराज गायकवाड यांच्यावरही प्रश्नचिन्ह उपस्थित करण्यात आले होते. चॅम्पियन्स ट्रॉफीनंतर पंत संघात परतला, तर गायकवाड जवळजवळ दोन वर्षांनी या फॉरमॅटमध्ये परतत आहे. यापैकी कोणाला संधी मिळेल का? असा सवाल विचारण्यात आला. तेव्हा पंतबद्दल राहुल म्हणाला की तो फलंदाज म्हणूनही खेळू शकतो, पण जर त्याला प्लेइंग इलेव्हनमध्ये समाविष्ट केले गेले तर तो नक्कीच विकेटकीपर म्हणून खेळेल. त्याची प्रतिभा आपण पाहिली आहे. त्याचा फिटनेस पाहता तो फक्त फलंदाज म्हणून खेळण्यासही सक्षम आहे. पण जर त्याला प्लेइंग इलेव्हनमध्ये समाविष्ट केले गेले, तर तोच विकेटकीपिंग करेल.

ऋतुराज प्लेईंग ११ मध्ये असेल?

"ऋतुराज गायकवाड अतिशय उत्तम खेळाडू आहे. त्याने वेळोवेळी आपल्या फलंदाजीने स्वत:ला सिद्ध करून दाखवले आहे. त्याला मर्यादित षटकांच्या सामन्यात अतिशय मर्यादित संधी मिळाल्या. पण त्या संधी त्याने वाया जाऊ दिल्या नाहीत. संघासाठी त्याने उत्तम कामगिरी केली. त्यामुळे या मालिकेत ऋतुराज गायकवाडला संधी देण्याचा आमचा मानस आहे," असे केएल राहुलने अतिशय स्पष्टपणे सांगितले.

English
हिंदी सारांश
Web Title : IND vs SA: Rahul reveals opening partner, wicket-keeper, and strategy.

Web Summary : KL Rahul clarified his batting position, confirming he'll bat in the middle order. Rishabh Pant will keep wickets if included. Ruturaj Gaikwad is likely to get a chance in the playing eleven. Rahul addressed key team questions before the ODI series.
टॅग्स :दक्षिण आफ्रिकेचा भारत दौरा २०२५भारत विरुद्ध दक्षिण आफ्रिकालोकेश राहुलरोहित शर्माऋतुराज गायकवाडरिषभ पंत