VIDEO : "समझने वालों को इशारा काफी!" विराटला गंभीरची मिठी; पण रोहितची रिअ‍ॅक्शनच ठरली 'शोस्टॉपर'

'रो-को'चा विक्रमी शो!

By ऑनलाइन लोकमत | Updated: November 30, 2025 20:30 IST2025-11-30T20:24:27+5:302025-11-30T20:30:37+5:30

whatsapp join usJoin us+ Follow on Google
IND vs SA Rohit Sharma Aggressively Celebrates Virat Kohli's Stunning Century In 1st ODI vs South Africa Hitman's Reaction Goes Viral Gautam Gambhir Watch Video | VIDEO : "समझने वालों को इशारा काफी!" विराटला गंभीरची मिठी; पण रोहितची रिअ‍ॅक्शनच ठरली 'शोस्टॉपर'

VIDEO : "समझने वालों को इशारा काफी!" विराटला गंभीरची मिठी; पण रोहितची रिअ‍ॅक्शनच ठरली 'शोस्टॉपर'

IND vs SA Rohit Sharma Aggressively Celebrates Virat Kohli's Stunning Century  : भारत-दक्षिण आफ्रिका यांच्यातील रांचीच्या मैदानात रंगलेल्या पहिल्या वनडे सामन्यात रोहित शर्मा आणि विराट कोहली जोडीचा हिट शोनं प्रेक्षकांच्या डोळ्याचं पारणं फेडणारा ठरला. एका बाजूला संघातील युवा फलंदाजांचा फ्लॉप शो पाहायला मिळाला त्या सामन्यात ज्यांच्या वनडेतील भविष्याबद्दल प्रश्नचिन्ह उपस्थितीत करण्यात येत आहे त्यांनी मैदान गाजवलं. 

 'लोकमत'चं WhatsApp चॅनल फॉलो करा!
 

'रो-को'चा विक्रमी शो!

विराट कोहली आणि रोहित शर्मा या जोडीनं ऑस्ट्रेलिया दौऱ्यातील तिसऱ्या वनडेतील शो कायम ठेवत दुसऱ्या विकेटसाठी शतकी भागीदारी रचली. विराट कोहलीनं आपल्या वनडे कारकिर्दीतील ५२ वे शतक झळकावत नवा विक्रम रचला. दुसऱ्या बाजूला अर्धशतकी खेळीत ३ षटकार मारून रोहित शर्मा वनडेतील सिक्सर किंग ठरला. एवढेच नाही तर दक्षिण आफ्रिकेविरुद्धच्या सामन्यात या जोडीनं भारताकडून एकत्रितपणे सर्वाधिक आंतरारष्ट्रीय सामने खेळण्याचा विक्रमही नोंदवला आहे. या दोघांची दमदार खेळी पाहून कोच गंभीरही टाळ्या वाजवून दाद देताना दिसून आले. 

IND vs SA : MS धोनीच्या घरच्या मैदानात 'रो-को'नं रचला इतिहास! सचिन-द्रविड जोडीचा महारेकॉर्ड मोडला

 ड्रेसिंग रुममध्ये गंभीर-विराट यांच्यात गोडवा दिसला; पण रोहित शर्माची रिअ‍ॅक्शन गाजली

विराट कोहली शतकी खेळी करून परतल्यावर गौतम गंभीरनं ड्रेसिंग रुममध्ये त्याला जादूची झप्पी दिल्याचे पाहायला मिळाले. पण त्यापेक्षाही विराट कोहलीच्या विक्रमी शतकावर रोहित शर्मानं आक्रमक अंदाजात केलेले सेलिब्रेशन सगळ्यात गाजलं. विराटची शतकी खेळीनंतर मारलेली उंच उडी आणि त्याच्या या कडक खेळीनंतर रोहित शर्मानं जोरदार टाळ्या वाजवत काहीतरी बोलत व्यक्त केलेला आनंद दोघांच्यातील बाँडिंगसह भारतीय क्रिकेटमध्ये या दोघांसोबत जे काही घडत आहे त्यावर खूप काही सांगून जाणारा होता. किंग कोहलीच्या शतकानंतर हिटमॅनच्या चेहऱ्यावर दिसलेला आनंद हा "समझने वालों को इशारा काफी!" असाच काहीसा होता.

ज्या फॉरमॅटमध्ये खेळणार तिथं हवा करणार!

रोहित शर्मा आण विराट कोहली या दोघांनी २०२४ च्या हंगामातील टी-२० वर्ल्ड कप स्पर्धेनंतर छोट्या फॉरमॅटमधून निवृत्तीची घोषणा केली होती. इंग्लंड दौऱ्याआधी दोघांनी पाठोपाठ मोठ्या फॉरमॅटमधूनही निवृत्ती घेऊन सर्वांना आश्चर्यचकित केले. मोजके सामेन खेळून हे दोन दिग्गज फॉर्म कायम ठेवू शकतील का? असा प्रश्न उपस्थितीत झाला. आता या दोघांनी ज्या फॉरमॅटमध्ये खेळणार तिथं हवा करणार हे दाखवून दिले आहे. 

Web Title : विराट का शतक, रोहित की प्रतिक्रिया ने लूटी महफिल; गंभीर का आलिंगन चर्चा में

Web Summary : विराट कोहली के शतक और रोहित शर्मा के आक्रामक जश्न ने भारत की जीत को उजागर किया। दोनों की रिकॉर्ड-तोड़ साझेदारी ने उनके भविष्य की चिंताओं को दूर किया, जबकि गंभीर का कोहली को गले लगाना चर्चा का विषय बना।

Web Title : Kohli's Century, Rohit's Reaction Steal the Show; Gambhir's Hug Noticed

Web Summary : Virat Kohli's century and Rohit Sharma's aggressive celebration highlighted India's victory. The duo's record-breaking partnership overshadowed concerns about their future, while Gambhir's hug with Kohli added intrigue.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.