IND vs SA: टीम इंडियासोबत असं का घडतंय? २०२३ च्या वनडे वर्ल्डकपपासून लागलेलं ग्रहण अजूनही सुटेना!

Team India ODI Toss Report: २०२३ च्या एकदिवसीय विश्वचषकानंतर भारतीय संघाने सलग १९ वेळा टॉस गमावला आहे.

By ऑनलाइन लोकमत | Updated: November 30, 2025 14:32 IST2025-11-30T14:25:42+5:302025-11-30T14:32:34+5:30

whatsapp join usJoin us+ Follow on Google
IND vs SA: India have lost the toss 19 times in a row in ODI cricket | IND vs SA: टीम इंडियासोबत असं का घडतंय? २०२३ च्या वनडे वर्ल्डकपपासून लागलेलं ग्रहण अजूनही सुटेना!

IND vs SA: टीम इंडियासोबत असं का घडतंय? २०२३ च्या वनडे वर्ल्डकपपासून लागलेलं ग्रहण अजूनही सुटेना!

दोन सामन्यांच्या कसोटी मालिकेनंतर भारत आणि द.आफ्रिका यांच्यातील तीन सामन्यांच्या एकदिवसीय मालिकेला आजपासून सुरूवात झाली.  मालिकेतील पहिला सामना आज रांची येथील जेएससीए आंतरराष्ट्रीय स्टेडियम कॉम्प्लेक्समध्ये खेळला जात आहे. या सामन्यात भारतीय संघाचा कर्णधार केएल राहुलने टॉस गमावला. यासह भारतीय संघाच्या नावावर नकोशा विक्रमाची नोंद झाली आहे. भारताने सलग १९ व्या एकदिवसीय सामन्यात टॉस गमावला आहे.

२०२३ च्या विश्वचषक अंतिम सामन्यानंतर भारतीय संघाने अद्याप एकाही एकदिवसीय सामन्यात टॉस जिंकलेला नाही. तब्बल १९ वेळा भारताने टॉस गमावला आहे, जो कोणत्याही आंतरराष्ट्रीय संघाने एकदिवसीय सामन्यांमध्ये सलग सर्वाधिक नाणेफेक गमावण्याचा जागतिक विक्रम आहे. या यादीत नेदरलँड्सचा संघ दुसऱ्या क्रमांकावर आहे, ज्यांनी सलग ११ एकदिवसीय सामन्यात टॉस गमावला आहे. टॉस जिंकल्यास कर्णधाराला खेळपट्टी आणि परिस्थितीनुसार फलंदाजी किंवा गोलंदाजी निवडण्याचा महत्त्वपूर्ण फायदा मिळतो. मात्र, सलग १९ सामन्यांत नाणेफेक गमावल्यामुळे भारतीय संघाला प्रत्येक वेळी प्रतिस्पर्धी संघाच्या निर्णयानुसार मैदानात उतरावे लागले.

द.आफ्रिकाविरुद्ध खेळल्या गेलेल्या दोन सामन्यांच्या कसोटी मालिकेत भारताला लाजिरवाण्या पराभवाला सामोरे जावा लागले. भारताने ०-२ अशा फरकाने मालिका गमावली आहे. त्यामुळे चाहत्यांमध्ये नाराजी पसरली असून एकदिवसीय मालिकेत भारतीय संघ चांगली कामगिरी करून दाखवेल, अशी अपेक्षा केली जात आहे. 

भारताची प्लेइंग इलेव्हन:

रोहित शर्मा, यशस्वी जैस्वाल, विराट कोहली, रुतुराज गायकवाड, वॉशिंग्टन सुंदर, केएल राहुल (यष्टीरक्षक/कर्णधार), रवींद्र जडेजा, हर्षित राणा, कुलदीप यादव, अर्शदीप सिंग, प्रसीद कृष्णा.

दक्षिण आफ्रिकेचा प्लेइंग इलेव्हन: 

रायन रिकेल्टन, क्विंटन डी कॉक (यष्टीरक्षक), एडन मार्कराम (कर्णधार), मॅथ्यू ब्रेट्झके, टोनी डी झोर्झी, डेवाल्ड ब्रेविस, मार्को जॅन्सन, कॉर्बिन बॉश, प्रेनेलन सुब्रेन, नांद्रे बर्गर, ओटनील बार्टमन.

Web Title : टॉस का संकट जारी: विश्व कप के बाद भारत की लगातार 19 हार!

Web Summary : भारत दक्षिण अफ्रीका के खिलाफ पहले वनडे में टॉस हार गया, जो उनकी लगातार 19वीं हार है। इससे लगातार सबसे अधिक वनडे टॉस हारने का एक नया विश्व रिकॉर्ड बन गया है। भारत दक्षिण अफ्रीका के खिलाफ टेस्ट सीरीज भी 0-2 से हार गया।

Web Title : India's Toss Troubles Continue: 19 Consecutive Losses After World Cup!

Web Summary : India lost the toss in the first ODI against South Africa, marking their 19th consecutive loss. This sets a new world record for most consecutive ODI toss losses. India also lost the test series against South Africa 0-2.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.