IND vs SA 2nd Test Day 4 Stumps : गुवाहाटी कसोटी सामन्यात भारतीय संघ पराभवाच्या छायेत दिसत आहे. दक्षिण आफ्रिकेच्या संघाने दिलेल्या ५४९ धावांचा पाठलाग करताना भारतीय संघाने दुसऱ्या डावात दोन्ही सलामीवीराच्या विकेट्स स्वस्तात गमावल्या. यशस्वी जैस्वाल १३ धावा करून पुन्हा एकदा मार्को यान्सेनचा शिकार झाला. त्याच्यापाठोपाठ सायमन हार्मर याने अप्रतिम ऑफ स्पिनवर लोकेश राहुलला अवघ्या ६ धावांवर तंबूचा रस्ता दाखवला.
'लोकमत'चं WhatsApp चॅनल फॉलो करा!
...अन् टीम इंडियावर आली कुलदीप यादवला 'नाईट वॉचमन'च्या रुपात चौथ्या क्रमांकावर धाडण्याची वेळ
डोंगराऐवढ्या धावसंख्येचा पाठलाग करताना दोन्ही सलामीवीरांनी नांगी टाकल्यानंतर भारतीय संघावर कुलदीप यादवला नाईट वॉचमनच्या रुपात चौथ्या क्रमांकावर पाठवण्याची वेळ आली. चौथ्या दिवसाअखेर भारतीय संघाने २ विकेट्सच्या मोबदल्यात २७ धावा केल्या असून साई सुदर्शन २५ चेंडूचा सामना करून २ धावांवर खेळत होता. दुसऱ्या बाजूला कुलदीप यादवनं २२ चेंडूचा सामना करताना एका चौकाराच्या मदतीने ४ धावा काढल्या होत्या. भारतीय संघ अजूनही ५२२ धावांनी पिछाडीवर असून पाचव्या आणि अखेरच्या दिवशी सामना वाचवण्यासाठी टीम इंडियाला कसरत करावी लागणार आहे. दुसऱ्या बाजूला दक्षिण आफ्रिकेचा संघ ८ विकेट्स घेऊन २५ वर्षांनी टीम इंडियाला क्लीन स्वीप करण्याच्या इराद्याने मैदानात उतरेल.
Web Summary : India struggles in the second Test, losing both openers cheaply while chasing 549. Kuldeep Yadav was sent in as a nightwatchman. India needs a herculean effort to save the match on the final day.
Web Summary : भारत दूसरी टेस्ट में संघर्ष कर रहा है, 549 रनों का पीछा करते हुए दोनों सलामी बल्लेबाजों को सस्ते में खो दिया। कुलदीप यादव को नाइटवॉचमैन के रूप में भेजा गया। भारत को अंतिम दिन मैच बचाने के लिए एक बहुत बड़ा प्रयास करना होगा।