IND vs SA 1st ODI : कुलदीपनं ३ चेंडूत फिरवली मॅच! एकाच ओव्हरमध्ये २ विकेट्स अन्...

त्याने एकाच षटकात दोघांना तंबूचा रस्ता दाखवत सामना भारतीय संघाच्या बाजूनं वळवला.  

By ऑनलाइन लोकमत | Updated: November 30, 2025 21:03 IST2025-11-30T21:01:39+5:302025-11-30T21:03:38+5:30

whatsapp join usJoin us+ Follow on Google
IND vs SA 1st ODI Kuldeep Yadav Take 2 Wickets In 3 Balls Marco Jansen And Matthew Breetzke SA's Run Chase Totally Derailed Match Turning Point At Ranchi | IND vs SA 1st ODI : कुलदीपनं ३ चेंडूत फिरवली मॅच! एकाच ओव्हरमध्ये २ विकेट्स अन्...

IND vs SA 1st ODI : कुलदीपनं ३ चेंडूत फिरवली मॅच! एकाच ओव्हरमध्ये २ विकेट्स अन्...

रांची येथील मैदानात रंगलेल्या पहिल्या वनडे सामन्यात भारतीय संघाने दिलेल्या ३५० धावांचा पाठलाग करताना दक्षिण आफ्रिकेच्या संघाच्या आघाडीच्या फलंदाजांनी भारतीय गोलंदाजांसमोर नांगी टाकली. १३० धावांवर अर्धा संघ तंबूत परल्यावर सामना भारतीय संघ अगदी सहज जिंकेल असे चित्र निर्माण झाले होते. पण मार्को यान्सेन आणि मॅथ्यू ब्रीट्झके जोडी जमली आणि टीम इंडियाचं टेन्शन वाढलं. पण लोकेश राहुलनं कुलदीपच्या हाती चेंडू सोपला अन् त्याने एकाच षटकात दोघांना तंबूचा रस्ता दाखवत सामना भारतीय संघाच्या बाजूनं वळवला.  

शतकी भागीदारीच्या उंबरठ्यावर असताना फक्त जोडी नव्हे तर दोघांनाही दाखवला तंबूचा रस्ता अन्...

सहाव्या विकेटसाठी दोघांनी ६९ चेंडूत ९७ धावांची भागीदारी रचली. ३४ व्या षटकातील पहिल्याच चेंडूवर कुलदीप यादवनं मार्को यान्सेन याला आपल्या जाळ्यात अडकवले. ३९ चेंडूत ८ चौकार आणि ३ षटकारांच्या मदतीने त्याने ७० धावांची दमदार खेळी केली. त्याच्या पाठोपाठ याच षटकातील तिसऱ्या चेंडूवर कुलदीपनं मॅथ्यू ब्रीट्झके यालाही तंबूत धाडले. ८० चेंडूचा सामना करताना त्याने ८ चौकार आणि एका षटकाराच्या मदतीने ७२ धावांची खेळी केली. ही दोघेरी बाद झाल्यामुळे सामना टीम इंडियाच्या बाजूनं फिरला. कुलदीपचं षटक मॅचचा टर्निंग पाइंट ठरलं. 

Web Title: IND vs SA 1st ODI Kuldeep Yadav Take 2 Wickets In 3 Balls Marco Jansen And Matthew Breetzke SA's Run Chase Totally Derailed Match Turning Point At Ranchi

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.