ICC ODI Rankings : बाबर आजमच्या नेतृत्वाखाली पाकिस्तान संघाने नुकत्याच पार पडलेल्या वेस्ट इंडिजविरुद्धच्या वन डे मालिकेत निर्भेळ यश मिळवले. या कामगिरीमुळे पाकिस्ताननेआयसीसी वन डे क्रमवारीत सुधारणा करताना रोहित शर्माच्या नेतृत्वाखाली खेळणाऱ्या भारतीय संघाला धक्का दिला आहे. पाकिस्तानचा संघ आयसीसी वन डे क्रमवारीत चौथ्या क्रमांकावर आला आहे. या मालिकेला सुरूवात होण्यापूर्वी पाकिस्तानचा संघ 102 गुणांसह पाचव्या क्रमांकावर होता.
भारताला क्रमवारीत सुधारणा करण्याची संधी आहे. भारताला आगामी वन डे मालिकेत इंग्लंड व वेस्ट इंडिजचा सामना करायचा आहे. न्यूझीलंडचा संघ 125 गुणांसह अव्वल स्थानावर आहे. त्यापाठोपाठ इंग्लंड ( 124) व ऑस्ट्रेलिया ( 107) यांचा क्रमांक येतो.