PAK vs AUS T20I : ऑस्ट्रेलियाने २४ वर्षांनंतर पाकिस्तानमध्ये जाऊन कसोटी मालिका व एकमेव ट्वेंटी-२० सामना जिंकला. वन डे मालिकेत पाकिस्तानने २-१ असा विजय मिळवला असला तरी या संपूर्ण दौऱ्यावर ऑस्ट्रेलियाचेच वर्चस्व जाणवले. आज ऑस्ट्रेलियन खेळाडू पाकिस्तानातून मायदेशात जाण्यासाठी रवाना झाले आहेत, तर इंडियन प्रीमिअर लीगमध्ये ( IPL 2022) खेळणारे खेळाडू मुंबईत दाखल होणार आहे. आयपीएलमध्ये सध्या विविध पोस्टर्सनी लक्ष वेधले आहे, तसाच एक पोस्टर पाकिस्तान विरुद्ध ऑस्ट्रेलिया यांच्यातल्या ( Pakistan vs Australia T20I) एकमेव ट्वेंटी-२० सामन्यादरम्यान झळकला अन् त्यामुळे तरुणाला आता बॅचलर रहावे लागणार आहे.
![]()
वन डे मालिका विजयानंतर पाकिस्तानचा संघ ट्वेंटी-२० सामना जिंकण्यासाठी मैदानावर उतरला. प्रथम फलंदाजी करून त्यांनी ८ बाद १६२ धावा केल्या. मोहम्मद रिझवान ( २३) व कर्णधार बाबर आजम ( Babar Azam) यांनी पाकिस्तानला सुरुवात चांगली करून दिली, परंतु रिझवानच्या विकेटनंतर रांग लागली. फाखर जमान ( ०), इफ्तिखार अहमद ( १३), आसिफ अली ( ३), हसन अली ( १०), शाहिन शाह आफ्रिदी ( ०) हे झटपट माघारी परतले. बाबरने ४६ चेंडूंत ६ चौकारांसह व २ षटकारांच्या मदतीने ६६ धावांची महत्त्वपूर्ण खेळी केली. उस्मान कादीरने ६ चेंडूंत १८ धावांची भर घातली. ऑस्ट्रेलियाच्या नॅथन एलिसने २८ धावांत ४ विकेट्स घेतल्या. कॅमेरून ग्रीननेही दोन बळी टीपले.
प्रत्युत्तरात ऑस्ट्रेलियाचे फलंदाजही ढेपाळले. कर्णधार आरोन फिंचने ५५ धावांची खेळी करून संघर्ष केला. ट्रॅव्हिस हेड ( २६), जोश इंग्लिस ( २४), मार्कस स्टॉयनिस ( २३) व बेन मॅकडेर्मोट ( २२*) यांनी योगदान देत ऑस्ट्रेलियाचा विजय साकारला. ऑस्ट्रेलियाने १९.१ षटकांत ७ बाद १६३ धावा केल्या. शाहिन आफ्रिदी, उस्मान कादीर व मोहम्मद वसिम यांनी प्रत्येकी दोन विकेट्स घेतल्या. पण, पाकिस्तानच्या पराभवामुळे तरुणीने बॉयफ्रेंडला होकार दिलाच नाही.
![]()
आज जर पाकिस्तान जिंकली, तर मी याला हो म्हणेन, असा मजकूर लिहिलेलं पोस्टर ही तरुणी हातात घेऊन उभी होती आणि पाकिस्तानचा पराभव झाला.
Web Title: Feel for this guy: If Pakistan wins, i will say Yes, girl poster goes viral and Australia beat Pakistan by 3 wickets (with 5 balls remaining)
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
