ICC T20 विश्वचषक 2022साठी भारतीय संघ ऑस्ट्रेलियात दाखल झाला आहे. 23 ऑक्टोबरला भारताचा पाकिस्तानसोबत सामना होणार आहे. यापूर्वी खेळाडू सराव करत आहेत. सध्या विराट कोहलीचा सरावाचा एक व्हिडिओ समोर आला आहे, ज्यात तो चाहत्यांवर भडकल्याचे दिसत आहे.
टीम इंडियाचा 23 ऑक्टोबर रोजी मेलबर्न क्रिकेट ग्राउंड (MCG) येथे पाकिस्तान विरुद्ध पहिला सामना होणार आहे. सामन्यासाठी विराट कोहली नेट्सवर बॅटिंगचा सराव करत होता, त्यावेळेस नेट्सच्या पाठीमागून चाहत्यांनी गोंगाट सुरू केला. सुरुवतीला विराटने चाहत्यांना सौम्य शब्दात समजावून सांगितले. पण यानंतरही जेव्हा चाहत्यांनी गोंधळ सुरू ठेवला, तेव्हा विराट त्यांच्यावर भडकल्याचे पाहायला मिळाले.
व्हायरल होत असलेल्या व्हिडिओत तुम्ही पाहू शकता की, विराट सराव करत असताना चाहते बोलत असतात. तेव्हा विचार म्हणतो, 'यार प्रॅक्टिस सुरू आहे, बोलू नका. लक्ष विचलीत होतं.' यावर चाहते म्हणतात, ठीक आहे भाई, तू आरामत सराव कर. सध्या हा व्हिडिओ चांगलाच व्हायरल होत आहे.
