एड्सने ग्रासलेल्या या अभिनेत्याजवळ जगण्यासाठी आहेत कमी दिवस, घर वाचवण्यासाठी करतोय प्रयत्न

४९ वर्षीय हा स्टार एका जमान्यात छोट्या पडद्यावरील प्रसिद्ध परीक्षक होता आणि त्या काळी टेलिव्हिजन जगतातील तो प्रसिद्ध व्यक्ती होता.

एगहेड्स क्विज शोचा स्टार सीजे डि मूई गेल्या कित्येक वर्षांपासून एड्स या आजाराने पी़डित आहे आणि आता त्याच्याकडे पैशांची कमतरता असल्यामुळे त्याला घर गहाण ठेवावे लागले आणि ते घर वाचवण्यासाठी तो प्रयत्न करतो आहे.  डॉट युकेच्या रिपोर्टनुसार, ४९ वर्षीय सीजे एका जमान्यात छोट्या पडद्यावरील प्रसिद्ध शोचा परीक्षक होता आणि त्या काळी तो टेलिव्हिजन जगतातील प्रसिद्ध व्यक्ती होता. २००६ साली एका व्यक्तीने त्याच्यावर हत्या केल्याचा खोटा आरोप केल्यामुळे त्याला शोमधून काढून टाकण्यात आले होते. 

१९८८ साली सीजे डी मूईवर एम्स्टर्डममधील एका बेघर व्यक्तीची हत्या केल्याचा आरोप करण्यात आला होता आणि या प्रकरणात त्याला आर्थिक व मानसिकरित्या सामोरे जावे लागले होते. मात्र त्याच्यावरील आरोप मागे घेण्यात आले होते. पण, या सर्व गोष्टींमुळे त्याची अवस्था बिकट झाली होती. त्याला त्याचे घर गहाण ठेवावे लागले होते. त्यावेळी त्याच्या मदतीसाठी एक क्राऊड फंडींग मोहिम करण्यात आली होती. 

Here’s CJ in Thailand (Andrew was working there and his company paid for CJ to go and visit!) last year.#HappyCJpic.twitter.com/DpVzUcHCDB

— CJ de Mooi (@cjdemooi) April 20, 2019

सीजे डी मूईने सांगितले की, मला ३० वर्षांपासून एड्स आहे. गेल्या तीन वर्षात मी खूप काही सहन केले. कारण माझ्याकडे कामदेखील नव्हते. बाहेरून मी स्वस्थ आहे. आताही मी धावतो आणि सकारात्मक राहून स्वतःला चांगले ठेवण्याचा प्रयत्न करतो आहे

I’ve been living with AIDS for 30 years but the agony of the last 3 years means I may not have many left. I’m outwardly healthy, still running and am staying positive I can get better.
Thank you all for your love and if I can do anything to help any of you, please just ask. CJ 💚

— CJ de Mooi (@cjdemooi) April 21, 2019

सीजे डी मूईने लोकांचे आभार मानत सांगितले की, माझ्यावरील प्रेम दर्शविल्याबद्दल मी सगळ्यांचा आभारी आहे आणि जर  तुमच्यापैकी कोणाला माझ्या मदतीची गरज भासल्यास मला नक्की सांगा.

सीजे डी मूईने नुकतेच एक ट्विट केले आहे त्यात त्याने म्हटले की, त्याला वयाच्या १८ व्या वर्षी एड्सची लागण झाली होती. त्यावेळी मी सेक्स वर्कर म्हणून काम करत होतो. मला या गोष्टीची अजिबात लाज वाटत नाही. कारण मला जगण्यासाठी असे करावे लागले. 

I contracted HIV at 18 when I was a sex worker while sleeping rough. I am not ashamed - I did what I had to do to stay alive!

I have an opportunity to help people who may be suffering.
Please do not be afraid. If you need to talk, I am always here 💚

— CJ de Mooi (@cjdemooi) April 23, 2019

सीजेचे ट्विटर अकाउंट त्याचे मित्र चालवतो. ज्याचे नाव जो आहे. जो त्याच्या चाहत्यांना सीजेच्या मदतीसाठी आवाहन करतो. या आवाहनांतर्गत आतापर्यंत ३३४८.७२ पाउंड जमले असून सीजेचे घर वाचवण्यासाठी मदत होणार आहे. तो सध्या काल्डीकोटमध्ये त्याचा सहकारी एंड्र्यू डोरानसोबत तीन वर्षांपासून राहतो आहे.

Thank you so much to everyone who donated, commented, retweeted or sent support. You are amazing as is the £3348.72 raised for CJ so far. If he somehow manages to save his house, it will all be repaid or go to charity. Joe ❤️

— CJ de Mooi (@cjdemooi) April 21, 2019

डिस्क्लेमर ः आधी दिलेल्या बातमीत सीजे डी मूई बेघर झाल्याचे म्हटले होते. मात्र लोकमतने केलेल्या पडताळणीनंतर असे निष्पन्न झाले की सीजेने घर गहाण ठेवले असून तो व त्याचा मित्र जो त्याचे घर वाचवण्यासाठी प्रयत्न करतो आहे.