Ganesh Utsav 2025 | Ganapati Utsav 2025 | Gharcha Ganapati | Ganesh Chaturthi 2025 | गणेश चतुर्थी २०२५ | Puja | Aarti | Decoration | Darshan| Videos | Photos | Recipes

लोकमत न्यूज नेटवर्क, अलिबाग : कोकणात जाणाऱ्या चाकरमानी गणेशभक्तांचा यंदा ‘वाहतूककोंडी व खड्डे मुक्त’ प्रवास होईल, असा दावा रायगड पोलिसांनी केला आहे. त्यात वाहतूककोंडी टाळण्यासाठी ड्रोन कॅमेऱ्यांद्वारे नजर ठेवली जाणार असून, जीवनावश्यक वस्तूंची वाहने वगळून या काळात इतर सर्व १६ टनांच्या अवजड वाहनांना बंदी घालण्यात आली आहे, अशी माहिती जिल्हा पोलिस अधीक्षक सोमनाथ घार्गे यांनी दिली आहे. गतवर्षी दोन ड्रोन कॅमेरे होते. यंदा त्यांची संख्या वाढविण्यात येईल, असेही त्यांनी सांगितले.रायगड जिल्हा शांतता कमिटीची बैठक शुक्रवारी जिल्हाधिकारी कार्यालयातील जिल्हा नियोजन भवनात जिल्हाधिकारी किशन जावळे यांच्या अध्यक्षतेखाली झाली. त्यावेळी घार्गे यांनी या तयारीबाबत माहिती दिली. यावेळी जिल्हा परिषदेचे मुख्य कार्यकारी अधिकारी डॉ. भरत बास्टेवाड, निवासी उपजिल्हाधिकारी श्रीकांत गायकवाड, प्रत्येक विभागाचे अधिकारी, शांतता कमिटी सदस्य उपस्थित होते. महामार्गावर चोख बंदोबस्त- चाकरमान्यांचा प्रवास हा निर्विघ्न व्हावा, यासाठी रायगड पोलिसांचा बंदोबस्तही चोख राहणार आहे. - यामध्ये १२ उपविभागीय पोलिस अधिकारी, २८ पोलिस निरीक्षक, ८१ सहायक पोलिस निरीक्षक, पोलिस उपनिरीक्षक, ७४२ पोलिस अंमलदार, ५० होमगार्ड यांच्यासह ४० मोटारसायकली, ७२ वॉकीटॉकी, १८ टोकन क्रेन, १८ रुग्णवाहिका, ५८ सीसीटीव्ही तैनात राहणार आहे. महामार्गावर मोटारसायकल पेट्रोलिंगही सुरू राहील. - यासाठी ४० मोटारसायकली, १३० अंमलदार, ३० अधिकारी असून प्रत्येक पाच किमी परिसरात त्यांचे लक्ष राहील.अवजड वाहनांना बंदीगणेशोत्सव काळात ५ सप्टेंबर रोजी रात्री १२ वाजल्यापासून ते ८ सप्टेंबर रोजी रात्री अकरा वाजेपर्यंत आणि ११ सप्टेंबर रोजी सकाळी ८ ते १३ सप्टेंबर ११ वाजेपर्यंत, तसेच १७ सप्टेंबरला रात्री ८ वाजल्यापसून ते १८ सप्टेंबर रोजी रात्री ४ वाजेपर्यंत १६ टन व त्यापेक्षा अधिक अवजड वाहनांना बंदी राहील.गणेश भक्तांसाठी सुविधा केंद्रे खारपाडा, खारपाले, वाकण, कोलाड, इंदापूर, माणगाव, लोणेरे, महाड, महाड एमआयडीसी, पोलादपूर येथे सुविधा केंद्रे तयार करण्यात येणार आहेत. यामध्ये चहापान कक्ष, वैद्यकीय कक्ष, फोटो गॅलरी, पोलिस मदत केंद्र, बालक आहार कक्ष, वाहनतळ, वाहन दुरुस्ती कक्ष तयार केले जाणार आहेत.फलक नसल्यास कारवाईरायगड जिल्ह्यातील मुंबई-गोवा महामार्ग हद्दीतील अनेक ठिकाणी दुभाजक आहेत. मात्र, या ठिकाणी सूचना फलक लावले नसल्याने वाहनचालक यांना अडथळा निर्माण होतो. अनेकदा अपघातही होत आहेत. गणपतीपूर्वी दुभाजक ठिकाणी सूचना फलक लावलेत का? याची प्रांताधिकाऱ्यांनी पाहणी करावी. यामध्ये कुचराई झाली आणि अपघात झाल्यास अधिकाऱ्यांवर कारवाई केली जाईल, असे जिल्हाधिकारी किशन जावळे यांनी स्पष्ट केले.

Ganesh Mahotsav 2025 Celebration | गणेशोत्सव 2025 मराठी बातम्याFOLLOW

Ganesh mahotsav, Latest Marathi News

पुणे :गणेशोत्सवात दणदणाट करणाऱ्या DJ वर कडक कारवाई; ध्वनी प्रदूषण रोखण्यासाठी ‘एनजीटी’ ची नियमावली जाहीर

डीजेचा कर्णकर्कश आणि दणदणाट करणारा आवाज काहींना सहन न झाल्याने जिवाला मुकावे लागल्याचेही निदर्शनास आले आहे ...

भक्ती :बाप्पाच्या आगमनावेळी शुभ मुहुर्ताची गरज नाही! शास्त्र काय सांगते? वाचा सविस्तर नियमावली

भक्ती :साप्ताहिक राशीभविष्य: श्रावणाची सांगता, बाप्पाचे आगमन; कोणत्या राशींवर असेल शिव-गणेश कृपा?

भक्ती :Ganesh Chaturthi 2024: वेद वाङ्मयातही सापडतात गणेश पूजेचे दाखले; सविस्तर वाचा!

मुंबई :भाविकांनो, या १३ पुलांवरून जरा जपून...! पूल धोकादायक झाल्याने मिरवणुका नेताना गर्दी करू नका

पालिकेच्या हद्दीतील मध्य आणि पश्चिम रेल्वे मार्गावरील १३ पूल धोकादायक स्वरूपाचे आहेत. ...

मुंबई :बाप्पा राजमहालात होणार विराजमान! देखावे पूर्ण करण्यासाठी मंडळांकडून जोरात तयारी सुरू

गणरायाच्या आगमनाची आता मुंबईकरांना चाहूल लागली आहे. सार्वजनिक गणेशोत्सव मंडळांकडून जोरात तयारी सुरू आहे. ...

रायगड :चाकरमान्यांनो, गणपतीसाठी आता बिनधास्त जा बोटीने; उद्यापासून रेवस-भाऊचा धक्का सेवा सुरू!

हवामानाचा अंदाज घेऊन आणि जसजशी प्रवासीसंख्येत वाढ होईल तशी लाँचेसच्या फेऱ्या वाढविण्यात येणार आहेत. ...

रायगड :गणपतीत महामार्गावरील वाहतूककोंडीवर ड्रोन कॅमेऱ्यांची नजर

गतवर्षी दोन ड्रोन कॅमेरे होते. यंदा त्यांची संख्या वाढविण्यात येईल, असेही त्यांनी सांगितले. ...