Budget 2026 Latest Marathi News | अर्थसंकल्प २०२६-२७ मराठी बातम्या | Union Budget 2026 Date | Union Budget 2026 Income Tax | Budget 2026 For Salaried | Union Budget Of India 2026 | FM Nrmala Sitharaman

बारामती : बारामती विमानतळावर नाईट लँडिंगसाठी सोयीसुविधा उभारण्याचा मार्ग मोकळा झाला आहे. बारामती विमानतळावर नाईट लँडिंगची सोय केली जाणार असल्याचे अनेक कार्यक्रमांमधून यापुर्वी अनेकदा दिवंगत उपमुख्यमंत्री अजित पवार यांनी सांगितले होते. त्या अनुषंगाने आता शासनाकडून हालचाली सुरू होत्या. अखेर आजच्या अर्थसंकल्पात यावर शिक्कामोर्तब झाले आहे.शुक्रवारी राज्य शासनाच्या सादर झालेल्या अर्थसंकल्पात बारामतीसह लातूर, अमरावती,यवतमाळ येथे नाईट लँडिंग सुविधा निर्माण करण्यासाठी निधीची तरतूद करण्यात आली आहे. बारामती एमआयडीसीतील विमानतळ रिलायन्सकडून राज्य शासनाकडे हस्तांतर करण्यात आले आहे. आजच्या निर्णयामुळे नाइट लैंडिंगसाठी आवश्यक असणाऱ्या सोयीसुविधा देण्यासाठी पहिले पाऊल पडले आहे.बारामती हे विकासाचे रोल मॉडेल म्हणून ओळखले जाते. मात्र येथील उद्योगांना अनुकुल वातावणाची, आवश्यक सोयीसुविधांची कमतरता आहे. या पार्श्वभुमीवर बारामती शहरातील जनसन्मान यात्रेत दिवंगत उपमुख्यमंत्री पवार यांनी लक्ष घालत बारामती येथे विमानाच्या नाइट लँडिंगची घोषणा केली होती. त्यादृष्टीने त्यांनी विविध कामांची आखणी करीत विमानतळ राज्य शासनाकडे घेतले होते. यासाठी आवश्यक निधीची आता तरतुद करण्यात आल्याने विमानतळाचा कायापालट होणार आहे. तसेच विमानतळ विकासाला चालना मिळणार आहे. परिणामी या परिसरात विमानाची नाइट लँडिंगची सोय उपलब्ध झाल्याने नव्याने उद्योजकांचा परिसरात राबता वाढणार आहे. बारामती शहरात पालखी महामार्गासह विविध महामार्ग विकसित झाले आहेत. त्यामुळे दळणवळणाच्या नकाशावर बारामतीची ओळख वाढण्यास मदत होणार आहे.देशात प्रवास अधिक सोयीचा होईलऔद्योगिक विकासासाठी दळणवळण विशेषतः विमानसेवेची मोठी गरज आहे. ही सोय झाल्यास कोणताही उद्योजक परिसरात उद्योग उभारताना 'एअर कनेक्टिव्हिटी' पाहतो; कारण उद्योजकांना वेळ कमी असतो. बारामतीत उद्योजकांना सोयीस्कर होण्यासाठी विमानतळ वाहतूक महत्त्वाची आहे. विमानाची 'हॉपिंग' सर्विस असते. नाइट लँडींगमुळे हि सर्व्हिस बारामतीत सुरु होण्याची संधी आहे. रात्रीच्या वेळी विमाने उतरण्यास सुविधा निर्माण झाल्यास बारामतीमध्ये कारखानदारी वाढण्यास मदत होणार आहे. त्यामुळे साहजिकच या परिसरामध्ये गुंतवणूक वाढवून रोजगार निर्मिती आणखी वाढेल. तसेच कारखानदारीला चालना मिळून रोजगारनिर्मिती होण्यास मदत होणार आहे.दिवंगत उपमुख्यमंत्री अजित पवार यांचा याच विमानतळावर विमान उतरताना अपघात झाला. त्यानंतर हे विमानतळ संपुर्ण देशभरात चर्चेत आले. विमान अपघातानंतरच या विमानतळाची असुरक्षितता अधोरेखित करणाऱ्या विविध त्रुटी पुढे आल्या. आता नाइट लॅंडिंग सुविधेबरोबरच या त्रुटी दुर होण्यास मदत होणार आहे. मात्र,बारामतीकरांपासुन त्यांच्या लाडक्या नेत्याला हिरावणारा याच विमानतळावरील अपघात बारामतीकरांच्या मनात कायम घर करुन आहे, कायम स्मरणात आहे.

Budget 2026 Latest news in Marathi | अर्थसंकल्प २०२६ मराठी बातम्याFOLLOW

Budget, Latest Marathi News

नागपूर :राज्य अर्थसंकल्पात नागपूरच्या 'ग्रोथ हब'साठी पाच हजार कोटी; रिंगरोड प्रकल्पालाही मान्यता

लोकमत शेती :कर्जमाफीसाठी कोण पात्र, कोण अपात्र, 2 लाखांवरील कर्जदारांना 'ही' अट पूर्ण करावी लागणार?

Shetkari Karjmafi : दोन लाख रुपयांपर्यंतची कर्जमाफी घोषित केल्याने लाखों शेतकऱ्यांना मोठा दिलासा मिळणार आहे. ...

गोवा :सगळेच खूश ! गोव्याचा २०२६-२७ साठीचा ३०,१९५ कोटी रुपयांचा अर्थसंकल्प सादर

सरकारी योजना, नोकरभरती, उद्योग, शिक्षणासह शेतीसाठी नवा रोडमॅप ...

गोवा :अर्थसंकल्पात यंदाही करांचा बोजा नाही: मुख्यमंत्री

विकसित गोव्याचे उद्दिष्ट साध्य करणार; इतर मार्गातून महसूलप्राप्तीचे ध्येय, पाचवा शिलकी अर्थसंकल्प ...

गोवा :अर्थसंकल्पाचा षटकार!

याचेच प्रतिबिंब दरवेळी त्यांच्या अर्थसंकल्पात दिसते. ...

लोकमत शेती :बारामती-पुरंदरमधील ३३ गावांच्या जिरायती शेतीला मिळणार पाणी; 'ह्या' नदीजोड प्रकल्पाला अखेर मंजुरी

पुणे :अखेर बारामती विमानतळावर आता होणार 'नाइट लँडिंग'ची सोय; राज्याच्या अर्थंसंकल्पात केली तरतूद

व्यापार :कर्जमाफी, तिसरी-चौथी मुंबई आणि एआय... राज्याच्या अर्थसंकल्पातील १० महत्त्वाच्या घोषणा