Solapur: सोलापुरात सीपीएमचा काँग्रेसला पाठिंबा, नरसय्या आडम मास्तर म्हणाले...

Solapur News:काँग्रेसचे उमेदवार प्रणिती शिंदे यांच्या प्रचारात आता माकपचे माजी आमदार नरसय्या आडम यांनी उडी घेतली आहे. आगामी विधानसभा निवडणुकीत शहर मध्य विधानसभा मतदारसंघात काँग्रेस माकपला पाठिंबा देईल, अशी अपेक्षा आहे, असे नरसय्या आडम यांनी सोमवारी पत्रकार परिषदेत सांगितले.

- बाळकृष्ण दोड्डी
सोलापूर - काँग्रेसचे उमेदवार प्रणिती शिंदे यांच्या प्रचारात आता माकपचे माजी आमदार नरसय्या आडम यांनी उडी घेतली आहे. आगामी विधानसभा निवडणुकीत शहर मध्य विधानसभा मतदारसंघात काँग्रेस माकपला पाठिंबा देईल, अशी अपेक्षा आहे, असे नरसय्या आडम यांनी सोमवारी पत्रकार परिषदेत सांगितले.

तूर्त शहर 'मध्य'साठी काँग्रेसकडून शब्द मिळालेला नाहीय. याबाबत काँग्रेसचे ज्येष्ठ नेते सुशीलकुमार शिंदे यांच्याशी बातचीत झाली असून याबाबत साेनिया गांधी निर्णय घेतील, असे बोलल्याची माहिती आडम यांनी दिली. महाविकास आघाडीत माकप सहभागी झाला असून सोलापूर लोकसभा मतदारसंघात महाविकास आघाडीच्या उमेदवार प्रणिती शिंदे यांना आडम यांनी सोमवारी माकपकडून पाठिंबा जाहीर केला आहे.