उन्हामुळे गुलाबाचं रोप सुकू लागलं, २ सोपे घरगुती उपाय- गुलाब पुन्हा बहरेल, फुलंही येतील भरपूर

उन्हामुळे गुलाबाचं रोप सुकू लागलं असेल, पानं कोमेजायला लागली असतील तर पुढे सांगितलेले काही उपाय नक्कीच करून पाहा...

सध्या वातावरणातली उष्णता एवढी वाढली आहे की आपल्या टेरेसमधल्या रोपांनाही ती सहन होत नाहीये. कित्येक रोपं उन्हामुळे सुकून चालली आहेत. फुलांचा आकारही लहान लहान होत चालला आहे.

अशातच उष्णतेमुळे गुलाबाचं रोपही सुकून चाललं असेल तर त्याला थोडा गारवा देण्यासाठी पुढे सांगितलेला एक उपाय करून पाहा... त्यासाठी आपल्याला कोरफड वापरायची आहे.

कोरफड रोपांसाठी नॅचरल कुलिंग एजंट म्हणून काम करते. यासाठी कोरफडीचा २ ते ३ चमचे गर घ्या. तो दोन लीटर पाण्यात १० ते १२ तास ठेवा. यानंतर हे पाणी गाळून गुलाबाला घाला.

दुसरा उपाय म्हणजे केळीचं सालं २४ तास पाण्यात भिजत ठेवा. त्यानंतर ते पाणी गाळून घ्या आणि गुलाबाला द्या. यामुळेही गुलाब हिरवागार होण्यास मदत होईल आणि फुलंही जास्त येतील.

उन्हाळ्यात अगदी सगळी किंवा संध्याकाळी सुर्यास्त होण्याच्या आधी रोपांना पाणी द्यावे. दुपारी पाणी देऊ नये.