उन्हाळ्याच्या दिवसांत चेहर्याला अनेक त्रास होतात. सतत घाम येत राहतो, तेलकटपणा आणि थकवा जाणवतो. अशा वेळी साधं बर्फाचं पाणीही त्वचेसाठी छोटासा रिफ्रेश बूस्ट ठरू शकतं. (Dipping your face in ice-cold water in summer is not only fun but also nutritious for the skin. Amazing benefits of ice water!!)अनेकजण सकाळी चेहरा धुताना किंवा दिवसातून वेळ मिळेल तेव्हा बर्फाच्या पाण्याचा वापर करतात आणि त्यामागे काही ठोस फायदेही आहेत. महाग ट्रिटमेंट हवीच असे नाही. अगदी साध्या पद्धतीनेही चेहऱ्याची , त्वचेची काळजी घेता येते. पाहा काय करावे.
सर्वात आधी, बर्फाचे पाणी त्वचेला तात्काळ ताजेपणा देते. थंड पाण्यामुळे त्वचेतील रक्ताभिसरण सुधारते, ज्यामुळे चेहरा फ्रेश आणि उजळ दिसतो. विशेषतः सकाळी उठल्यावर चेहऱ्यावरची सूज कमी करण्यासाठी हे खूप उपयोगी ठरते. ओपन पोर्स (छिद्रे) कमी दिसण्यासाठीही बर्फाचे पाणी मदत करते. थंड पाण्यामुळे त्वचेवरील पोर्स तात्पुरते आकुंचन पावतात, त्यामुळे त्वचा अधिक स्मूथ दिसते. मेकअप करण्यापूर्वी बर्फाचे पाणी वापरल्यास मेकअप अधिक सेट आणि टिकाऊ राहतो.
पिंपल्स आणि सूज कमी करण्यासाठी बर्फाचे पाणी फायदेशीर आहे. थंडावा मिळाल्यामुळे त्वचेवरील सूज आणि लालसरपणा कमी होतो. त्यामुळे अचानक आलेल्या पिंपल्सचा त्रास कमी करण्यासाठीही हा एक सोपा घरगुती उपाय ठरू शकतो. डोळ्यांखालील सूज (पफिनेस) कमी करण्यासाठीही बर्फाचे पाणी उपयुक्त आहे. थंड पाण्याने चेहरा धुतल्यास किंवा बर्फ हलक्या हाताने फिरवल्यास डोळ्यांभोवतीचा थकवा कमी होतो आणि चेहरा अधिक ताजातवाना दिसतो.
उन्हामुळे होणारी त्वचेची जळजळ शांत करण्यासाठी बर्फाचे पाणी खूप उपयोगी आहे. उन्हातून आल्यावर चेहऱ्यावर थंड पाणी मारल्यास त्वचेला आराम मिळतो आणि जळजळ कमी होते. बर्फाचे पाणी वापरताना काही गोष्टी लक्षात ठेवणेही तितकेच महत्त्वाचे आहे. बर्फ थेट त्वचेवर जास्त वेळ ठेवू नये, कारण त्यामुळे त्वचा संवेदनशील होऊ शकते. नेहमी बर्फ कापडात गुंडाळून वापरणे अधिक सुरक्षित ठरते. तसेच खूप वारंवार वापर टाळावा. एकूणच, बर्फाचे पाणी हा त्वचेसाठी सोपा, स्वस्त आणि प्रभावी उपाय आहे. योग्य पद्धतीने आणि मर्यादेत वापर केल्यास त्वचा ताजीतवानी, स्वच्छ आणि निरोगी ठेवण्यासाठी नक्कीच मदत होऊ शकते.