भाजपच्या नगरसेवकांवर बजेटची खैरात; समाविष्ट गावातील नगरसेवकांना सात कोटींचे बजेट

भाजपच्या नगरसेवकांवर बजेटची खैरात करण्यात आली आहे. समाविष्ट गावातील भाजपच्या नगरसेवकांना सात कोटींचे बजेट देण्यात आले आहे.

पुणे : महापालिकेच्या २०२६-२७ च्या बजेटमध्ये सत्ताधारी भाजपच्या नगरसेवकांना पाच कोटी, राष्ट्रवादी काँग्रेस (अजित पवार) पक्षाच्या नगरसेवकांना चार कोटी, कॉंग्रेस आणि राष्ट्रवादी काँग्रेस (शरद पवार) नगरसेवकांना प्रत्येकी तीन कोटींचे बजेट देण्यात आले आहे. त्यामुळे भाजपच्या नगरसेवकांवर बजेटची खैरात करण्यात आली आहे. समाविष्ट गावातील भाजपच्या नगरसेवकांना सात कोटींचे बजेट देण्यात आले आहे.

स्थायी समिती अध्यक्ष श्रीनाथ भिमाले यांनी बजेट सादर केले. पालिकेत भाजपची एकहात्ती सत्ता असल्यामुळे स्थायी समितीचे अध्यक्ष श्रीनाथ भिमाले हे भाजपचे असल्यामुळे त्यांनी आपल्या पक्षाच्या नगरसेवकांना आपापल्या प्रभागासाठी साधारणपणे पाच कोटींचे बजेट दिले आहे. समाविष्ट गावातील भाजपच्या नगरसेवकांना सात कोटींचे बजेट देण्यात आले आहे. राष्ट्रवादी काँग्रेस (अजित पवार) पक्षाच्या नगरसेवकांना सुमारे ४ कोटींचे बजेट देण्यात आले आहे. कॉंग्रेस आणि राष्ट्रवादी काँग्रेस (शरद पवार) नगरसेवकांना प्रत्येकी तीन कोटींचे बजेट देण्यात आले आहे.

गटनेते, स्थायी समिती सदस्यांवर खैरात

महापौर, उपमहापौर यांच्यासह पालिकेतील सर्व पक्षांचे गटनेते, स्थायी समिती सदस्यांना प्रभागासाठी सर्वात जास्त बजेट देण्यात आले आहे. साधारणपणे प्रत्येकी सुमारे ८ ते १२ कोटींपर्यंत बजेट दिले आहे.

स्थायी समिती अध्यक्षांचा प्रकल्पावर भर

स्थायी समिती अध्यक्ष श्रीनाथ भिमाले यांनी विविध विकास कामांचे प्रकल्प करण्यावर भर दिला आहे. भिमाले यांनी प्रभागातील विविध विकास कामांसाठी ३५ ते ४० कोटी रुपयांची तरतूद केली आहे. 

सहयादीचे बजेट १ हजार ३०० कोटींपेक्षा जास्त

पुणे महापालिकेत भाजपची एक हाती सत्ता आहे. सत्ताधारी भाजपच्या नगरसेवकांना पाच कोटी, राष्ट्रवादी कॉंग्रेस (अजित पवार)पक्षाच्या नगरसेवकांना चार कोटी, कॉंग्रेस आणि राष्ट्रवादी काँग्रेस (शरद पवार) नगरसेवकांना प्रत्येकी तीन कोटींचे बजेट देण्यात आले आहे. सर्व पक्षांचे गटनेते आणि स्थायी समिती सदस्यांना प्रत्येकी दहा कोटी दिले आहेत. सहयादीचे बजेट १ हजार ३०० कोटींपेक्षा जास्त गेले आहे.

आयुक्तांच्या बजेटला १५ टक्के कात्री

महापालिका आयुक्त नवल किशोर राम यांनी तयार केलेल्या बजेटमधील विविध कामांना आणि तरतुदींना १५ टक्के कात्री लावण्यात आली आहे. त्यामधून उपलब्ध झालेला निधी नगरसेवकांच्या सहयादीसाठी वापरण्यात आला आहे.