सोलापुरात अभूतपूर्व गोंधळ! भाजपाचे एबी फॉर्म वेळेत न पोहचल्याने संताप, विरोधकांचा दारातच ठिय्या

उमेदवारी अर्ज भरण्याच्या शेवटच्या दिवशी अनेक महापालिकांमध्ये प्रंचड गोंधळ झालेला बघायला मिळाला. भाजपाने शेवटच्या अर्ध्या तासामध्ये बी फॉर्म देण्याचे ठरवले होते. पण, बी फॉर्म पोहोचण्यापूर्वीच अधिकाऱ्यांनी मुदत संपल्याने कार्यालय बंद केल्याने कार्यकर्त्यांचा संताप झाला.

सोलापूर महापालिकेसाठी उमेदवारी अर्ज दाखल करण्याच्या शेवटच्या दिवशी गोंधळ उडाला. भाजपाकडून वेळेत एबी फॉर्म न दिल्या गेल्याचा आरोप करत अर्ज दाखल केलेल्या उमेदवारांनी संताप व्यक्त केला. उमेदवार आणि कार्यकर्त्यांनी कार्यालयाच्या दारावर प्रचंड गर्दी केली. त्यामुळे तणाव निर्माण झाला होता.

निवडणूक अधिकाऱ्यांकडे जे उमेदवारी अर्ज दाखल झाले आहेत. त्यापैकी भाजपाच्या उमेदवारांचे बी फॉर्म पोहोचलेच नाहीत. भाजपाने वेळेच्या आत बी फॉर्म दिले नाहीत, असा आरोप विरोधी नेत्यांनी केला.

मनमानी कारभार करून सत्ताधारी या अधिकाऱ्यांच्या आडून अशी जुलूमशाही करत आहे, असा संताप विरोधी पक्षाच्या काही उमेदवारांनी केला.

भाजपाच्या काही उमेदवारांचे एबी फॉर्म वेळ झाली तरी आले नाही. त्यानंतर काही एबी फॉर्म आल्याचा आरोप विरोधी पक्षाच्या नेत्यांनी केला. वेळ संपल्यानंतर भाजपाच्या उमेदवारांचे एबी फॉर्म स्वीकारू देणार नाही, असे सांगत विरोधी पक्षाच्या नेत्यांनी बंद दरवाजाच्या बाहेरच ठिय्या दिला.

उमेदवारी अर्ज दाखल करण्याची वेळ ३० डिसेंबर रोजी दुपारी तीन वाजेपर्यंत होती. पण, भाजपाचे काही उमेदवारांचे एबी फॉर्म तीननंतर घेऊन आल्याचा आरोप विरोधकांनी केला.