देव तारी त्याला कोण मारी! भारतीय जवान बनला 'देवदूत', तळ्यात पडलेल्या मुलीला दिलं जीवदान
By ऑनलाइन लोकमत | Published: June 18, 2023 01:23 PM2023-06-18T13:23:10+5:302023-06-18T13:23:35+5:30
'देव तारी त्याला कोण मारी' हे नेहमी बोलले जाते, याचाच प्रत्यय आज पंजाबच्या चंदीगड येथे आला.
देव तारी त्याला कोण मारी! भारतीय जवान बनला 'देवदूत', तळ्यात पडलेल्या मुलीला दिलं जीवदान
Next नवी दिल्ली : 'देव तारी त्याला कोण मारी' हे नेहमी बोलले जाते, याचाच प्रत्यय आज पंजाबच्या चंदीगड येथे आला. इथे लष्कराच्या जवानाने कालव्यात बुडणाऱ्या तरुणीचा जीव वाचवला. पंजाबमधील पटियालाजवळील भाक्रा कालव्यात ही घटना घडली. या रेस्क्यू ऑपरेशनचा लाईव्ह व्हिडीओ चंदीगडच्या डिफेन्स पीआरओने शेअर केला आहे. सर्वजण या धाडसी जवानाचे कौतुक करत आहेत.
दरम्यान, चंदीगड डिफेन्स पीआरओच्या हवाल्याने एएनआय या वृत्तसंस्थेने सांगितले की, पंजाबमधील पटियाला येथील भाक्रा कालव्यात एका किशोरवयीन मुलीने उडी मारली, ती कालव्यात बुडू लागली. अशातच या मुलीकडे लष्करातील जवानाचे लक्ष गेले. मग तिथे उपस्थित असलेले भारतीय लष्कराचे जवान डीएन कृष्णन यांनी जीव धोक्यात घालून बुडणाऱ्या मुलीला वाचवले.
घटनेचा व्हिडीओ
#WATCH | Indian Army soldier, Sepoy DN Krishnan jumped into the ferocious Bhakra Canal near Patiala, Punjab & rescued a drowning teenage girl who had fallen in the canal: PRO Defence Chandigarh
— ANI (@ANI) June 18, 2023
(Video source: PRO Defence Chandigarh) pic.twitter.com/eJWZPSDbrm
व्हिडीओमध्ये पाहायला मिळते की, भारतीय जवान कालव्यात बुडत असलेल्या तरूणीला काठापर्यंत आणतो आणि उपस्थित लोक तिला बाहेर काढतात. या धाडसी जवानाचे सर्वत्र कौतुक होत असून त्याला नेटकरी सलाम ठोकत आहेत.