Samruddhi Mahamarg: समृद्धी महामार्गावर बुलढाणा, जालन्यात ९ दिवसांचा ब्लॉक; कोणत्या दिवशी कुठला रस्ता बंद? 

Samruddhi Mahamarg Block: हिंदुहृदयसम्राट बाळासाहेब ठाकरे महाराष्ट्र समृद्धी महामार्गावर ‘हायवे ट्रॅफिक मॅनेजमेंट सिस्टम’अंतर्गत गॅन्ट्री उभारण्याचे काम हाती घेण्यात आल्याने बुलढाणा, जालन्यात ९ दिवसांचा ब्लॉक असणार आहे.

लोकमत न्यूज नेटवर्क
मुंबई: हिंदुहृदयसम्राट बाळासाहेब ठाकरे महाराष्ट्रसमृद्धी महामार्गावर ‘हायवे ट्रॅफिक मॅनेजमेंट सिस्टम’अंतर्गत गॅन्ट्री उभारण्याचे काम हाती घेण्यात आले आहे. बुलढाणा जिल्ह्यातील लोणार, सिंदखेडराजा व देऊळगावराजा, तसेच जालना तालुक्यात या गॅन्ट्री उभारल्या जाणार आहेत. या कामासाठी ९ ते १८ फेब्रुवारी या कालावधीत २१ टप्प्यांत वाहतूक ब्लॉक घेतले जाणार आहेत. ब्लॉकच्या कालावधीत महामार्गावरील संबंधित वाहिनीवरील वाहतूक पूर्णतः थांबविली जाणार आहे.

एमएसआरडीसीमार्फत हे काम किमी ३०० ते किमी ३६५ (नागपूरपासूनचे अंतर) दरम्यान केले जाणार आहे. यात प्रत्येक टप्प्यादरम्यान वाहतूक ४५ ते ६० मिनिटांसाठी बंद असेल. काम पूर्ण होताच वाहतूक पुन्हा पूर्ववत करण्यात येईल, असे एमएसआरडीसीच्या अधिकाऱ्यांनी सांगितले. 

गॅन्ट्री उभारणी कामाचे वेळापत्रक

तारीख	साखळी क्र. (कि.मी)	वाहिनी (बाजू)	वेळ
९ फेब्रुवारी	३००	मुंबई	दु. १२ ते दु. १
९ फेब्रुवारी	३०० व ३०५	नागपूर	दु. ३ ते दु. ४
१० फेब्रुवारी	३०५ व ३०८	मुंबई	दु. १२ ते दु. १
१० फेब्रुवारी	३०८	नागपूर	दु. ३ ते दु. ४
११ फेब्रुवारी	३१४ व ३१८	मुंबई	दु. १२ ते दु. १
१२ फेब्रुवारी	३१८ व ३१९	नागपूर	दु. ३ ते दु. ४
१३ फेब्रुवारी	३२५	दोन्ही	मुंबई (दु. १२-१) व नागपूर (दु. ३-४)
१४ फेब्रुवारी	३३८	मुंबई	दु. १२ ते दु. १
१६ फेब्रुवारी	३३९	दोन्ही	मुंबई (दु. १२-१) व नागपूर (दु. ३-४)
१७ फेब्रुवारी	३५० व ३५९	मुंबई	दु. १२ ते दु. १
१७ फेब्रुवारी	३५०	नागपूर	दु. ३ ते दु. ४
१८ फेब्रुवारी	३५९ व ३६५	मुंबई	दु. ३ ते दु. ४
१८ फेब्रुवारी	३६५	नागपूर	दु. १२ ते दु. १