Bollywood & Marathi Movie Reviews | Expert Reviews & Box Office Collection of New Marathi Films | लेटेस्ट बॉलीवूड व मराठी सिनेमांचा आढावा । Lokmat.com

>>ऋचा वझेराजमाता जिजाऊ आणि छत्रपती शिवाजी महाराज यांनी 'स्वराज्य' हे स्वप्न पाहिलं. रयतेच्या कल्याणासाठी आणि लेकीबाळींच्या सुरक्षेसाठी मुघलांच्या जाचातून सुटका होणं गरजेचंच होतं. स्वप्नपूर्तीच्या या प्रवासात राजांना अनेक सवंगड्यांची मोलाची साथ मिळाली. त्यापैकीच एक नरवीर तानाजी मालुसरे. शिवराय अष्टकातील पाचवे पुष्प 'सुभेदार' (Subhedar) हा दिग्पाल लांजेकर (Digpal Lanjekar) लिखित, दिग्दर्शित सिनेमा २५ ऑगस्टला प्रदर्शित होत आहे. कथानकछत्रपती शिवाजी महाराज यांची शौर्यगाथा सांगताना नरवीर तानाजी मालुसरेंशिवाय कथा पूर्ण होऊच शकत नाही. शिवबांना तानाजी मालुसरे नक्की भेटले कसे इथपासून कहाणी सुरू होते. तानाजी मालुसरेंचे मामा 'शेलार मामा' हे भाच्याची शिवबांशी भेट घडवून आणतात. धिप्पाड अस्वलाशी दोन हात करणाऱ्या तानाजींना पाहून शिवबा प्रभावित होतात. महाराजांचा विश्वास संपादन केल्यानंतर तानाजींना 'सुभेदार' हे पद मिळतं. तर दुसरीकडे कोंढाणा किल्ल्यावर मुघलांचं राज्य असल्याचं पाहून राजमाता जिजाऊ अस्वस्थ होतात. एक महिन्याच्या आत कोंढाणा किल्ला जिंकणार असं शिवाजी महाराज जिजाऊंना वचन देतात. यासाठी तानाजी मालुसरे यांना रायगडावर येण्याचा निरोप धाडला जातो. मात्र, तेव्हा कळतं की तानाजींच्या मुलाचं - रायबाचं लग्न आहे. अशावेळी तानाजींवर ही जबाबदारी देणं शिवबांना योग्य वाटत नाही आणि ते स्वत: मोहिमेवर जायचं ठरवतात. मात्र, हे तानाजींना समजताच ते महाराजांना 'कोंढाण्याचं पान म्याच उचलणार असं आश्वासन देतात. 'आधी लगीन कोंढाण्याचं मंग रायबाचं'. तिकडे उदयभान १५०० सैनिक, १५५ तोफा, १५०० तलवारी घेऊन सज्ज असतो तर इकडे तानाजी केवळ ५०० मावळे हवेत असं सांगून योजना आखतात. अखेर तो क्षण येतो. सुभेदार तानाजी मालुसरे यांच्या नेतृत्वाखाली सूर्याजी, बहिर्जी नाईक, शेलार मामा ५०० मावळ्यांना घेऊन मोहिमेला निघतात. घोरपडे बंधूंच्या मदतीने मागच्या बाजूने किल्ला सर केला जातो आणि दुश्मनांवर आक्रमण केलं जातं. तानाजी आणि उदयभान शेवटी समोरासमोर येतात. तेव्हा शिवबांना दिलेला शब्द पाळण्यासाठी त्यांची असलेली जिद्द आणि पराक्रम बघण्यासारखाच आहे.लेखन-दिग्दर्शनइतिहास मांडत असताना तो फक्त भव्यदिव्य न दाखवता प्रेक्षकांच्या काळजालाही भिडला पाहिजे, याची काळजी दिग्दर्शकाने घेतली आहे. सिनेमाचा पूर्वार्ध कथेच्या संकलनाच्या दृष्टीने काहीसा कंटाळवाणा वाटतो. मात्र उत्तरार्धात ती सर्व कसर भरून निघते. मध्यंतरानंतरचा भाग प्रेक्षकांचं लक्ष जराही विचलित होऊ देत नाही आणि अखेरपर्यंत खिळवून ठेवण्यात यशस्वी होतो. सिनेमॅटोग्राफीत दिग्पालने पहिल्यांदाच 'पारकोर' या खेळाच्या प्रकाराचा प्रयत्न केला आहे जो यशस्वी झालाय. बहिर्जी नाईक आणि उदयभान यांच्यात झालेल्या झटापटीवरुन ते लक्षात येईल. संवादफेक याहून धारदार करता आली असती, मात्र कलाकारांच्या उत्कृष्ट अभिनयामुळे त्याकडे दुर्लक्ष करणे शक्य होते. 'आले मराठे... ' हे दिग्पालनेच लिहिलेलं गाणं चांगलं झालं आहे. दिग्दर्शनाच्या दृष्टीने हिंदीत आलेल्या 'तानाजी' सिनेमापेक्षा 'सुभेदार' नक्कीच आपलं वेगळेपण दाखवतो.अभिनयकलाकारांचा अभिनय सिनेमाची जमेची बाजू आहे. राजमाता जिजाऊंच्या भूमिकेत अभिनेत्री मृणाल कुलकर्णीने अतिशय कणखर भूमिका साकारली आहे. चिन्मय मांडलेकरने छत्रपतींचा अगदी साधा, सरळ अभिनय करत कुठेही मोठेपणाचा आव आणलेला नाही. उदयभानाचा वध करणाऱ्या तानाजी मालुसरेंची ताकद ती काय असेल हे अजय पुरकरने विलक्षणरित्या दाखवून दिलंय. यासाठी त्याने शरीरयष्टीवर घेतलेली मेहनत स्पष्ट दिसते. तर समीर धर्माधिकारीने शेलार मामाची भूमिका उत्तम निभावली आहे. तानाजींच्या पत्नीची सावित्रीची भूमिका साकारणारी अभिनेत्री स्मिता शेवाळे प्रत्येक सीनमध्ये उठून दिसली आहे. याशिवाय आस्ताद काळे आणि मृण्मयी देशपांडे यांचा अभिनयही कौतुकास्पद आहे. अभिनेत्री अलका कुबल यांचीही या सिनेमातून शिवराय अष्टकाच्या सीरिजमध्ये एंट्री झाली आहे. दिग्पाल लांजेकरने स्वत: बहिर्जी नाईक साकारले आहेत. दिग्दर्शनासोबतच त्यांचा अभिनयही वाखणण्याजोगा आहे.सकारात्मक बाजू : अभिनय, सिनेमॅटोग्राफी, गाणी नकारात्मक बाजू : पूर्वार्धात सिनेमाची हळूवार गती थोडक्यात : शिवराय अष्टकातील 'सुभेदार' हे पाचवा सिनेमा मोठ्या पडद्यावर नक्कीच बघण्यासारखा आहे. उत्तरार्धात क्षणोक्षणी डोळे पाणावतात. दिग्पालने पुन्हा एकदा त्याच्या नजरेतून आणखी एका योद्ध्याची कथा उत्तमरित्या दाखवली आहे.

रणवीर सिंगचा 'धुरंधर'

सन ऑफ सरदार २

'येरे येरे पैसा ३'

चला हवा येऊ द्या

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

फिल्मी :Loveyapa Movie Review: एकमेकांच्या अंतरंगात डोकावणारी युथफूल लव्हस्टोरी, जुनैद-खुशीची फ्रेश जोडी

फिल्मी :दूर गेलेल्या बाबाच्या परीची हृदयद्रावक गोष्ट, कसा आहे 'मुक्काम पोस्ट देवाचं घर'? वाचा रिव्ह्यू

बालकलाकार मायरा वायकुळची भूमिका असलेला मुक्काम पोस्ट देवाचं घर सिनेमा कसा आहे? जाणून घ्या (mukkam post devach ghar) ...

फिल्मी :शाहिद कपूरचा 'देवा' पाहून 'कबीर सिंग' विसराल, कसा आहे सिनेमा? वाचा रिव्ह्यू

शाहिद कपूरचा बहुप्रतिक्षित 'देवा' सिनेमा रिलीज झाला आहे. ...

फिल्मी :प्रेमाच्या 'साक्षीदारां'ची गुलाबी लव्हस्टोरी, कसा आहे 'इलू इलू १९९८' सिनेमा वाचा Review

फिल्मी :Fussclass Dabhade Movie Review: 'दाभाडे' कुटुंबाची कहाणी लय भारी की कंटाळवाणी? कसा आहे 'फसक्लास दाभाडे' सिनेमा, जाणून घ्या

हेमंत ढोमे दिग्दर्शित 'फसक्लास दाभाडे' सिनेमाचा थिएटरमध्ये पाहण्याआधी वाचा हा रिव्ह्यू (fussclass dabhade) ...

फिल्मी :युद्धाच्या पलीकडली शौर्यगाथा! कसा आहे अक्षय कुमारचा 'स्काय फोर्स' सिनेमा? वाचा रिव्ह्यू

अक्षय कुमार-वीर पहारिया यांचा 'स्काय फोर्स' सिनेमा कसा आहे? थिएटरमध्ये जाण्याआधी घ्या जाणून ...

फिल्मी :Emergency Movie Review: कंगनाचा दमदार परफॉर्मन्स, पण सिनेमात 'इमर्जन्सी'चाच अभाव!

सिनेमाचं नाव 'इमर्जन्सी' पण सिनेमात आहे तरी काय? वाचा सविस्तर ...

फिल्मी :तिहार...कैद्यांच्या भावनांचा 'तुरुंग' समजून घेताना...'ओटीटी'वर गाजत असलेली 'ब्लॅक वॉरंट' का पाहावी?

सध्या नेटफ्लिक्सवर रिलीज झालेली 'ब्लॅक वॉरंट' वेबसीरिज एवढी का गाजतेय? जाणून घ्या (black warrant) ...

फिल्मी :Fateh Movie Review: सायबर गुन्हेगारीचा पर्दाफाश करणारा सोनूचा अ‍ॅक्शन थ्रिलर

फिल्मी :संगीत मानापमान Review: अजरामर नाटकाचा सिनेमा झाला खरा, पण...

'संगीत मानापमान' सिनेमा थिएटरमध्ये पाहायचा विचार करताय. त्याआधी वाचा हा Review (sangeet manapmaan) ...