Latest Entertainment News | Bollywood and Hollywood News in Marathi | Marathi Movies and Celebrities | बॉलीवुड & मराठी चित्रपट

राज चिंचणकरसंजय मोने, अविनाश नारकर, शरद पोंक्षे, उदय टिकेकर, विद्याधर जोशी असे अनुभवी व सिनिअर कलावंत; तसेच अमृता खानविलकर, अनिकेत विश्वासराव, हेमंत ढोमे, सिद्धार्थ चांदेकर, पूजा सावंत, रसिका सुनील, अक्षय वाघमारे आदी युवा कलावंत यांची तगडी टीम एकाच चित्रपटात आहे म्हटल्यावर जे काही उत्साहवर्धक चित्र डोळ्यांसमोर येईल त्याला 'बस स्टॉप' हा चित्रपट अपवाद ठरला आहे. इतके नावाजलेले कलाकार एखाद्या कथेचा भाग आहेत म्हणजे ती कथा भन्नाट असणारच; हा अंदाज यात चुकला आहे. त्यामुळे या चित्रपटाची बस चुकीच्या स्टॉपवर येऊन थांबल्याचे चित्र दिसून येते. चित्रपटाची कथा म्हणजे तुकड्यातुकड्यांत घडणारे प्रसंग आणि त्यांची मांडणी असे रसायन आहे. नाही म्हणायला, यात प्रेमवीरांच्या जोड्या आहेत, त्यांच्या प्रेमाला घरून होणारा आणि नेहमीचा ठरलेला विरोध आहे; म्हणजे ही कथा तशी ओळखीची आहे. पण तरीही तिची छाप पडत नाही. आघाडीच्या कलावंतांची मोट एकत्र बांधल्यावर तो चित्रपट उत्तमच होणार, हा अति-आत्मविश्वास या चित्रपटाला नडला आहे. मूळ कथेत नसलेला दम आणि त्याची भरकटलेली मांडणी या चित्रपटात आढळून येते. यापूर्वी काही चांगले चित्रपट देणाऱ्या समीर हेमंत जोशी यांनी हा चित्रपट केला आहे, यावर सहज विश्वास बसणे कठीण आहे. कथा, पटकथा, संवाद आणि दिग्दर्शन अशी या चित्रपटाची चौफेर जबाबदारी त्यांनी पेलली आहे; परंतु त्यांची ही मेहनत पडद्यावर वाया गेल्याचे स्पष्ट दिसते. विनोदाच्या नावाखाली वाट्टेल तसा घालण्यात आलेला धिंगाणा म्हणजे हा 'बस स्टॉप' आहे. सिद्धार्थ चांदेकर, पूजा सावंत, विद्याधर जोशी, अविनाश नारकर यांनी या चित्रपटात जान आणण्याचा थोडाफार प्रयत्न केला आहे. परंतु एकूणच या कलावंतांचे 'श्रम' सत्कारणी लागलेले नाहीत. हेमंत ढोमे याने मागच्या पानावरुन पुढे चालू, अशी त्याची अभिनयाची प्रॅक्टिस यातही सुरु ठेवली आहे. यातले नावाजलेले 'युवा' कलावंत कोणत्याही अँगलने कॉलेजमध्ये शिकणारे तरुण विद्यार्थी वाटत नाहीत. संजय मोने, उदय टिकेकर, शरद पोंक्षे यांची झालेली केविलवाणी अवस्था यात नाईलाजाने पाहावी लागते. काय पाहून या मंडळींनी हा चित्रपट स्वीकारला असावा, याचे कोडेही काही केल्या उलगडत नाही. फार काही अपेक्षाच नसतील तर एकवेळ सोडून देता येते; परंतु मराठी चित्रपटसृष्टीतली कलावंतांची उत्तम टीम असूनही या चित्रपटातून निष्पन्न काही होत नसल्याने होणारे अपेक्षाभंगाचे मोठे दुःख मात्र जिव्हारी लागणारे आहे.

प्रिया-उमेशच्या 'बिन लग्नाची गोष्ट'

बिग बॉस १९

दिलीप प्रभावळकरांचा 'दशावतार'

'बॅड्स ऑफ बॉलिवूड' वेबसीरिज

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

बॉलीवुड :कॅटरिना कैफने म्हटले, रणबीर कपूर आणि माझ्यात नेहमीच वाद व्हायचे!!

बॉलीवुड :शाहरूख खानने दिले संकेत; सलमान खानसोबत २०२० मध्ये करणार चित्रपट!

एकेकाळचे जाणी दुश्मन अन् आता झालेले जीवलग मित्र शाहरूख खान आणि सलमान खान यांनी पुन्हा एकदा एकत्र झळकावे अशी ... ...

बॉलीवुड :तब्बूला पुणेकरांच्या रोषाचा करावा लागला सामना; शूटिंग पाडले बंद!

बॉलीवुड :आपल्या फिल्मी करिअरविषयी ‘ही’ गोष्ट ऐकताच चकीत झाली श्रीदेवी!!

बॉलीवुड :आर्यनने शाहरूख खानचे पूर्ण केले हे स्वप्न?

मराठी सिनेमा :म्हणून ‘हृदयांतर’ चित्रपटाचा ‘मेलबर्न फिल्म फेस्टिव्हलमध्ये होणार प्रीमिअर!

मराठी सिनेमा :कंडिशन्स अप्लाय –अटी लागू

फिल्मी :काय रे रास्कला

मराठी सिनेमा :मला काहीच प्रॉब्लेम नाही

फिल्मी :Bus Stop Marathi Movie:अपेक्षाभंगाचे दुःख मोठे...!