Latest Entertainment News | Bollywood and Hollywood News in Marathi | Marathi Movies and Celebrities | बॉलीवुड & मराठी चित्रपट

कलाकार : चियान विक्रम, कार्ती, जयम रवी, ऐश्वर्या रॉय बच्चन, तृषा कृष्णन, शोभिता धूलिपाला, प्रकाश राज.दिग्दर्शक : मणिरत्नमश्रेणी: ॲक्शन, ड्रामावेळ : २ तास ४७ मिनिटेस्टार्स : तीन स्टारचित्रपट परीक्षण : अबोली शेलदरकरबहुचर्चित चित्रपट 'पोन्नियिन सेल्वन' आज चित्रपटगृहांमध्ये रिलीज झाला आणि तमिळ, हिंदी प्रेक्षकांच्या आशा पल्लवित झाल्या. या चित्रपटाची प्रेक्षक खूप दिवसांपासून वाट पाहत होते. तगडी स्टारकास्ट, बिग बजेट, संगीत, दिग्दर्शन या सगळ्याच बाबी चित्रपटाच्या बाबतीत जुळून आल्या आहेत. हा चित्रपट महाप्रतापी चोल राजा अरूलमोरीवर्मन यांच्या जीवनकार्यावर आधारित आहे. ज्यांनी राजेंद्र प्रथम यांच्या नावाने चोल साम्राज्यावर राज्य केले. या चित्रपटाच्या निर्मितीसाठी तब्बल ५०० रुपयांचे बजेट लागले. १९५५मध्ये कल्कि कृष्णमूर्ती यांनी लिहिलेल्या उपन्यास 'पोन्नियिन सेल्वन'वर आधारित आहे. एम. जी. रामचंद्रन यांनी ५०च्या दशकात या विषयावर चित्रपट काढण्याचा प्रयत्न केला. मात्र, तो फसला. स्वत: मणिरत्नम यांनी दोनदा ही महागाथा पडद्यावर आणण्याचा प्रयत्न केला. पण, तेदेखील अपयशी ठरले. अखेर त्यांनी २०१९मध्ये या चित्रपटावर काम करायला सुरूवात केली. ‘पोन्नियिन सेल्वन’ या शीर्षकाचा अर्थ पोन्नी (कावेरी) चा मुलगा असा होतो.कथानक : एक हजार वर्षांपूर्वी चोल साम्राज्यावर दिसलेल्या धुमकेतूमुळे पंडितांनी काहीतरी अघटित घडणार आहे, अशी भविष्यवाणी केली. त्यामुळे काळजीवाहू असलेले चोल सम्राट सुंदर चोल (प्रकाशराज) हे अस्वस्थ असतात. त्यांचा मोठा मुलगा आदित्य करिकलन (चियन विक्रम) हा राष्ट्रकुटांसोबत लढाई करत असतो. त्याचवेळी लहान मुलगा अरूलमोरीवर्मन (जयम रवी) हा सिंहल द्वीप म्हणजेच श्रीलंकेसोबत युद्ध करत असताे. आदित्यची जुनी प्रेयसी नंदिनी (ऐश्वर्या रॉय बच्चन) आता चोल सेनापती पर्वतेश्वरची पत्नी बनून साम्राज्याच्या मुळांना धक्का देण्याचा प्रयत्न करत असते. तेव्हा राजाची मुलगी राजकुमारी कुंधवई (त्रिशा कृष्नन) आपल्या वडिलांच्यासोबत राज्यातील षडयंत्राचा सामना करण्यात व्यस्त आहे. आदित्यचा मित्र वंध्यवन (कार्थी) हा देखील साम्राज्याला वाचवण्यासाठी कटिबद्ध आहे. या सगळयात आता कोण यशस्वी होणार? हे जाणून घेण्यासाठी तुम्हाला चित्रपटगृहात जाऊन चित्रपट बघावाच लागेल.लेखन व दिग्दर्शन : मणिरत्नम यांनी जेव्हा 'पोन्नियिन सेल्वन' चित्रपट बनवला, तेव्हा याला तमिळ चित्रपटाकडून तेलुगू सुपरहिट चित्रपट ‘बाहुबली’साठी उत्तर मानले गेले. मात्र, या चित्रपटाची तुलना ‘बाहुबली’ चित्रपटासोबत करणे योग्य होणार नाही. कारण 'पोन्नियिन सेल्वन' हा चित्रपट सत्य घटनेवर आधारित असून ‘बाहुबली’ चित्रपट काल्पनिक कथा आहे. हिंदी व्हर्जनमधील चित्रपटाची सुरूवात बॅकग्राऊंडला अजय देवगणच्या दमदार आवाजाने होते. त्यानंतर चित्रपट मंद गतीने पुढे सरकतो. चित्रपट राजघराण्यातील अंतर्गत कटकारस्थानातून बाहेर पडत नाही की, मध्यांतर होते. मध्यांतरानंतर सिंहल द्वीप अर्थात श्रीलंकेवर चोल साम्राज्य अतिभव्य अंदाजात सैन्य नेतानाचे दृश्य दाखवण्यात येतात. मात्र, ती लढाई देखील काही विशेष नसते. पण, मध्यांतरातील समुद्रावर चित्रीत केलेला वॉर सीक्वेंस नक्कीच प्रेक्षकांना भावतो, यात काही शंका नाही. दिग्दर्शक मणिरत्नम यांनी या महाकथेला भव्यदिव्य प्रकारात चित्रीत केले आहे. परंतु, चित्रपटाची गती प्रचंड मंद असल्याने चित्रपट पाहताना तो रोमांच फारसा अनुभवता येत नाही. चित्रपट एकदम धमाकेदार असणार असे गृहित धरून प्रेक्षक येतात आणि काही प्रमाणात प्रेक्षकांची निराशा होते.अभिनय : कलाकारांच्या बाबतीत पाहिले तर, यात कीर्तीने यात सुंदर काम केले आहे. सुरूवातीपासून ते शेवटपर्यंत तिच्या अभिनयातील सर्व रंग पाहायला मिळतात. तसेच जयम रवि यांची एंट्री उत्तरार्धात होते, तरीही तो प्रचंड प्रभावी ॲक्टींग करतो. चियान विक्रमला पहिल्या भागात जास्त काही संधी मिळाली नाही. ऐश्वर्या नेहमीप्रमाणेच आकर्षक दिसते. तृष्णा कृष्णन हिने एकदम चतुरपणे राजकुमारीचे काम केले आहे. चित्रपटाचे संगीत ए.आर.रहमान यांचे असून रविवर्मन यांनी सिनेमॅटाग्राफी मध्ये कमाल केली आहे.सकारात्मक : तुम्ही जर चोल साम्राज्याची महागाथा भव्य स्वरूपात पाहू इच्छिता तर तुम्ही वीकेंडला चित्रपटगृहात जाऊ शकता.नकारात्मक : तुम्ही जर काही खुप भव्य आणि धमाकेदार बघण्याचे डोक्यात ठेऊन जाल, तर तुमची निराशा होऊ शकते.थोडक्यात : तगडी स्टारकास्ट, उत्कृष्ट दिग्दर्शन, संगीत, सिनेमॅटोग्राफी हे सर्व बघता वीकेंडला चित्रपट नक्कीच बघू शकता.

कांतारा चाप्टर १

बिग बॉस १९

दिलीप प्रभावळकरांचा 'दशावतार'

'बॅड्स ऑफ बॉलिवूड' वेबसीरिज

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

बॉलीवुड :Salman Khanच्या बॉडी डबलचा मृत्यू, जिममध्ये वर्क आउटदरम्यान आला हार्ट अटॅक

Salman khan Body Double : सलमान खानचा डुप्लिकेट म्हणून प्रसिद्ध असलेल्या सागर 'सलमान' पांडे यांचे निधन झाले आहे. ...

फिल्मी :Exclusive : #MeTime With Mira Jagannath | 啶啶班ぞ啶ㄠ 啶膏ぞ啶傕啶苦い啶侧 Bigg Boss Marathi啶氞啶ぞ contestants啶氞 啶ㄠぞ啶掂?

मराठी सिनेमा :Rada: साउथ टच असलेल्या ‘राडा’सिनेमाला मिळतेय प्रेक्षकांची पसंती

सामान्यांपासून सेलिब्रिटींपर्यंत चर्चेत असलेला 'राडा' (raada) चित्रपट अलीकडेच प्रेक्षकांच्या भेटीला आला आहे. ...

बॉलीवुड :National Film Awards: अजय देवगणला सर्वोत्कृष्ट अभिनेत्याचा पुरस्कार प्रदान

हॉलीवुड :Games of Thrones Sequel: जे बात! ‘जॉन स्नो’ परत येतोय... बस थोडा सा इंतजार...!!

Games of Thrones Sequel : ‘गेम्स ऑफ थ्रोन्स’च्या चाहत्यांसाठी आनंदाची बातमी आहे. होय, जॉन स्नो पुन्हा एकदा परततोय. ...

बॉलीवुड :Lokmat Most Stylish Awards 2022 : तारे-तारकांचा झगमगाट! 'लोकमत मोस्ट स्टायलिश अवॉर्ड्स २०२२' पुरस्काराचे हे आहेत मानकरी

बॉलीवुड :ज्येष्ठ अभिनेत्री आशा पारेख यांना दादासाहेब फाळके पुरस्कार प्रदान

आशा पारेख यांना राष्ट्रपती द्रौपदी मुर्मू यांच्या हस्ते पुरस्कार प्रदान ...

टेलीविजन :मध्यरात्री 2 वाजता प्रार्थना बेहरेचं चाललंय तरी काय? नवऱ्यासोबतचा रोमॅन्टिक व्हिडीओ व्हायरल

मराठी सिनेमा :प्रभास आणि क्रिती सनॉनच्या 'आदिपुरुष'मध्ये झळकणार 'देवमाणूस' फेम ही अभिनेत्री

बॉलीवुड :पास की फेल? कसा आहे ऐश्वर्या रॉय बच्चन 'पोन्नियिन सेल्वन’? सिनेमा पाहण्यापूर्वी वाचा हा रिव्ह्यू

Ponniyin Selvan Movie Review : जाणून घ्या कसा आहे ऐश्वर्या रॉय बच्चनचा 'पोन्नियिन सेल्वन’ चित्रपट ...