Bollywood News & Gossip in Marathi | Latest Entertainment News | हिंदी फिल्म | Bollywood Actress, Actors, Parties & Events | Hindi Movie Reviews

90 व 80 च्या दशकात हॉट, ग्लॅमरस, बोल्ड परवीन बाबीने (Parveen Babi ) सिनेप्रेमींना अक्षरश: वेड लावले होते. 4 एप्रिल 1949 रोजी गुजरातच्या जुनागढ येथे जन्मलेली परवीन राजघराण्याशी संबंधित होती. आज ती आपल्यात नाही. पण तिचे अजरामर सिनेमे नेहमी तिची आठवण देत राहतील. (Parveen Babi Birthday) परवीन बाबी तिच्या माता-पित्यांची एकुलती एक मुलगी होती. पण लहान वयात परवीनच्या डोक्यावरचे पिताछत्र हरवले. पण स्वप्नांचा ध्यास घेतलेल्या परवीनने हार मानली नाही. 23 वर्षांच्या वयात परवीन मॉडेलिंगमध्ये आली. मॉडेलिंग करत असतानाच अहमदाबाद युनिव्हर्सिटीत परवीन शिकत होती. याचदरम्यान प्रसिद्ध निर्माता व दिग्दर्शक बी. आर. इशारा यांची नजर तिच्यावर पडली. त्यावेळी परवीनने मिनी स्कर्ट घातलेला होता व तिच्या हातात सिगारेट होती. इशारा यांना परवीनचा तोच अंदाज भावला आणि त्यांनी तिला आपल्या चित्रपटासाठी साईन केले. 1973 मध्ये आलेल्या ‘चरित्रम’ या चित्रपटाद्वारे परवीनने बॉलिवूड दुनियेत पाऊल ठेवले. यानंतर दीवार , नमक हलाल , अमर अकबर अँथोनी , शानयासारख्या एकापेक्षा एक हिट चित्रपटांनी परवीनला प्रसिद्धीच्या शिखरावर नेऊन पोहोचवले. परवीनचा पहिला चित्रपट दणकून आपटला. पण परवीनने कधीच मागे वळून पाहिले नाही. तिच्या वेस्टर्न लूकचे सगळेच दिवाने झालेत. याच काळात डॅनी परवीनच्या आयुष्यात आला. पण हे नाते फार काळ चालले नाही. अमिताभ बच्चनसोबत तिची जोडी हिट झाली. अमिताभसोबत परवीनने आठ चित्रपटांत काम केले. हे सर्व चित्रपट हिट ठरले.बॉलिवूडमध्ये यशाची दहा वर्षे पूर्ण होत नाही तोच 1983 मध्ये परवीन अचानक गायब झाली. काहींच्या मते, या काळात ती आध्यात्मिक शांतीच्या शोधात दूर निघून गेली होती. 1989 मध्ये परवीन पुन्हा परतली. पण तोपर्यंत ती इतकी बदलली होती की, लोक तिला ओळखूही शकत नव्हते.मीडियानुसार, परवीन मानसिक आजाराने ग्रस्त होती. अमिताभ बच्चनने माझ्या हत्येचा प्रयत्न केल्याचा आरोप करून परवीनने अचानक खळबळ उडवून दिली होती. अखेरच्या काळात परवीनने धर्म बदलला होता, असेही म्हटले जाते. मुस्लिम धर्म त्यागून तिने ख्रिश्चन धर्म स्वीकारल्याचे बोलले जाते.परवीनने लग्न केले नाहीत. पण तिची अनेक अफेअर गाजलीत. परवीनला तिनदा प्रेम झाले. महेश भट्ट, अभिनेता कबीर बेदी आणि डॅनी डेंजोंग्पा हे परवीनच्या आयुष्यात आलेले चर्चित पुरूष. अमिताभसोबतही तिचे नाव जोडले गेले. महेश भट्टसोबतचा तिचा लव्ह सीन बरीच वर्षे चालला. महेश भट्ट यांनी त्यांच्या व परवीनच्या आयुष्यावर आधारित ‘लम्हें’ हा चित्रपटही काढला.आयुष्यभर एकाकीपण भोगलेल्या परवीनचा शेवट अतिशय दुर्दैवी झाला. 20 जानेवारी 2005 रोजी मुंबईच्या जुहूस्थित घरात तिचा कुजलेला मृतदेह आढळून आला. फ्लॅटबाहेर पडलेली दुधाची पाकिटे आणि वृत्तपत्रांचा ढीग बघून शेजा-यांनी पोलिसांना सूचना दिली. पोलिस दार तोडून आत गेले असता परवीनचा कुजलेला मृतदेह त्यांना सापडला. परवीन डायबेटिज आणि पायाच्या गँगरिनने पीडित होती. यामुळे तिच्या शरिरातील अनेक अवयवांनी काम करणे बंद केले आणि एका बंद खोलीत परवीनने अखेरचा श्वास घेतला.

प्रिया-उमेशच्या 'बिन लग्नाची गोष्ट'

बिग बॉस १९

दिलीप प्रभावळकरांचा 'दशावतार'

'बागी ४' चर्चेत

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

बॉलीवुड :Akshay Kumar: 'राम सेतू'च्या सेटवर कोरोनाचा उद्रेक! अक्षय कुमारपाठोपाठ तब्बल ४५ सहकलाकारांना कोरोनाची लागण

बॉलीवुड :मलायका अरोराने अरबाज खानला लग्नासाठी केले होते प्रपोज, कपिल शर्माच्या शोमध्ये केला होता खुलासा

बॉलीवुड :Akshay Kumar नंतर अभिनेता Govinda कोरोना पॉझीटीव्ह, झाला होम क्वॉरंटाईन

बॉलीवुड :'अनुष्का के पास विराट खोली है', Amitabh Bachchan यांच्या विनोदी पोस्टवर चाहते हसून हसून होतायेत लोटपोट

बॉलीवुड :Breaking! ज्येष्ठ अभिनेत्री शशिकला यांचे निधन, राहत्या घरी घेतला अखेरचा श्वास

बॉलीवुड :'तो आंब्यांचा व्हिडीओ कोणी शूट केला रे, फराह खानने फोटोग्राफर्सची घेतली शाळा

बॉलीवुड :वाढदिवसाचे सेलिब्रेशन करायला गेला आणि Ajay Devgn ट्रोल झाला, फोटो पाहून नेटीझन्सची सटकली

बॉलीवुड :Akshay Kumar : अभिनेता अक्षय कुमारला कोरोनाची लागण; झाला होम क्वारंटाईन

संपर्कात आलेल्यांनी कोरोनाची चाचणी करून घेण्याचं केलं आवाहन ...

बॉलीवुड :ऐश्वर्य पायाशी लोळत असताना अचानक गायब झाली होती परवीन बाबी, परतली तेव्हा...