Maharashtra Vidhan Sabha Election 2024 | Maharashtra Assembly Election 2024 | Assembly Election 2024 Live Updates | Maharashtra Vidhan Sabha, Assembly Election 2024 Result | महाराष्ट्र विधानसभा निवडणूक 2024

मुंबई : विधानसभा निवडणुकीत सायंकाळी सहानंतर तब्बल ७५ लाख मतदान झाले. या वाढीव मतदानाबाबत केंद्र व राज्य निवडणूक आयोगाने आतापर्यंत खुलासा केलेला नाही. तपशील देण्यास दोन्ही आयोग अपयशी ठरल्यास निवडणूक रद्द करावी, अशी मागणी करणाऱ्या याचिकेवर दोन आठवड्यांत उत्तर देण्याचे निर्देश उच्च न्यायालयाने सोमवारी केंद्रीय निवडणूक आयोग आणि मुख्य निवडणूक अधिकाऱ्यांना दिले. पुढील सुनावणी दोन आठवड्यांनी होणार आहे.ॲड. प्रकाश आंबेडकर आणि चेतन अहिरे यांनी विधानसभा निवडणुकीत जवळपास ९५ मतदारसंघांमध्ये अनेक तफावती असल्याचे निदर्शनास आणून देत यासंदर्भात केंद्र आणि राज्य निवडणूक आयोगांनी खुलासा करावा, अशी मागणी करणारी याचिका उच्च न्यायालयात दाखल केली आहे. त्यावर न्या. अजय गडकरी व न्या. कमल खाटा यांच्या खंडपीठाने केंद्रीय निवडणूक आयोग व मुख्य निवडणूक अधिकारी यांना नोटीस बजावत दोन आठवड्यांत उत्तर देण्याचे निर्देश दिले.आयोगाला हवी होती अधिक मुदतआयोगाच्या वकिलांनी उत्तर देण्यास जास्त आठवड्यांची मुदत मागितली. मात्र आंबेडकर यांनी हा विषय गंभीर असल्याचे म्हणत आयोगाला दाेन आठवड्यांची मुदत देण्याची विनंती न्यायालयाला केली. न्यायालयाने ती मान्य करत आयोगाला उत्तर देण्यासाठी दोन आठवडे दिले.याचिकाकर्त्यांचे मुद्दे : ९५ मतदारसंघांमध्ये दिलेली मते आणि प्रत्यक्षात मोजण्यात आलेली मते, यांमध्ये तफावत आढळून आली आहे. निवडणूक अधिकारी निवडणूक हँडबुकमध्ये नमूद केलेल्या निकषांचे पालन करण्यात अयशस्वी ठरले. प्रत्येक मतदान केंद्रावर संध्याकाळी ६ नंतर मतदारांना देण्यात आलेल्या टोकनच्या नेमक्या संख्येचा तपशीलवार खुलासा करण्याचे निर्देश द्यावेत.व्हिडीओ रेकॉर्डिंगची मागणीमतदार प्रक्रियेतील पारदर्शकता व जनतेचा विश्वास कायम राहण्यासाठी राज्यातील संपूर्ण मतदान केंद्रांवरील सीसीटीव्ही फुटेज, मतदान मोजताना केलेले व्हिडीओ रेकॉर्डिंग व मतदान प्रक्रियेशी संबंधित सर्व रेकॉर्डस सर्वांसाठी उपलब्ध करावेत, अशी मागणी याचिकेद्वारे करण्यात आली आहे.

Maharashtra Assembly Election 2024 - News

महाराष्ट्र :“निवडणूक आयोग हा भाजपा आयोग, मतांवर टाकलेल्या दरोड्याची चौकशी का करत नाही?”: नाना पटोले

राष्ट्रीय :महाराष्ट्र विधानसभेत 'मॅच फिक्सिंग', राहुल गांधींचा आरोप; भाजपचा पलटवार!

अहिल्यानगर :धक्कादायक! विधानसभा उमेदवारीसाठी काँग्रेसच्या महिला नेत्याकडून उकळले दीड लाख

बालराजे पाटील यांच्याविरोधात कोतवाली पोलिस ठाण्यात बुधवारी गुन्हा दाखल झाला आहे. ...

राष्ट्रीय :दिल्लीत 'त्रिदेव', आता बिहारमध्ये 'मिशन त्रिशूल'; RSS चा अजेंडा ठरला, भाजपाचा फायदा

मुंबई :राज ठाकरेंना भेटायला का गेले देवेंद्र फडणवीस?; ३ शक्यतांनी धरला जोर, अमित ठाकरेंबाबत मोठी चर्चा

राष्ट्रीय :महाराष्ट्रात लोकांपेक्षा मतदार अधिक कसे?; राहुल गांधींचा न्यायालयात जाण्याचा इशारा

लोकसभेतील विरोधी पक्षनेते राहुल गांधी यांनी शुक्रवारी दिल्लीत एका पत्रकार परिषदेत उपस्थित केले. ...

राष्ट्रीय :सखोल अभ्यास केला, महाराष्ट्राच्या निवडणुकीत गडबड झालीय; राहुल गांधी-सुळे-राऊतांचा आरोप

महाराष्ट्र :'६ नंतर झालेल्या मतदानावर दोन आठवड्यात उत्तर द्या', हायकोर्टाचे निवडणूक आयोगाला आदेश