Punjab Lok Sabha Election 2024 | Punjab Lok Sabha Election Result 2024 Live Updates | Punjab Lok Sabha Election Winner List पंजाब लोकसभा निवडणूक निकाल २०२४, ताज्या मराठी बातम्या |Punjab Lok Sabha Election Result - Latest Marathi News |Punjab Winner Candidates Names

चंडीगड - पंजाबमधील फरीदकोट लोकसभा मतदारसंघात सुफी गायक विरुद्ध पंजाबी अभिनेता, असा सामना रंगणार आहे. भाजपने प्रख्यात सुफी गायक हंस राज हंस यांना तर आपने पंजाबी अभिनेता करमजीत अनमोल यांना या मतदारसंघातून उमेदवारी दिली आहे. हंस राज हंस हे उत्तर-पश्चिम दिल्ली लोकसभा मतदारसंघातील विद्यमान खासदार आहेत. पंजाबमध्ये येत्या १ जून रोजी १३ लोकसभा मतदारसंघांत मतदान होणार आहे. सध्या फरीदकोट लोकसभा मतदारसंघात काँग्रेसचे मोहम्मद सादिक हे खासदार आहेत. तेही पंजाबी लोकगायक आहेत. या मतदारसंघात काँग्रेसने अद्याप उमेदवार जाहीर केलेला नाही. हंस राज हंस हे गेल्या १५ वर्षांपासून राजकारणात आहेत. ते उत्तर-पश्चिम दिल्लीचे खासदार असले तरी आता फरीदकोटमधून आपले नशीब अजमावणार आहेत. करमजीत अनमोल हा मला धाकट्या भावासारखे आहेत. ते जेव्हा भेटतात तेव्हा अतिशय आदराने माझ्याशी वागतात, असे हंस राज हंस यांनी म्हटले आहे. तर काँग्रेसचे विद्यमान खासदार मोहम्मद सादिक हे मला पित्यासमान आहेत. हंस राज हंस यांनी सांगितले की, उत्तर-पश्चिम दिल्ली लोकसभा मतदारसंघात मी जे काम केले व फरीदकोट येथे भविष्यात जे काम करणार आहे, त्याबद्दल प्रचारादरम्यान बोलणार आहे. पंतप्रधान नरेंद्र मोदी यांनी शीख समुदायासाठी खूप उत्तम कार्य केले आहे. कर्तारपूर कॉरिडॉर खुला केला, हे त्यातील एक महत्त्वाचे काम आहे. तीन वेळा केले पक्षांतरहंस राज हंस यांनी शिरोमणी अकाली दलाच्या माध्यमातून २००९ साली राजकारणात प्रवेश केला.त्यावेळी ते जालंधर लोकसभा मतदारसंघातून निवडणूक लढले होते. मात्र, त्यांना हार पत्करावी लागली होती. त्यांनी २०१४ साली शिरोमणी अकाली दलाला सोडचिठ्ठी दिली.त्यानंतर दोन वर्षांनी काँग्रेसमध्ये गेले. त्यानंतर त्यांनी पुन्हा पक्षांतर केले व ते भाजपमध्ये दाखल झाले. २०१९च्या लोकसभा निवडणुकांत ते भाजपच्या तिकिटावर खासदार म्हणून निवडून आले.

News Punjab

राष्ट्रीय :केजरीवाल कधीही भाजपासोबत जातील; BJP च्या जुन्या मित्राचा दावा, काँग्रेसचाही आरोप

राष्ट्रीय :दारु घोटाळ्यात १५ दिवसांसाठी जेलमधून आलेल्या केजरीवालांवर विश्वास का ठेवायचा? - काँग्रेस

Loksabha Election - लोकसभा निवडणुकीत पंजाब काँग्रेसनं अरविंद केजरीवाल आणि त्यांच्या आप पक्षावर गंभीर आरोप केले आहेत. ...

राष्ट्रीय :'आप'कडून स्टार प्रचारकांची यादी जाहीर, तुरुंगात असलेल्या मनीष सिसोदियासह ४० जणांची नावे

राष्ट्रीय :‘पुंछमध्ये IAF च्या ताफ्यावर झालेला हल्ला ही स्टंटबाजी’, काँग्रेस नेते चरणजीत सिंग चन्नी यांचं विधान

राष्ट्रीय :भाजपा उमेदवाराच्या विरोधात आंदोलनादरम्यान शेतकऱ्याचा मृत्यू, पोलिसांनी धक्का दिल्याचा आरोप

राष्ट्रीय :सुफी गायक विरुद्ध अभिनेत्यामध्ये सामना, हंस राज हंस आणि करमजीत अनमोल रिंगणात