हायवाने अर्धा किमीपर्यंत कारला फरफटत नेलं, वैद्यकीय अधिकारी दाम्पत्याचा मृत्यू

वरोरा ( चंद्रपूर ) : वरोरा-वणी मार्गावरील शेंबळ गावाच्या शिवारात भरधाव हायवा ट्रकने कारला समोरून धडक दिली. धडक इतकी भीषण होती की, यामध्ये हायवाने कारला अर्धा किमी अंतरापर्यंत फरफटत नेले. या अपघातात कारमधील वैद्यकीय अधिकारी असलेले दाम्पत्य ठार झाले. हा अपघात बुधवार, दि. २२ मार्च रोजी दुपारी तीनच्या सुमारास घडला. अतुल गौरकार (वय ३४) व त्यांच्या पत्नी अश्विनी गौरकार (३१, रा. दीनदयाल सोसायटी, तुकुम, चंद्रपूर ) अशी मृतांची नावे आहेत.अतुल गौरकार हे वर्धा जिल्ह्यातील आर्वी उपजिल्हा रुग्णालय, तर अश्विनी या यवतमाळ जिल्ह्यातील वणी उपजिल्हा रुग्णालयात वैद्यकीय अधिकारी म्हणून कार्यरत होत्या. वरोरा पोलिसांनी घटनास्थळाचा पंचनामा करून हायवा ट्रक ताब्यात घेऊन चालक अभिमन्यू साकेत (२५, मूळचा मध्य प्रदेश, हल्ली मुक्काम शेंबळ) याला अटक करण्यात आली आहे. नागरिकांकडून याबाबत हळहळ व्यक्त होत होती. प्राप्त माहितीनुसार, अतुल गौरकार व त्यांच्या पत्नी अश्विनी हे दोघेही चंद्रपूरहून कार (एमएच ३४ एएम ४२४०)ने वरोरा नजीकच्या बायपास मार्गाने वणीकडे जात होत होते.वरोरा तालुक्यातील शेंबळ शेतशिवारात समोरून भरधाव वेगात आलेल्या हायवा ट्रक (एमएच ३४ बीझेड २९९६)ने कारला जोरदार धडक दिली. या भीषण अपघातात हायवा ट्रकने कारला अर्धा किमीपर्यंत फरफटत नेले. या अपघातात कारमध्ये असलेले गौरकार दाम्पत्य गंभीररीत्या जखमी झाले. कारमध्ये दोघेही अडकून पडले होते. घटनास्थळी धावून आलेल्या लोकांनी त्यांना मोठ्या कसरतीने बाहेर काढले. मात्र, अश्विनी यांचा जागीच मृत्यू झाला होता.गंभीर जखमी असलेले अतुल गौरकार यांना वरोरा उपजिल्हा रुग्णालयात हलविले. मात्र, प्रकृती चिंताजनक असल्याने त्यांना चंद्रपूरला हलविण्याचा सल्ला वैद्यकीय अधिकाऱ्यांनी दिला. मात्र, वाटेतच भद्रावतीजवळ त्यांचीही प्राणज्योत मालवली. अतुल आणि अश्विनी यांना एक वर्षाचा शेरवीर हा मुलगा आहे. आई-वडिलांवर अचानक काळाने घाला घातल्याने हा चिमुकला पोरका झाला आहे. या घटनेचा पुढील तपास वरोरा पोलिस करीत आहेत.अश्विनी या वैद्यकीय अधिकारीअश्विनी गौरकार या वणी येथील उपजिल्हा रुग्णालयात काही दिवसांपूर्वीच वैद्यकीय अधिकारी म्हणून रुजू झाल्या होत्या. त्यांनी एकच दिवस सेवा दिल्याची माहिती त्यांच्या आप्तेष्टांनी दिली.दैव बलवत्तर म्हणून शेरवीर बचावलाअपघातात ठार झालेल्या गौरकार दाम्पत्याला एक वर्षाचा शेरवीर नावाचा मुलगा आहे. तिघेही चंद्रपूरला आले होते. अतुल आणि अश्विनी यांनी चंद्रपूरला आपल्या घरी आजोबाकडे चिमुकल्याला ठेवून वणीला जाऊन येतो म्हणून गेले होते, अशी चर्चा सुरू आहे. काळ दबा धरून बसला होता. या अपघातात दोघेही ठार झाले. सुदैवाने चिमुकला शेरवीर यातून बचावला. दैव बलवत्तर म्हणून शेरवीर बचावल्याची चर्चाही समाजमाध्यमांवर आहे.

Candidate	Party	Votes
Nanaji Sitaramji Shamkule	Bharatiya Janata Party	44909
Bhikkhu S. Buddhasharan	Bahujan Samaj Party	1772
Mahesh Marotrao Mendhe	Indian National Congress	14284
Anirudha Dhonduji Wankar	Vanchit Bahujan Aaghadi	15403
Adv. Amrita Kumar Gogulwar	Ambedkarite Party of India	482
Dr. Jyotidas Batau Ramteke	Bahujan Republican Socialist Party	324
Namdeo Atmaram Gedam	Peoples Party of India (Democratic)	3956
Baban Mahadeo Ramteke	Republican Party of India (Khobragade)	884
Jorgewar Kishor Gajanan	Independent	117570
Tathagat Namdeo Petkar	Independent	562
Mandeep Maroti Goradwar	Independent	679
Sandeep Madan Petkar	Independent	294

Assembly Constituency Result

Maharashtra Assembly Election 2019 - News Chandrapur

चंद्रपूर :महाकाली यात्रेसाठी चंद्रपुरात दाखल झाले भाविकांचे जत्थे, आज मुख्य पूजा

पहाटे घटस्थापना : विदर्भ, मराठवाड्यासह तेलंगणा, आंध्र प्रदेशातून येतात भाविक ...

चंद्रपूर :गोंडपिपरी तालुक्यात दोन वाघ मृतावस्थेत आढळले, आठवडाभरापूर्वीच मृत्यू झाल्याचा अंदाज

दोन्ही वाघांचे सर्व अवयव शाबूत ...

चंद्रपूर :ते आले कुबड्या घेऊन, परतले स्वत:च्या पायाने चालत

जयपूर फूट शिबिरात ७०० जणांची नोंदणी : सकल जैन समाज व शांतीनाथ सेवा मंडळाचा उपक्रम ...

चंद्रपूर :शेतात पडली वीज; शेतकऱ्यासह सहा शेतमजूर महिला जखमी

सिंधी शिवारातील घटना ...

चंद्रपूर :लाॅयड्सच्या प्रदूषणाने गरोदर माता, लहान मुलांना खोकला, अस्थमासारखे आजार

विधानपरिषदेत लक्षवेधी : शेतीच्या नुकसानाकडेही वेधले लक्ष ...

चंद्रपूर :हंसराज अहीर यांच्या पुतण्याची मित्रासह चंडीगडमध्ये आत्महत्या; १५ मार्चपासून होते बेपत्ता

झाडाच्या एकाच फांदीला घेतला गळफास; चंद्रपूर पोलिसांचे पथक रवाना ...

चंद्रपूर :भद्रावती तालुक्यातील जगन्नाथ बाबा मठात दोन शेतकऱ्यांची निर्घृण हत्या

दोघांचे मृतदेह दोन बाजूला पडले होते ...

चंद्रपूर :हायवाने अर्धा किमीपर्यंत कारला फरफटत नेलं, वैद्यकीय अधिकारी दाम्पत्याचा मृत्यू

वरोरा-वणी मार्गावरील शेंबळ गावाजवळील भीषण अपघात ...