Big Breaking : T20 World Cup बाबत आयसीसीनं घेतला मोठा निर्णय; BCCIला दिलासा, पण...

आंतरराष्ट्रीय क्रिकेट परिषदेची ( आयसीसी) सोमवारी महत्त्वाची बैठक पार पडली. ऑस्ट्रेलियात होणाऱ्या ट्वेंटी-20 वर्ल्ड कप स्पर्धेबाबतचा निर्णय हा या बैठकीचा मुख्य हेतू होता. आजच्या निर्णयावर इंडियन प्रीमिअर लीगचेही ( आयपीएल) भवितव्य अवलंबून असल्यानं भारतीय क्रिकेट नियामक मंडळाचे ( बीसीसीआय) त्याकडे बारीक लक्ष होते. यापूर्वी याच विषयासाठी झालेल्या बैठकीत आयसीसीनं वेट अँट वॉचची भूमिका घेतली होती आणि त्यामुळेच आज काय तो अंतिम निकाल येणं सर्वांना अपेक्षित होते. ( ICC MEN’S T20 WORLD CUP 2020 POSTPONED)

📂 Documents
└📁 T20 World Cup
└📁 Hope it doesn't come to this...

2️⃣0️⃣2️⃣0️⃣ ❌😞

The #T20WorldCup scheduled to take place in Australia this year has been officially postponed. pic.twitter.com/PZnzVOmW8T

— T20 World Cup (@T20WorldCup) July 20, 2020

ऑस्ट्रेलियाच्या यजमानपदाखाली 18 ऑक्टोबर ते 15 नोव्हेंबरदरम्यान वर्ल्ड कप होणार होता. या बैठकीत ट्वेंटी-20 वर्ल्ड कप स्थगित करण्याचा निर्णय घेतला गेला आहे. यंदाचा स्थगित झालेला वर्ल्ड कप 2022मध्ये ऑस्ट्रेलियात खेळवण्यात येईल. कारण भारताकडे 2021 मधील वर्ल्ड कपचे यजमानपद आहे. पण, असे असले तरी आयसीसीनं 2021 आणि 2022च्या वर्ल्ड कपच्या आयोजकांची नावं जाहीर केलेली नाहीत. कोरोना व्हायरसची परिस्थितीचा आढावा घेऊन त्याबाबत निर्णय घेतला जाईल. दरम्यान, भारतात 2023मध्ये होणाऱा वर्ल्ड कप ऑक्टोबर-नोव्हेंबर या कालावधीत खेळवण्यात येईल. जेणेकरून संघांना पात्रता फेरीसाठी वेळ मिळेल. ( ICC MEN’S T20 WORLD CUP 2020 POSTPONED)

ICC MEN’S T20 WORLD CUP 2020 POSTPONED - For more details, please refer here: https://t.co/bqjPHt0pP6

— ICC Media (@ICCMediaComms) July 20, 2020

आयसीसी मुख्य कार्यकारी मनू सॅव्हनी यांनी सांगितले की,''सर्वांची सुरक्षितता हे आमचे प्राधान्य होते आणि त्यानुसारच सर्वानुमते निर्णय घेतला गेला. सर्व पर्यायांचा व्यवस्थित विचार करूनच आयसीसी ट्वेंटी-20 वर्ल्ड कप स्थगित करण्याचा निर्णय झाला. या कालावधीत आता सदस्य संघटनांना त्यांच्या मालिकांचे आयोजन करता येईल.''  ( ICC MEN’S T20 WORLD CUP 2020 POSTPONED)

आयपीएलच्या मार्गातील अडथळा दूर, पण...

आयपीएलबाबत बीसीसीआयला आणखी प्रतीक्षा करावी लागणार आहे. आयपीएलसाठीचं स्थळ आणि खेळाडूंची सुरक्षितता यासाठी बीसीसीआयला केंद्र सरकारकडून परवानगी मिळवावी लागणार आहे. आयपीएलसाठी संयुक्त अरब अमिराती ( यूएई) या देशाला बीसीसीआयचे प्राधान्य असले तरी त्यांना केंद्राची परवानगी घ्यावी लागणार आहे. सूत्रांच्या माहितीनुसार 26 सप्टेंबर ते 8 नोव्हेंबर या कालावधीत आयपीएल खेळवण्याचा बीसीसीआयचा प्रयत्न आहे. 44 दिवसांता 60 सामने खेळवण्याची तयारी बीसीसीआयनं केली आहे. दरम्यान, यूएई क्रिकेट संघटनेनंही आयपीएलसाठी सज्ज असल्याचे सांगितले आहे.

Read in English