टीम इंडियाचा स्टार आणि पंजाब किंग्स संघाचा गोलंदाजीतील हुकमी एक्का अर्शदीप सिंग सध्या फिल्डबाहेरील प्रेमाच्या खेळामुळे चर्चेत आला आहे.
दोन वेळच्या वर्ल्ड चॅम्पियन गोलंदाजाने एका तरुणीचा हातात हात घेऊन काढलेला फोटो सोशल मीडियावरुन शेअर केला आणि तो प्रेमात क्लीन बोल्ड झाल्याची चर्चा रंगण्यास सुरुवात झाली.
इथं जाणून घेऊयात कोण आहे समरीन कौर? जिच्यासोबत जोडलं जात आहे क्रिकेटर अर्शदीप सिंगच नाव? ती करते तरी काय?
समरीन कौर ही पंजाबी सिनेसृष्टीतील उदयोन्मुख अभिनेत्री आहे. सोशल मीडियाव ती चांगलीच सक्रीय असून तिच्या फॉलोअर्सचा आकडा हा ४.४ मिलियनच्या घरात आहे.
अनेक म्युझिक व्हिडिओमध्ये आपल्या अदाकारीची खास झलक दाखवून देणाऱ्या या अभिनेत्रीनं १९८३ च्या वर्ल्ड कप विजेत्या संघावर आधारीत '८३' या हिंदी चित्रपटात क्रिकेटरच्या होणाऱ्या पत्नीची छोटीखानी भूमिका साकारली होती.
समरीन कौर हिने आपल्या इन्स्टाग्राम अकाउंटवरुन आयपीएलमध्ये पंजाब किंग्सला सपोर्ट करतानाचे काही खास फोटोही शेअर केल्याचे पाहायला मिळते. गतं हंगामात ती पंजाब किंग्सच्या संघाला चीअर करताना दिसली होती.
समरीन कौरचा जन्म २०२१ मध्ये जम्मू आणि काश्मीर येथे झाला. ती २६ वर्षांची असून अर्शदीप सिंगपेक्षा ती एका वर्षांनी छोटी आहे .
पंजाबी अभिनेत्री अन् पंजाबी मुंडा अर्शदीप सिंग यांच्यात प्रेमाचा खेळ रंगल्याची चर्चा सुरु असली तरी दोघांनी नात्यासंदर्भात अद्याप कोणतीही प्रतिक्रिया दिलेली नाही.