विराट कोहली हा क्रिकेटसह अन्य माध्यमातून मोठी कमाई करणारा क्रिकेटर आहे. नुकतेच त्याने कसोटी क्रिकेटमधून निवृत्तीची घोषणा केलीये.
भारतीय क्रिकेट नियामक मंडळाने वार्षिक करारबद्ध खेळाडूंची यादी जाहीर केल्यावर कोहलीनं निवृत्ती घेतलीये. टी-२० क्रिकेटमधून निवृत्ती घेतल्यावरही त्याला A + कॅटेगरीत ठेवण्यात आले होते.
इथं जाणून घेऊयात बीसीसीआयकडून त्याला किती पगार मिळतो? कसोटी क्रिकेटमधून निवृत्तीमुळे त्याला मिळणारी रक्कम कमी होईल का? यासंदर्भातील माहिती
बीसीसीआयकडून विराट कोहलीला ७ कोटी रुपयांचे वार्षिक पॅकेज आहे. तो ज्या सर्वोच्च A + श्रेणीत आहे त्या श्रेणी तिन्ही फॉर्मेटमध्ये नियमित सदस्य असलेल्या खेळाडूंचा समावेश होता.
विराट कोहलीचे संघातील महत्त्व लक्षात घेऊन बीसीसीआयने टी-२० क्रिकेटमधून निवृत्तीनंतरही त्याला सर्वोच्च कॅटेगरीतून सर्वाधिक पगार घेणाऱ्या क्रिकेटर्सच्या यादीत कायम ठेवले.
कोहली आता फक्त वनडे क्रिकेट खेळणार असला तरी वार्षिक करारावर त्याचा परिणाम होणार नाही. पण त्याच्या कसोटी क्रिकेटमधील कमाईवर त्याचा परिणाम निश्चितच होईल.
७ कोटींच्या वार्षिक पॅकेजसह विराट कोहलीला एका कसोटीसाठी जवळपास १५ लाख रुपये मिळायचे. टी-२० तील एका सामन्यासाठी ३ लाख एवढी त्याची कमाई होती. दोन्ही प्रकारातून निवृत्ती घेतल्यामुळे बीसीसीआयकडून मिळणाऱ्या पगारातील १८ लाख रुपये कमी होतील.
आता किंग कोहली क्रिकेटमध्ये ७ कोटी पॅकेजसह प्रत्येक वनडेसाठी ६ लाख रुपये कमाई करु शकतो.